Êsther 1:6 - Nau Brah Ndu Ngơi 2023

⁶ Lam n'gar kao, bu yông bok tôk nching ƀư ma dêh, bok ĭr; kât ma rse mhay rhên nglang jêh ri bok rvanh chăng ndor prăk jêh ri n'gâng lŭ marbrơ. Geh tâm ban lĕ sưng bê̆ch ƀư ma mah jêh ri prăk, dơm ta klơ gre ƀư ma lĕ ntil lŭ marbrơ, chăng, nglang, êr, jêh ri krăk

Êsther 1:6 ပူးပေါင်းရင်းမြစ်များ

Êsther 7:8

Tơlah hađăch tă bơh n'gar kao ngih hađăch plơ̆ sĭt lăp ma ntŭk sông sa, Y-Haman dôl chon mon ta sưng bê̆ch ntŭk H'Êsther dôl gŭ. Hađăch lah: “Tâm ngih hađăch tanăp măt gâp, mâm dĭng păng hôm janh ƀư bêk hađăch bu ur?” Nau ngơi mhe luh bơh trôm mbung hađăch, bu nkŭm muh măt Y-Haman.

Êsther 8:15

Y-Môrdêkai hăn luh bơh ngih hađăch, nsoh ao hađăch ĭr jêh ri nglang, ndô du mlâm đon hađăch toyh ma mah jêh ri nsoh du ao jong ma bok mhay rhên chăng krăk. Phung ƀon lan ƀon Susa troh nter jêh ri răm rhơn.

Nau Ngluh Êjipt 26:1

“Ăn may dŏng hom jât blah bok gay ƀư Ngih Bok. Khân păng tanh ma rse mhay rhên, brai ĭr, brai chăng krăk, jêh ri brai sut, geh cheh rup chêrubim ma nau nê̆ ueh ngăn.

Êsêkiêl 23:41

Ay gŭ ta klơ sưng bê̆ch ueh; panăp sưng nây geh du mlâm sưng sông jêh ri dơm ta klơ nây ndơ ƀâu kah jêh ri dak ngi ôlive Gâp.

Amôt 2:8

Khân păng bê̆ch êp ăp nơng ƀư brah, Ta klơ lĕ kho ao jêng ndơ khân păng hŏ sŏk ƀư ndơ nchăm Jêh ri nhêt ndrănh phung khân păng rmal Tâm ntŭk mbah brah tih khân păng.

Amôt 3:12

Brah Yêhôva lah: “Nâm bu phung rmăk biăp knŏng dơi đŏt mphâk bar mlâm jâng, Mâu lah du mlâm trôm tôr luh tă bơh trôm mbung yau mŭr Pôri phung ƀon lan Israel gŭ ta n'gor Samari, Ta njônh sưng jêh ri ta sưng bê̆ch bri Damas Ăt mra dơi rklaih tâm ban pônây lĕ.

Amôt 6:4

Khân may gŭ bê̆ch ta sưng ƀư ma la Jêh ri rok jâng ta klơ sưng bê̆ch khân may nơm; Sa puăch phung biăp kon săch tâm mpôl phung biăp Jêh ri phung kon ndrôk lay tă bơh ndrung.

I Samuel 28:23

Y-Sôl dun jêh ri lah: “Gâp mâu mra sông sa ôh.” Ƀiălah phung oh mon păng nđâp bu ur nây nchâp păng ngăn pôri hađăch iăt nau khân păng. Hađăch dâk tă tâm neh jêh ri hao gŭ klơ sưng.