Êsther 1:4 - Nau Brah Ndu Ngơi 2023

⁴ Tâm du rhiăng pham jât nar, hađăch mpơl nau ndrŏng chrêk lơp ƀon bri hađăch păng jêh ri nau lit rnam jêh ri nau lơp rmal păng.

Êsther 1:4 ပူးပေါင်းရင်းမြစ်များ

I Nau Rêh Jêng 29:25

Brah Yêhôva ƀư ma Y-Salômôn geh nau yơk tanăp măt lĕ rngôch phung Israel, jêh ri ăn nau hit rnam ma hađăch, kŏ tât tâm phung Israel mâu mâp geh ôh ma du hađăch lor panăp păng dơi tâm ban pônây.

Êsther 1:3

Tâm năm rơh pe păng chiă uănh, păng nkra du nau nhêt sông toyh ma lĕ rngôch kôranh chiă uănh păng jêh ri phung oh mon păng. Phung kôranh tahan n'gor bri Persi jêh ri n'gor Mêdơ, phung ndrŏng nđâp ma phung kôranh chiă uănh n'gor gŭ panăp păng da dê.

Êsther 1:5

Tơlah lĕ nar nây lôch jêh, hađăch nkra nau sông sa toyh ma lĕ rngôch phung ƀon lan gŭ ta nây tâm ƀon Susa, ntơm bơh bunuyh toyh lư tât ma bunuyh jê̆, tâm pơh nar ta ntŭk n'gar kao ngih hađăch.

Ndrom Samƀŭt bơh Yôp 40:10

“Uănh hom Bêhêmot Gâp hŏ rhăk njêng nâm bu rhăk njêng may; Păng sa gơ̆ nâm bu ndrôk.

Nau Mprơ Ơm 145:5

Gâp gŭ mĭn ma nau lit rnam, bêng nau chrêk rmah May, Jêh ri ma kan khlay May.

Nau Mprơ Ơm 21:5

Yor nau Kôranh Brah tâm rklaih, păng geh nau chrêk rmah toyh; May nsoh ma păng nau yơk jêh ri nau rnam.

Nau Mprơ Ơm 45:3

Hơi hađăch geh nau dơi, cheng hom đao ta bŭt; Tâm nau chrêk rmah jêh ri nau hit rnam may.

Nau Mprơ Ơm 93:1

Brah Yêhôva chiă uănh, Păng nsoh nau rnam. Brah Yêhôva nsoh jêh ri rêt rse bŭt ma nau ktang. Neh ntu dơi njêng nâp, mâu mâp n'gơ ôh.

Êsai 39:2

Y-Hêsêkia rom rhơn ma phung mbơh jêh ri ntĭm ma khân păng uănh jay prăp drăp ndơ khlay hađăch tâm ban ma prăk, mah, dak si ƀâu kah, dak ngi khlay, lĕ rngôch jay prăp ndơ tâm lơh jêh ri lĕ rngôch ndơ tâm lĕ jay prăp drăp ndơ khlay. Mâu hôm geh du ntil ndơ ôh tâm ngih hađăch jêh ri tâm lĕ ƀon bri dĭng Y-Hêsêkia mâu ăn khân păng uănh.

Êsêkiêl 28:5

Yor nau gĭt mĭn tâm nau tăch drăp, May hŏ n'hao jêh nau ndrŏng may, Jêh ri nuih n'hâm may sưr yor nau ndrŏng may.’

Daniel 4:30

hađăch lah: “Mâu di hĕ aơ ƀon Babilôn dŭt toyh gâp nơm rdâk jêh ƀư ƀon hađăch ma nau dơi dŭt prêh gâp tâm rnê ma nau chrêk rmah chrat ang ma gâp ta nây lĕ?”

Daniel 4:36

Mông nây nau gĭt rbăng gâp plơ̆ sĭt tay. Gâp joi geh tay nau chrêk rmah ma ƀon bri hađăch gâp, nau rnam jêh ri nau chrêk rmah sĭt tay ma gâp. Phung kôranh tâm nchră jêh ri phung kôranh toyh văch tanăp gâp da dê. Dơi ndâk tay gâp chiă uănh tâm ƀon bri hađăch jêh ri ntop đŏng ma gâp jêng toyh lơn ntơm saơm.

Daniel 5:18

Ơ hađăch, Brah Ndu Nơm Dŭt Prêh ăn jêh ƀon bri hađăch, nau dơi dŭt prêh, nau chrêk rmah, jêh ri nau rnam ăn ma mbơ̆ may jêng Y-Nêbukatnetsar.

Mathay 4:8

Brah mhĭk djôt leo Păng ta klơ n'glơn yôk prêh, nchŏng ma Păng saơ lĕ rngôch ƀon bri hađăch ta neh ntu ndrel ma nau chrêk rmah khân păng,

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Samƀŭt Pôl Njuăl Ăn Ma Phung Nsing Ta Ƀon Rôm 9:23

Tơlah Păng ŭch tâm mpơl nau ndrŏng nau chrêk rmah Păng đah lĕ yăng khư yô̆ nđach, Păng hŏ ndrăp lor ma nau chrêk rmah,

Êphêsô 1:18

Gâp dăn đŏng Păng sol ang măt nuih n'hâm khân may, gay ma khân may gĭt năl moh nau kâp gân tâm Kôranh Brah kuăl jêh khân may văch, mâm nau ndrŏng tâm drăp ndơn chrêk rmah Păng tâm phung kloh ueh,

Kôlôh 1:27

Yor Brah Ndu ŭch khân may mpơl nau rmeh ler jêh ri nau chrêk rmah nau khlay ndâp nây ta nklang phung bu năch, nây jêng Brah Krist gŭ tâm khân may, jêng nau kâp gân ma nau chrêk rmah.

Nau Tâm Mpơl 4:11

“Ơ Brah Ndu jêng Kôranh Brah hên, Kôranh Brah khư sŏk dơn nau chrêk rmah, nau yơk jêh ri nau dơi, Yorlah Kôranh Brah rhăk njêng jêh lĕ rngôch ndơ, Jêh ri tĭng nâm Kôranh Brah ŭch lĕ rngôch ndơ jêng geh jêh ri May rhăk njêng jêh khân păng.”