Êsther 1:3 - Nau Brah Ndu Ngơi 2023

³ Tâm năm rơh pe păng chiă uănh, păng nkra du nau nhêt sông toyh ma lĕ rngôch kôranh chiă uănh păng jêh ri phung oh mon păng. Phung kôranh tahan n'gor bri Persi jêh ri n'gor Mêdơ, phung ndrŏng nđâp ma phung kôranh chiă uănh n'gor gŭ panăp păng da dê.

Êsther 1:3 ပူးပေါင်းရင်းမြစ်များ

Nau Ntơm 40:20

Tât nar tal pe, jêng kah gĭt nar deh Pharaôn, hađăch ƀư nau sông sa ma lĕ rngôch phung oh mon păng, jêh ri ăn ma kôranh djôt kachok jêh ri kôranh ƀư piăng let luh bơh ndrung.

I Phung Hađăch 3:15

Y-Salômôn kah rngăl, gĭt nây jêng nau mbơi. Jêh nây hađăch plơ̆ sĭt ma Yêrusalem, dâk panăp Hip Nau Tâm Rnglăp Brah Yêhôva, nhhơr ndơ ƀư brah gŭch jêh ri ndơ ƀư brah ma nau đăp mpăn. Jêh nau nây, hađăch ƀư du nau nhêt sông ma lĕ rngôch phung oh mon păng.

Êsra 1:2

“Y-Sirus, hađăch Persi, lah: ‘Brah Yêhôva, Brah Ndu klơ lĕ ndâr trôk, ăn jêh lĕ rngôch bri dak lam ta neh ntu jêh ma gâp, jêh ri Păng nơm yơh hŏ ntăm jêh ma gâp ndâk ăn Păng du rplay ngih brah ta ƀon Yêrusalem, tâm n'gor Yuđa.

Êsther 1:14

jêng phung dăch ma hađăch geh Y-Karsêna, Y-Sêthar, Y-Atmatha, Y-Tarsis, Y-Mêres, Y-Marsêna, jêh ri Y-Mêmukan, ăt jêng pơh kôranh chiă uănh n'gor bri Persi jêh ri Mêdơ vay tâm mâp đah hađăch jêh ri gŭ ntŭk mrô nguay tâm ƀon bri hađăch.

Êsther 1:4

Tâm du rhiăng pham jât nar, hađăch mpơl nau ndrŏng chrêk lơp ƀon bri hađăch păng jêh ri nau lit rnam jêh ri nau lơp rmal păng.

Êsther 2:18

Jêh nây hađăch nkra du nau nhêt sông toyh ma lĕ rngôch phung kôranh chiă uănh jêh ri ma phung oh mon păng, rnha jêng nau nhêt sông toyh H'Êsther. Tâm ban lĕ hađăch mâu sŏk pi tâm lĕ rngôch n'gor jêh ri ăn nau nkhôm lŏng, khư đah hađăch.

Êsther 3:7

Ta khay tal nguay jêng khay Nisan, tâm năm rơh jât ma bar tâm rnôk hađăch Asuêrus chiă uănh, bu nchroh Pur, nâm bu ntĭt nchroh n'hôr tĭng ăp nar ăp khay, tanăp măt Y-Haman. Chroh n'hôr di tâm khay jât ma bar, jêng khay Adar.

Êsai 21:2

Geh du nau tâm saơ klach krit hŏ mpơl ma gâp: Nơm mâu gŭ răp jăp dôl ƀư rlăng, Nơm ƀư rai dôl ƀư rai! “Ơ phung Êlam, hăn hao hom! Ơ phung Mêdơ, nchueng jŭm hom! Gâp mra ƀư lôch Lĕ nau păng lŭng nter.”

Yêrêmi 51:11

Lanh hom hăr ăn mplônh, Kuăn khêl ăn nâp! Brah Yêhôva hŏ nsônh jêh nuih n'hâm phung hađăch bri Mêdơ, yorlah nau Păng ŭch ƀư jêng nau ƀư rai lơi ƀon Babilôn. Aơ jêng nau Brah Yêhôva plơng bôk, Păng plơng bôk ma ngih brah Păng.

Daniel 5:1

Hađăch Belsasar nkra nau nhêt sông toyh ma du rbăn nuyh kôranh păng. Hađăch nhêt ndrănh tanăp khân păng.

Daniel 5:28

Pêres jêng: Ƀon bri hađăch may bu tâm pă jêh nây ăn ma phung Mêdơ jêh ri phung Persi.”

Daniel 6:1

Hađăch Darius tâm nal sâm dơm ăn du rhiăng bar jât bunuyh kôranh nkual gay chiă uănh lam ƀon bri hađăch,

Daniel 8:20

Biăp nkuăng may saơ jêh geh bar mlâm nke jêng phung hađăch Mêdơ jêh ri hađăch Persi.

Markôs 6:21

Tâm nar kah gĭt nar deh, Hêrôt ndrăp nau nhêt sông sa toyh ngăn ăn ma phung kâp kơl, phung kôranh tahan, jêh ri phung kan toyh tâm n'gor Galilê.