Êsra 9:9 - Nau Brah Ndu Ngơi 2023

⁹ Yorlah hên jêng phung ƀư dĭk, ƀiălah Brah Ndu hên mâu chalơi phung kon ôh tâm nau ƀư dĭk nây. Păng hŏ ăn jêh ma hên geh nau yô̆ tanăp măt phung hađăch n'gor Persi, ƀư ăn hên dơi rêh đŏng gay plơ̆ sĭt ndâk tay ngih brah ma Brah Ndu phung kon, nkra đŏng lĕ ntŭk hŏ rlâm jêh, jêh ri ăn ma hên du ntŭk gŭ đăp mpăn tâm n'gor Yuđa jêh ri ƀon Yêrusalem.

Êsra 9:9 ပူးပေါင်းရင်းမြစ်များ

Êsra 2:68

Tơlah hŏ tât ta ngih Brah Yêhôva ta Yêrusalem, phung kôranh ƀon nhhơr lĕ ndơ hŏ mĭn jêh tâm nuih n'hâm khân păng ma ngih Brah Ndu gay ndâk njêng tay ngih brah ta ntŭk mbon ơm.

Êsra 7:6

Y-Êsra nây plơ̆ sĭt tă bơh bri Babilôn. Păng jêng du huê kôranh nchih samƀŭt gĭt rbăng tâm nau vay Y-Môis, Yêhôva Brah Ndu phung Israel hŏ ntăm nti jêh. Yorlah ti Yêhôva Brah Ndu kơl ma păng, pôri hađăch ăn ma păng lĕ ndơ păng ŭch dăn.

Êsra 7:8

Khay prăm, năm tal pơh rnôk hađăch nây, Y-Êsra văch tât ta Yêrusalem.

Êsra 9:10

Aƀaơ ri, hơi Brah Ndu phung kon, pakơi lĕ nau aơ, mâm phung kon mra lah? Yorlah hên hŏ chalơi lĕ rngôch nau vay ntăm bơh May ntĭnh.

Nêhêmi 2:17

Gâp lah ma khân păng: “Khân may hŏ saơ jêh he dôl gŭ tâm nau rêh ni, Yêrusalem hŏ roh rai jêh ri lĕ mpông ƀon păng lĕ ŭnh sa jêh. Văch hom, ăn he ndâk đŏng mpêr ƀon Yêrusalem, gay mâu hôm dơn nau bêk prêng đŏng ôh.”

Nêhêmi 9:17

Khân păng mâu tông bâr ôh jêh ri mâu kah gĭt ma nau mbên khlay ngăn ngên Kôranh Brah hŏ ƀư jêh ta nklang khân păng, Ƀiălah khân păng dăng ko jêh ri tâm nôk tâm rdâng, Khân păng săch du huê kôranh chiă uănh gay leo ma khân păng plơ̆ sĭt tay nau ƀư dĭk. Ƀiălah Kôranh Brah jêng Brah Ndu rơm ndrăp yô̆ an, vay ƀư nau yô̆, jêh ri yô̆ nđach, Mâu gơnh ji nuih jêh ri bêng ma nuih n'hâm ueh. Kôranh Brah mâu chalơi khân păng ôh.

Nau Mprơ Ơm 109:12

Lơi ăn du huê ƀư ueh ma păng, Mâu geh du huê yô̆ nđach ma kon đơi păng.

Nau Mprơ Ơm 138:7

Nđâp tơlah gâp hăn tâm nklang nau uh ah, May ăt mât mray nau rêh gâp; May mra yơr ti May tâm rdâng ma nau phung rlăng ji nuih gâp, Jêh ri ti ma May tâm rklaih gâp.

Êsai 14:3

Tât nar Brah Yêhôva ăn ma khân may nau rlu bơh nau rêh ni, nau rŭng răng toyh, jêh ri nau pah kan hŏt rgănh bu nchâp khân may ƀư,

Êsai 5:2

Păng kuyh pŏk neh, dônh lĕ lŭ, Jêh ri tăm ntil play krăk ƀâu ueh. Păng rdâk du rplay ngih tŭm gak ta nklang đang krăk ƀâu Jêh ri kuyh du ntu păt ndrănh. Păng kâp gân ma păng geh play ueh, Ƀiălah păng geh knŏng play krăk ƀâu mhĭk.

Êsai 5:5

Pôri aƀaơ aơ, Gâp mra ăn khân may gĭt Moh nau Gâp dăch ƀư ma đang play Gâp: Gâp mra rôk lơi n'gar păng, Gay ma bu kăp rvăn păng, Gâp mra ƀư rlâm lơi n'gar păng Gay ma bu jot lơi păng.

Êsai 61:4

Khân păng mra rdâk tay lĕ ntŭk rlâm rai rnôk kăl e, Rdâk đŏng lĕ ntŭk rngot njăp panăp; Nkra tay lĕ rngôch ƀon rai jêh, Jêng lĕ ntŭk rngot njăp hŏ âk năm jêh.

Êsêkiêl 11:16

Yor nây, lah hom ma khân păng: ‘Kôranh Brah Yêhôva lah: Nđâp tơlah Gâp hŏ mprơh jêh khân păng ngai ta nklang phung băl mpôl bunuyh êng, hŏ ƀư chah rai khân păng tâm âk bri dak, Gâp ăt jêng ntŭk kloh ueh ma khân păng tâm du năng nar ta lĕ bri dak khân păng hăn tât.’

Daniel 9:25

Pônây ăn may gĭt jêh ri gĭt rbăng ntơm bơh geh nau ntrŭnh njêng tay jêh ri rdâk tay ƀon Yêrusalem kŏ Nơm Dơn Tŏ Dak Ƀâu Kah tât, pôri geh pơh năng pơh jêh ri prao jât ma bar năng pơh. Ƀon nây bu dơi rdâk tay, geh trong jêh ri pôih nâp, dôl rnôk jêr jŏt ngăn.

Ndrom Samƀŭt bơh Agê 1:9

‘Khân may gŭ kâp mĭn geh âk ƀiălah geh djê̆; moh ndơ khân may djôt lăp ta ngih pôri Gâp hŏ khôm jêh leo klơ. Mâm ƀư nau nây?’ Brah Yêhôva ma phung tahan lah: ‘Nây jêng yor ngih Gâp hôm e rlâm rai, ƀiălah ăp nơm khân may pah kan rvê mĭn ŭch ndâk ngih êng ma khân may nơm.

Sakari 2:5

Brah Yêhôva lah: ‘Gâp nơm yơh mra jêng du mpêr ŭnh gŭ jŭm păng, jêh ri nau chrêk ma lơp Gâp mra gŭ ta nklang păng.’”