Êsther 2:15 - Nau Brah Ndu Ngơi 2023

¹⁵ Tơlah H'Êsther, kon bu ur Y-Abihai kônh păng Y-Môrdêkai, jêng bunuyh hŏ dơn păng ƀư jêng kon bu ur, hŏ tât nau dăp gay hăn lăp tanăp hađăch, H'Êsther mâu dăn du ntil ndơ ôh knŏng ndơ Y-Hêgai, kôranh bu char hađăch, jêng nơm mât uănh phung bu ur, hŏ veh jêh ma păng. H'Êsther dơi geh nau yô̆ tanăp măt lĕ rngôch bunuyh uănh saơ păng.

Êsther 2:15 ပူးပေါင်းရင်းမြစ်များ

Êsther 2:14

Ta măng păng hăn tât, kêng ôi păng plơ̆ sĭt ta ngih hađăch bu ur tal bar tâm dâng nau chiă uănh Y-Sasgas jêng kôranh bu char ma hađăch, nơm mât uănh ur yông. Bu ur nây mâu dơi lăp tâm ngih hađăch ôh, knŏng tơlah hađăch ŭch păng jêh ri dơi kuăl amoh nơm nây.

Êsther 2:16

Bu njŭn H'Êsther lăp tât ta ngih hađăch gay gŭ tanăp hađăch Asuêrus, tâm khay jât (jêng khay Têbet), tâm năm rơh pơh nau chiă uănh hađăch.

Êsther 2:3

jêh ri dăn hađăch prơh phung kôranh tâm lam lĕ rngôch n'gor tâm ƀon bri hađăch, hăn tâm rgum lĕ rngôch phung bu ur druh ueh, văch tât ta nkual ngih hađăch bu ur tâm ƀon bri hađăch Susa. Jao hom ma Y-Hêgai, kôranh bu char, mât uănh ma phung bu ur, mât njrăng khân păng jêh ri tâm pă dak kôlônh gay jut lơi nau ƀơ̆ ma khân păng.

Êsther 8:1

Tâm nar nây, hađăch Y-Asuêrus ăn ma hađăch bu ur H'Êsther ngih Y-Haman, jêng nơm rlăng đah phung Yuđa. Bi ma Y-Môrdêkai văch tanăp hađăch, yorlah H'Êsther mbơh păng jêng dăch deh đah păng nơm.

Êsther 9:29

Hađăch bu ur H'Êsther, kon bu ur Y-Abihai, jêh ri Y-Môrdêkai, phung Yuđa, nchih samƀŭt rơh bar ma lĕ nau dơi nanê̆ ngăn gay ntĭm phung Yuđa djôt mray nar nau rƀŭn Purim.

Nau Hôr 15:33

Nau klach yơk ma Brah Yêhôva ntĭm nau blau mĭn, Jêh ri nau dêh rhêt hăn lor ma nau yơk.

Nau Mprơ Ueh 6:9

Ƀiălah sĭm plŭk, hơi nơm ueh ngăn ngên, ay jêng mrô nguay! Jêng kon bu ur knŏng nguay ma mê̆ păng, Du huê kon nơm rŏng lơn ma nơm hŏ deh păng. Lĕ bu ur druh saơ păng rnê păng geh nau ueh uĭn da dê. Lĕ hađăch bu ur jêh ri ur yông tâm rnê păng da dê.

Nau Mprơ Ueh 8:10

Gâp jêng mpêr ƀon, Toh gâp nâm bu vâl tŭm; Yor nây, tâm dâng măt păng Gâp jêng tu nau đăp mpăn.

Kôranh Oh Mon 7:10

Brah Ndu rklaih păng bơh lĕ rngôch nau mhĭk, ăn nau yô̆, jêh ri nau blau mĭn ma păng tanăp Pharaôn, hađăch n'gor Êjipt; hađăch sâm dơm păng jêng kôranh chiă uănh n'gor Êjipt jêh ri lĕ phung ta ngih hađăch.