Êsther 1:1 - Nau Brah Ndu Ngơi 2023

¹ Aơ jêng nau tât geh tâm rnôk Y-Asuêrus jêng hađăch, nơm chiă uănh du rhiăng bar jât ma pơh n'gor ntơm bơh bri India tât ma bri Êthiôpi.

Êsther 1:1 ပူးပေါင်းရင်းမြစ်များ

Êsra 4:6

Dôl rnôk Y-Asuêrus, tơlah hađăch ntơm chiă uănh, khân păng nchih du plơp samƀŭt phong ma phung Yuđa jêh ri phung gŭ ta ƀon Yêrusalem.

Êsther 10:1

Hađăch Asuêrus nchâp phung ƀon lan tâm n'gor jêh ri lĕ gôl dak mƀŭt chê̆ pi.

Êsther 2:3

jêh ri dăn hađăch prơh phung kôranh tâm lam lĕ rngôch n'gor tâm ƀon bri hađăch, hăn tâm rgum lĕ rngôch phung bu ur druh ueh, văch tât ta nkual ngih hađăch bu ur tâm ƀon bri hađăch Susa. Jao hom ma Y-Hêgai, kôranh bu char, mât uănh ma phung bu ur, mât njrăng khân păng jêh ri tâm pă dak kôlônh gay jut lơi nau ƀơ̆ ma khân păng.

Êsther 8:9

Nar nây, tâm khay pe, jêng khay Sivan, ta nar bar jât ma pe, bu kuăl rgum phung kôranh nchih samƀŭt ma hađăch. Tĭng nâm nau Y-Môrdêkai ntĭnh, khân păng nchih samƀŭt tât ma phung Yuđa, jêh nây njuăl ma phung kôranh kuăn bôk, kôranh chiă uănh jêh ri phung kôranh bôk n'gor, ntơm bơh India tât ma Êthiôpi, jêng du rhiăng bar jât ma pơh n'gor. Lĕ n'gor tĭng nâm rplay samƀŭt nchih n'gor nây, ăp ntil mpôl bunuyh tĭng nâm nau khân păng ngơi, jêh ri nchih đŏng ma phung Yuđa tĭng nâm rplay samƀŭt jêh ri nau ngơi khân păng.

Êsther 9:30

Bu njuăl lĕ samƀŭt ma lĕ rngôch phung Yuđa tâm du rhiăng bar jât ma pơh n'gor tâm ƀon bri hađăch Asuêrus ma nau ngơi đăp mpăn jêh ri nau ngăn.

Êsai 18:1

Rêh ni ngăn ma bri neh rtuh năr nteh drơu drơu, Jêng bri neh đah ri dak krong bri Kus;

Êsai 37:9

Aƀaơ, hađăch Asiri tăng nau bu mbơh ma Y-Tirhaka, hađăch Kus, pô aơ: “Hađăch nĕ leo phung tahan văch ŭch tâm lơh đah hađăch.” Tăng nau nây, hađăch Asiri prơh đŏng phung mbơh hăn tâm mâp ma Y-Hêsêkia, jêh ri ntĭnh pô aơ:

Daniel 11:2

“Aƀaơ aơ gâp mra ăn may gĭt nau nanê̆ ngăn. Aơ, geh pe hađăch mra mpơl tâm n'gor Persi. Hađăch rơh puăn ndrŏng kuăng lơn ma lĕ rngôch phung hađăch êng. Tơlah drăp ndơ ƀư ma hađăch nây jêng ktang pôri păng mra nsônh phung ƀon lan tâm rdâng đah ƀon bri hađăch Grek.

Daniel 6:1

Hađăch Darius tâm nal sâm dơm ăn du rhiăng bar jât bunuyh kôranh nkual gay chiă uănh lam ƀon bri hađăch,

Daniel 9:1

Năm rơh nguay hađăch Darius chiă uănh, kon bu klâu Y-Asuêrus, jêng ndŭl mpôl phung Mêdơ, nơm bu njêng dơi chiă uănh ƀon bri hađăch phung Kaldê;