Êsther 2:17 - Nau Brah Ndu Ngơi 2023

¹⁷ Hađăch rŏng kơnh ma H'Êsther âk lơn ma lĕ rngôch phung bu ur druh êng jêh ri păng geh nau yô̆ tanăp măt hađăch rlau lơn ma lĕ rngôch phung bu ur êng. Pôri hađăch ndô đon hađăch ta klơ bôk păng, njêng păng jêng hađăch bu ur ntrok ma H'Vasti.

Êsther 2:17 ပူးပေါင်းရင်းမြစ်များ

Êsther 1:11

leo hađăch bu ur H'Vasti hăn tât tanăp hađăch, ndô đon hađăch păng gay tâm mpơl nau ueh păng ma phung ƀon lan jêh ri ma phung kôranh chiă uănh yorlah păng ueh ngăn.

Êsther 2:16

Bu njŭn H'Êsther lăp tât ta ngih hađăch gay gŭ tanăp hađăch Asuêrus, tâm khay jât (jêng khay Têbet), tâm năm rơh pơh nau chiă uănh hađăch.

Êsther 4:14

Tơlah ay gŭ rklăk tâm nôk aơ, nanê̆ phung Yuđa mra dơi geh nau kơl jêh ri nau tâm rklaih tă bơh ntŭk êng, ƀiălah ay jêh ri ngih mbơ̆ ay mra rai lôch lĕ. Ƀiălah mbu gĭt pô aơ yorlah mông kơt aơ ay dơi jêng hađăch bu ur lĕ?”

Êsther 6:8

ăn păng nsoh ao hađăch, ao hađăch vay nsoh, ncho seh hađăch ncho, jêh ri geh đon hađăch ndô ta klơ bôk bunuyh nây.

Nau Hôr 21:1

Nuih n'hâm hađăch tâm ti Brah Yêhôva nâm bu n'hor dak hoch; Păng ŭch ƀư nkêng nkăng ntŭk mpeh tĭng nau Păng ŭch.

Êsêkiêl 17:24

Lĕ rngôch tơm si tâm bri mra gĭt ma Gâp, Brah Yêhôva, hŏ njŭr tơm si prêh jêh ri n'hao tơm si dêh klơ. Gâp hŏ ƀư kro lơi tơm si ndrêh jêh ri ƀư ăn tơm si lĕ kro dơi nse ueh. Gâp, Brah Yêhôva, hŏ lah jêh ri ƀư dơi jêng nau nây ro.’”

I Samuel 2:8

Yorlah lĕ meh n'gâng neh ntu jêng ndơ Brah Yêhôva, Păng hŏ dơm jêh neh ntu klơ nây.