Êsther 2:10 - Nau Brah Ndu Ngơi 2023

¹⁰ H'Êsther mâu ăn bu gĭt ôh phung ƀon lan mâu lah ndŭl mpôl păng; yorlah Y-Môrdêkai hŏ ntĭnh jêh ma păng lơi nkoch ăn bu gĭt.

Êsther 2:10 ပူးပေါင်းရင်းမြစ်များ

Êsther 2:11

Ăp nar, Y-Môrdêkai hăn rsong pâl tâm nkual ngih phung bu ur, gay ŭch gĭt H'Êsther geh nau gŭ mpăn lĕ, mâu lah moh nau tât ma păng.

Êsther 2:20

H'Êsther ƀư di tĭng nau Y-Môrdêkai hŏ ntĭnh păng, mâu ăn bu gĭt phung ƀon lan păng mâu lah phung mpôl băl păng nơm; yorlah H'Êsther tông bâr ma Y-Môrdêkai ntĭnh păng, nâm bu rnôk păng siăm rong tâm ngih păng.

Êsther 2:7

Y-Môrdêkai hŏ siăm rong jêh kon bu ur kônh păng, bu ur druh nây amoh H'Hadasa jêng H'Êsther, yorlah H'Êsther mâu geh mê̆ mbơ̆. Bu ur druh nây ueh jêh ri ray ngăn. Tơlah mê̆ mbơ̆ păng hŏ khĭt jêh, Y-Môrdêkai dơn păng jêng kon bu ur păng nơm.

Êsther 3:8

Y-Haman lah ma hađăch Y-Asuêrus pô aơ: “Geh du phung ƀon lan chah rai, gŭ lam ta nklang phung mpôl băl tâm lĕ ƀon bri hađăch; nau vay khân păng êng đah nau vay phung mpôl băl êng, jêh ri khân păng mâu djôt prăp ôh nau vay hađăch. Yor ri, ăn nau yô̆ ma khân păng mâu jêng ueh ôh ma hađăch.

Êsther 7:4

Yorlah bu tăch jêh gâp jêh ri phung ƀon lan gâp, ŭch ƀư rai lơi, nkhĭt lơi, jêh ri ƀư rai lôch lơi. Tơlah tăch hên gay ăn ƀư dĭk, gâp hŏ gŭ rklăk, yorlah nau rêh ni phung ƀon lan gâp mâu dơi tâm ntĭt ôh nau uh ah hađăch.”

Mathay 10:16

“Aơ, Gâp njuăl khân may hăn nâm bu biăp ta nklang phung so bri. Pôri ăn khân may blau mĭn nâm bu bêh, jêh ri mleh nâm bu plŭk.

Êphêsô 6:1

Hơi phung kon, tông hom ma mê̆ mbơ̆ khân may nơm tâm Kôranh Brah, yorlah aơ jêng nau di ngăn.

Bu ur Rut 3:6

Pônây păng hăn ma ntŭk mprah ba jêh ri ƀư di tĭng nâm po păng hŏ ntĭnh jêh.