Êsther 2:18 - Nau Brah Ndu Ngơi 2023

¹⁸ Jêh nây hađăch nkra du nau nhêt sông toyh ma lĕ rngôch phung kôranh chiă uănh jêh ri ma phung oh mon păng, rnha jêng nau nhêt sông toyh H'Êsther. Tâm ban lĕ hađăch mâu sŏk pi tâm lĕ rngôch n'gor jêh ri ăn nau nkhôm lŏng, khư đah hađăch.

Êsther 2:18 ပူးပေါင်းရင်းမြစ်များ

Nau Ntơm 29:22

Y-Laban nkra du nau nhêt sa jêh ri jă lĕ rngôch bunuyh ta ntŭk nây tât râng ndrel.

Nêhêmi 8:11

Pôri, phung Lêvi ăn lĕ rngôch phung ƀon lan gŭ răk klăk jêh ri lah: “Gŭ rklăk hom, yorlah nar aơ jêng kloh ueh, lơi rngot klâng ôh!”

Êsther 1:7

Bu ndrăp ndrănh ma kachok mah, âk ntil kachok êng êng. Hađăch ndrăp âk ngăn ntil ndrănh, tĭng nâm nau lŏng hađăch.

Êsther 9:22

Yorlah tâm nar jêh ri khay nây, phung Yuđa hŏ dơi rklaih jêh tă bơh phung rlăng khân păng; tâm nau rêh ni plăch jêng nau răm rhơn jêh ri nar rngot klâng plăch jêng nar nau sông sa. Păng lah ma khân păng njêng nar nau sông sa jêh ri hâk răm; ăp nơm njŭn ndơ sa ndrăng khân păng, jêh ri ndơ nhhơr kơl ma phung o ach.

Nau Mprơ Ueh 3:11

Hơi, phung bu ur druh Siôn, Gơnh oi uănh hađăch Salômôn. Păng ndô đon hađăch me păng hŏ n'gân ta klơ bôk hađăch. Tâm nar tâm nkol ur sai hađăch, Nar nuih n'hâm hađăch hâk răm.

Nau Mprơ Ueh 5:1

Hơi oh gâp, ƀăn gâp, Gâp hŏ lăp tâm đang gâp jêh! Gâp hŏ pĕ si tăng jêh ri ndơ ƀâu kah, Sa mpơng sŭt nđâp dak sŭt gâp, Nhêt ndrănh đah dak toh. Hơi mĭt jiăng, sa hom! Hơi băl mpôl, nhŭl hom ndrui nau rŏng!

Mathay 22:2

“Ƀon bri hađăch klơ trôk nâm bu du huê hađăch nkra nau nhêt sông tâm nkol ur sai ma kon păng.

Markôs 6:21

Tâm nar kah gĭt nar deh, Hêrôt ndrăp nau nhêt sông sa toyh ngăn ăn ma phung kâp kơl, phung kôranh tahan, jêh ri phung kan toyh tâm n'gor Galilê.

Luka 14:8

“Tơlah bu jă may râng sông sa nau tâm nkol ur sai, lơi may gŭ ôh ta ntŭk dŭt prêh, klach lah tâm phung bu năch geh du huê yơk lơn ma may.

Nau Tâm Mpơl 11:10

Phung ƀon lan gŭ ta neh ntu răm maak ma khân păng, hâk maak njuăl ndơ ăn ma ndrăng khân păng; yorlah bar hê nơm mbơh lor nây ƀư rêh ni jêh phung gŭ tâm neh ntu.

Nau Tâm Mpơl 19:9

Tông mpăr lah ma gâp pô aơ: “Nchih hom: Ueh maak yơh ma phung bunuyh râng nhêt tâm nsông Kon Biăp!” Tông mpăr lah tay: “Aơ jêng lĕ nau ngơi nanê̆ ngăn tă bơh Brah Ndu.”

I Samuel 25:8

Ôp hom phung oh mon may, khân păng mra nkoch ma may gĭt. Yorlah hên hăn tâm nar rƀŭn, ŭch ăn phung ndăm gâp geh nau ueh lăng tanăp măt may. Dăn ăn ma phung oh mon may jêh ri ma kon bu klâu may Y-Đavit ăp moh ndơ may geh tâm ti.’”