Êsther 1:10 - Nau Brah Ndu Ngơi 2023

¹⁰ Ta nar tal pơh, tơlah nuih n'hâm hađăch maak jêh ma ndrănh, hađăch ntĭnh ma Y-Mêhuman, Y-Bistha, Y-Harbôna, Y-Biktha, Y-Abaktha, Y-Sêthar jêh ri Y-Karkas, jêng pơh kôranh bu char pah kan tanăp hađăch Y-Asuêrus,

Êsther 1:10 ပူးပေါင်းရင်းမြစ်များ

Nau Ntơm 43:34

Ndơ sông sa thai jêh ma Y-Yôsep dơi ndơ̆ tât sưng phung nâu păng, ƀiălah ndơ̆ sa ăn ma Y-Benjamin prăm tơ̆ âk lơn ma ndơ phung ƀaƀă. Khân păng sông sa nhêt hơm jêh ri gŭ maak ndrel ma Y-Yôsep.

II Samuel 13:28

Y-Apsalôm ntĭnh ma phung oh mon păng: “Kâp uănh tơlah nuih n'hâm Y-Amnôn maak yor ndrănh, jêh ri tơlah gâp lah ma khân may: ‘dong hom Y-Amnôn,’ pônây nkhĭt hom păng ro yơh. Lơi klach ôh! Mâu di hĕ gâp nơm yơh đă ma khân may ƀư nau nây? Ăn khân may nănh janh jêh ri mpơl nau janh ktang!”

Êsther 1:9

Tâm nôk nây, hađăch bu ur H'Vasti nkra du nau nhêt sông toyh ma phung bu ur tâm ngih hađăch Y-Asuêrus.

Êsther 3:15

Phung djôt leo samƀŭt hăn ma nau ndal tĭng nâm nau hađăch ntĭnh. Samƀŭt nau ntrŭnh nây bu njuăl đŏng ma ƀon bri hađăch Susa. Jêh nau nây, hađăch jêh ri Y-Haman gŭ nhêt ndrănh tâm nôk ƀon Susa geh nau uh ah rŭng răng.

Êsther 7:9

Y-Harbôna, du huê kôranh bu char dăch hađăch lah: “Ri, tơm si yông trô ko, prêh bar jât ma prăm met, Y-Haman hŏ ndâk rơm ndrăp tâm ngih păng nơm gay yông Y-Môrdêkai, jêng bunuyh hŏ mbơh gay rklaih nau rêh hađăch.” Hađăch lah: “Yông hom păng ta nây!”

Nau Hôr 20:1

Ndrănh ƀư ăn bu tâm mưch, ndơ nhêt nhŭl ƀư ăn nau ngơi drơu drơu; Mbu nơm dŏng păng rlau keh ir mâu di ôh jêng blau mĭn.

Nau Hôr 31:4

Hơi Y-Lêmuêl, mâu ueh ôh ăn ma phung hađăch, Mâu ueh ôh ăn hađăch nhêt ndrănh, Mâu lah phung kôranh ôp: “Mbah ntŭk ndrănh?”

Nơm Nti 10:19

Nkra nhêt sa gay rvăt nau maak, Ndrănh ƀư ăn nau rêh răm maak, Jêh ri prăk rêl dơi tŏng nau ŭch.

Phung Kôranh Phat Dôih 16:25

Dôl nuih n'hâm khân păng răm maak, khân păng nter: “Kuăl hom Y-Samsôn gay ăn ma păng tâm mpơl nau pâl ma he.” Pônây, khân păng leo Y-Samsôn luh tă bơh ndrung bu nă, jêh ri Y-Samsôn pâl tanăp khân păng. Jêh nây khân păng ăn Y-Samsôn dâk vah vang lĕ meh gâng ngih brah.

Phung Kôranh Phat Dôih 19:6

Pônây khân păng gŭ tay, sông nhêt sa ndrel. Mbơ̆ bu ur lah ma klay păng: “Ăn may bê̆ch tay măng aơ đŏng, gay ma nuih n'hâm may maak!”

Bu ur Rut 3:7

Tơlah jêh Y-Bôas nhêt sa, nuih n'hâm păng maak. Jêh ri păng hăn bê̆ch ta meng ntŭk bun ba ôrgơ. Rnôk nây H'Rut hăn djoch djoch păng pơk phôi ta jâng păng jêh ri bê̆ch.