Êsther 1:19 - Nau Brah Ndu Ngơi 2023

¹⁹ Yor ri, tơlah hađăch maak nuih n'hâm, ăn hađăch njuăl samƀŭt ntrŭnh nau ăn ma bu nchih tâm ndrom samƀŭt nau vay n'gor bri Persi jêh ri Mêdơ gay lơi ăn bu rgâl ôh, ma H'Vasti mâu mra dơi văch đŏng tanăp hađăch Asuêrus ôh. Ăn hađăch jao nau păng jêng hađăch bu ur ma nơm êng ueh lơn ma păng.

Êsther 1:19 ပူးပေါင်းရင်းမြစ်များ

I Phung Hađăch 3:28

Tơlah lĕ rngôch phung Israel hŏ tăng nau hađăch phat dôih nây, jêh ri khân păng geh nau yơk ma hađăch, yorlah khân păng saơ pô aơ Brah Ndu hŏ ăn ma hađăch nau gĭt mĭn gay ƀư nau di.

Êsther 1:18

Nar aơ, phung ur kôranh gŭ ta n'gor bri Persi jêh ri Mêdơ tăng jêh lĕ nau hađăch bu ur ƀư jêh, khân păng mra ƀư tĭng nâm nau nây gay gŭ ngao ma phung sai khân păng jêng phung kôranh tâm dâng hađăch, nanê̆ mra geh nau mưch rmot jêh ri ji nuih.

Êsther 1:21

Nau aơ ueh nau mĭn hađăch jêh ri nđâp phung kôranh chiă uănh; hađăch ƀư tĭng nâm nau Y-Mêmukan nchră.

Êsther 2:1

Jêh nau nây, tơlah nau hađăch Asuêrus ji nuih lĕ aih jêh, hađăch kah gĭt tay ma H'Vasti, ma nau kan păng hŏ ƀư jêh ri ma nau păng ntrŭnh gay sŏk sưng hađăch bu ur tă bơh H'Vasti.

Êsther 3:9

Tơlah nau aơ di nau hađăch mĭn, dăn hađăch ăn bu nchih samƀŭt nau ntrŭnh ƀư rai lơi khân păng, jêh ri gâp mra chê̆ pe rhiăng prăm jât rbăn tân prăk tâm ti phung kôranh tâm ngih hađăch gay khân păng djôt leo tâm jay prăp hađăch.”

Êsther 8:5

Păng lah: “Tơlah di nau hađăch mĭn, tơlah gâp geh nau yô̆ tanăp măt hađăch, jêh ri tơlah hađăch saơ nau aơ jêng di jêh ri tơlah gâp ƀư ueh ma măt hađăch, dăn ma hađăch ntrŭnh gay chalơi lĕ samƀŭt Y-Haman, kon bu klâu Y-Hamêdatha, bunuyh Agak, hŏ nchră nchih njuăl jêh gay ƀư rai lơi phung Yuđa gŭ tâm lĕ rngôch n'gor bri hađăch.

Êsther 8:8

Pôri khân ay may sŏk hom amoh gâp nchih moh nau di khân ay may nơm mĭn ma phung Yuđa, jêh nây sŏk rgên ti gâp tâp pŏng. Yorlah samƀŭt nau ntrŭnh nây hŏ nchih tâm amoh gâp jêh ri tâp pŏng ma rgên ti gâp, bu mâu dơi chalơi ôh.”

Daniel 6:17

Bu djôt du mlâm lŭ tât rdâl bâr trôm ntu. Hađăch tâp pŏng ma ndơ hađăch jêh ri tâp pŏng phung kôranh păng gay mâu ăn rgâl du ntil nau tât ma Y-Daniel đŏng ôh.

I Samuel 15:28

Y-Samuel lah ma păng: “Nar aơ Brah Yêhôva lĕ nkhêk jêh ƀon bri hađăch Israel tă bơh may kơt nĕ, gay ăn ma du huê bunuyh chiau meng may, jêng nơm ueh lơn ma may.