Êsther 2:14 - Nau Brah Ndu Ngơi 2023

¹⁴ Ta măng păng hăn tât, kêng ôi păng plơ̆ sĭt ta ngih hađăch bu ur tal bar tâm dâng nau chiă uănh Y-Sasgas jêng kôranh bu char ma hađăch, nơm mât uănh ur yông. Bu ur nây mâu dơi lăp tâm ngih hađăch ôh, knŏng tơlah hađăch ŭch păng jêh ri dơi kuăl amoh nơm nây.

Êsther 2:14 ပူးပေါင်းရင်းမြစ်များ

Nau Ntơm 34:19

Y-Sichem mâu hôm gŭ kâp jŏ ôh ƀư lĕ nau đă nây, yorlah păng rŏng ngăn ma kon bu ur Y-Yakôb. Lơ hô đŏng, bu yơk ma Y-Sichem âk lơn ma lĕ bunuyh tâm rnăk vâl mbơ̆ păng.

Êsther 2:13

Tơlah bu ur druh lăp tanăp hađăch, păng dơi vay djôt leo ăp moh ndơ păng ŭch tă bơh ngih hađăch bu ur tât ma ngih hađăch.

Êsther 2:15

Tơlah H'Êsther, kon bu ur Y-Abihai kônh păng Y-Môrdêkai, jêng bunuyh hŏ dơn păng ƀư jêng kon bu ur, hŏ tât nau dăp gay hăn lăp tanăp hađăch, H'Êsther mâu dăn du ntil ndơ ôh knŏng ndơ Y-Hêgai, kôranh bu char hađăch, jêng nơm mât uănh phung bu ur, hŏ veh jêh ma păng. H'Êsther dơi geh nau yô̆ tanăp măt lĕ rngôch bunuyh uănh saơ păng.

Êsther 4:11

“Lĕ rngôch phung oh mon jêh ri phung ƀon lan tâm bri hađăch dơi gĭt da dê pô aơ ăp nơm, mâu gĭt bu ur mâu lah bu klâu, hăn lăp tâm nkual tâm trôm ngih hađăch mâu geh ôh nau jă kuăl, tĭng nâm nau vay hŏ ntrŭnh, bu mra nkhĭt lĕ rngôch, knŏng tơlah hađăch yơr mâng jra hađăch ma mah, nơm nây dơi hôm rêh. Ƀiălah hŏ geh pe jât nar ma aơ gâp mâu dơi ăn lăp tâm trôm nkual ngih hađăch.”

Êsai 43:1

Aƀaơ Brah Yêhôva lah: Ơ phung Yakôb! Nơm hŏ rhăk njêng jêh khân may, Ơ phung Israel! Nơm hŏ rhăk njêng khân may, lah: “Lơi klach ôh, yorlah Gâp hŏ chuai jêh may. Gâp hŏ kuăl jêh amoh may jêh ri may jêng ndơ Gâp.

Êsai 45:4

Yorlah Yakôb, oh mon Gâp, Jêh ri Israel, nơm Gâp hŏ săch jêh, Yor ri Gâp hŏ kuăl amoh may, Gâp hŏ ăn ma may du ntil ndơ bu gĭt năl, nđâp lah may mâu năl Gâp ôh.

Nau Vay Nkah Tay 21:14

Bah kơi taơ, tơlah khân may mâu ŭch rŏng ôh ma bu ur nây, pôri khân may ăn ma păng jêng kon me dah ŭch hăn, mâu dơi ôh tăch păng sŏk prăk, may mâu dơi kơp păng jêng nâm bu dĭk, yorlah khân may lĕ ƀư bêk jêh păng.”