Êsther 2:16 - Nau Brah Ndu Ngơi 2023

¹⁶ Bu njŭn H'Êsther lăp tât ta ngih hađăch gay gŭ tanăp hađăch Asuêrus, tâm khay jât (jêng khay Têbet), tâm năm rơh pơh nau chiă uănh hađăch.

Êsther 2:16 ပူးပေါင်းရင်းမြစ်များ

Êsra 4:6

Dôl rnôk Y-Asuêrus, tơlah hađăch ntơm chiă uănh, khân păng nchih du plơp samƀŭt phong ma phung Yuđa jêh ri phung gŭ ta ƀon Yêrusalem.

Êsra 7:8

Khay prăm, năm tal pơh rnôk hađăch nây, Y-Êsra văch tât ta Yêrusalem.

Êsther 2:1

Jêh nau nây, tơlah nau hađăch Asuêrus ji nuih lĕ aih jêh, hađăch kah gĭt tay ma H'Vasti, ma nau kan păng hŏ ƀư jêh ri ma nau păng ntrŭnh gay sŏk sưng hađăch bu ur tă bơh H'Vasti.

Êsther 2:15

Tơlah H'Êsther, kon bu ur Y-Abihai kônh păng Y-Môrdêkai, jêng bunuyh hŏ dơn păng ƀư jêng kon bu ur, hŏ tât nau dăp gay hăn lăp tanăp hađăch, H'Êsther mâu dăn du ntil ndơ ôh knŏng ndơ Y-Hêgai, kôranh bu char hađăch, jêng nơm mât uănh phung bu ur, hŏ veh jêh ma păng. H'Êsther dơi geh nau yô̆ tanăp măt lĕ rngôch bunuyh uănh saơ păng.

Êsther 2:17

Hađăch rŏng kơnh ma H'Êsther âk lơn ma lĕ rngôch phung bu ur druh êng jêh ri păng geh nau yô̆ tanăp măt hađăch rlau lơn ma lĕ rngôch phung bu ur êng. Pôri hađăch ndô đon hađăch ta klơ bôk păng, njêng păng jêng hađăch bu ur ntrok ma H'Vasti.

Êsther 2:3

jêh ri dăn hađăch prơh phung kôranh tâm lam lĕ rngôch n'gor tâm ƀon bri hađăch, hăn tâm rgum lĕ rngôch phung bu ur druh ueh, văch tât ta nkual ngih hađăch bu ur tâm ƀon bri hađăch Susa. Jao hom ma Y-Hêgai, kôranh bu char, mât uănh ma phung bu ur, mât njrăng khân păng jêh ri tâm pă dak kôlônh gay jut lơi nau ƀơ̆ ma khân păng.

Êsther 8:9

Nar nây, tâm khay pe, jêng khay Sivan, ta nar bar jât ma pe, bu kuăl rgum phung kôranh nchih samƀŭt ma hađăch. Tĭng nâm nau Y-Môrdêkai ntĭnh, khân păng nchih samƀŭt tât ma phung Yuđa, jêh nây njuăl ma phung kôranh kuăn bôk, kôranh chiă uănh jêh ri phung kôranh bôk n'gor, ntơm bơh India tât ma Êthiôpi, jêng du rhiăng bar jât ma pơh n'gor. Lĕ n'gor tĭng nâm rplay samƀŭt nchih n'gor nây, ăp ntil mpôl bunuyh tĭng nâm nau khân păng ngơi, jêh ri nchih đŏng ma phung Yuđa tĭng nâm rplay samƀŭt jêh ri nau ngơi khân păng.