Êsther 10:3 - Nau Brah Ndu Ngơi 2023

³ Y-Môrdêkai, phung Yuđa, ƀư kôranh toyh mrô nguay tâm dâng hađăch Asuêrus, jêh ri păng jêng toyh ta nklang phung Yuđa, jêh ri phung âk tâm phung oh nâu păng rŏng ma păng, yorlah păng joi nau ueh ma phung ƀon lan păng jêh ri ngơi nau đăp mpăn ma lĕ rngôch phung ƀon lan păng.

Êsther 10:3 ပူးပေါင်းရင်းမြစ်များ

Nau Ntơm 41:40

Pôri, may mra chiă uănh ngih gâp, jêh ri lĕ rngôch bunuyh ƀon lan gâp mra iăt tông mâm nau may trŭnh. Gâp toyh lơn ma may yor gâp geh sưng hađăch dơm.”

Nau Ntơm 45:10

May mra gŭ tâm n'gor Gôsen jêh ri gŭ dăch gâp. May mra gŭ ndrel phung kon, phung kon sau, phung biăp, phung ndrôk, jêh ri lĕ rngôch ndơ may geh.

Nau Ntơm 45:11

Ta nây gâp mra siăm may, yorlah hôm prăm năm sa sât ji ngot. Yor nây, may ngih may, jêh ri lĕ rngôch mpa rong may mâu mra geh ôh nau ji ngot ji hir.’

II Nau Rêh Jêng 28:7

Y-Sikri, du huê dăng ktang bơh bri Êphraim, nkhĭt Y-Maseya, kon bu klâu hađăch, jêh ri kôranh tahan chiă ngih hađăch Asrikam, jêh ri Y-Êlkana kôranh toyh mrô nguay.

Nêhêmi 2:10

Tơlah Y-Sanbalat, bunuyh Hôrôn, jêh ri Y-Tôbia jêng oh mon mpôl Ammôn, tăng nau nây, khân păng mâu maak, yorlah bu văch gay joi nau kơl ma phung Israel geh nau ndrŏng.

Êsther 2:5

Tâm ƀon bri hađăch Susa, geh du huê bunuyh Yuđa, amoh Y-Môrdêkai, kon bu klâu Y-Jar, sau Y-Simei, se Y-Kis, bunuyh Benjamin.

Êsther 3:2

Lĕ rngôch phung oh mon ta mpông pêr ngih hađăch chon mon mbah da dê gay yơk Y-Haman tĭng nau hađăch ntrŭnh jêh. Ƀiălah Y-Môrdêkai mâu ŭch kŭnh mbah jêh ri mâu đŏng chon mbah păng.

Daniel 5:16

Gâp tăng bu lah may dơi rblang jêh ri nkra nau jêr jŏk. Pôri, tơlah may dơi rŏ rplay samƀŭt nchih jêh ri rblang ma gâp, pôri may mra dơi nsoh ao chăng ĭr, văn rvang mah ta trô ko jêh ri ăn may jêng kôranh mrô pe tâm ƀon bri hađăch.”

Daniel 5:29

Hađăch Belsasar ta nây ro đă djôt ao chiăng ĭr nsoh ma Y-Daniel; sâm văn kông mah ta trô ko jêh ri mbơh păng jêng kôranh mrô pe tâm ƀon bri hađăch.

Daniel 6:3

Y-Daniel geh nau lư n'găr lơn ma bar hê kôranh toyh êng jêh ri phung kôranh nkual yorlah păng geh huêng brah lơn; hađăch mĭn ŭch n'hao păng ăn chiă uănh lĕ ƀon bri hađăch.

Samƀŭt Pôl Njuăl Ăn Ma Phung Nsing Ta Ƀon Rôm 10:1

Hơi phung oh nâu, nau ŭch tâm nuih n'hâm gâp jêh ri nau gâp mbơh sơm đah Brah Ndu jêng gay ma phung Israel geh nau tâm rklaih.

Samƀŭt Pôl Njuăl Ăn Ma Phung Nsing Ta Ƀon Rôm 14:18

Mbu nơm pah kan ma Brah Krist tâm ban pônây ƀư maak nuih n'hâm Brah Ndu jêh ri bu yơk ma bunuyh nây.

I Samuel 18:16

Ƀiălah lĕ rngôch phung Israel jêh ri phung Yuđa rŏng ma Y-Đavit yorlah păng njŭn leo khân păng luh lăp tă bơh ntŭk tâm lơh.

I Samuel 23:17

Y-Jônathan lah: “Lơi klach ôh, yorlah ti mbơ̆ gâp jêng Y-Sôl mâu mra pah ma may ôh. May mra jêng hađăch phung Israel, bi gâp mra jêng kôranh chiă uănh ma may. Y-Sôl, mbơ̆ gâp, gĭt đŏng rah vah kơt nĕ.”