Êsra 9:8 - Nau Brah Ndu Ngơi 2023

⁸ Ƀiălah aƀaơ ri, Yêhôva Brah Ndu phung kon hŏ yô̆ an ma hên, gay ăn hên du kô̆ hôm e klen dơi klaih, jêh ri ăn ma hên du ngih brah tâm trôm ntŭk kloh ueh aơ, gay ma Brah Ndu hên ƀư ăn ang măt phung kon dơi saơ ang jêh ri ăn hên dơi rêh đŏng djê̆ djê̆ tă bơh ƀư bu nă.

Êsra 9:8 ပူးပေါင်းရင်းမြစ်များ

II Phung Hađăch 19:4

N'hêl nanê̆ Yêhôva Brah Ndu may hŏ tăng jêh lĕ rngôch nau Y-Rabshakeh ngơi jêh ri kôranh păng jêng hađăch Asiri hŏ prơh păng hăn tât gay mưch rmot Brah Ndu gŭ rêh mro mrăng, jêh ri Yêhôva Brah Ndu may mra rmal ma khân păng yor lĕ nau ngơi Păng hŏ tăng jêh. Yor ri, dăn ma may mbơh sơm hom ma phung hôm klen.’”

Êsra 9:9

Yorlah hên jêng phung ƀư dĭk, ƀiălah Brah Ndu hên mâu chalơi phung kon ôh tâm nau ƀư dĭk nây. Păng hŏ ăn jêh ma hên geh nau yô̆ tanăp măt phung hađăch n'gor Persi, ƀư ăn hên dơi rêh đŏng gay plơ̆ sĭt ndâk tay ngih brah ma Brah Ndu phung kon, nkra đŏng lĕ ntŭk hŏ rlâm jêh, jêh ri ăn ma hên du ntŭk gŭ đăp mpăn tâm n'gor Yuđa jêh ri ƀon Yêrusalem.

Nêhêmi 1:11

Hơi Kôranh Brah! Dăn ma May iăt nau gâp mbơh sơm jêng oh mon May jêh ri phung oh mon êng êng, jêng phung maak nuih n'hâm klach yơk ma amoh May. Nar aơ, dăn ma Kôranh Brah ăn ma gâp jêng oh mon Kôranh Brah dơi geh nau ƀŭn lap jêh ri geh nau yô̆ nđach tanăp bunuyh aơ.” Rnôk nây gâp ƀư nau pah kan nhhơr ndrănh ma hađăch.

Nêhêmi 9:31

Ƀiălah, yorlah nuih n'hâm yô̆ nđach toyh, Kôranh Brah mâu ƀư rai lĕ khân păng tâm ban đŏng mâu chalơi khân păng. Yorlah Kôranh Brah jêng Brah Ndu vay yô̆ nđach jêh ri geh nau ueh.

Ndrom Samƀŭt bơh Yôp 33:30

Djôt leo huêng khân păng luh bơh ntu jru, Gay ma khân păng saơ nau ang ma nau rêh.

Nau Mprơ Ơm 13:3

Ơ Brah Yêhôva Brah Ndu gâp, sek uănh hom jêh ri plơ̆ lah ma gâp. Ăn măt gâp dơi ang, klach lah gâp mra bê̆ch tâm nau khĭt!

Nau Mprơ Ơm 13:4

Klach lah phung rlăng gâp mra lah: “Gâp dơi lơn jêh đah păng,” Jêh ri phung tâm rdâng đah gâp mra răm rhơn tơlah gâp chêh prah.

Nau Mprơ Ơm 138:7

Nđâp tơlah gâp hăn tâm nklang nau uh ah, May ăt mât mray nau rêh gâp; May mra yơr ti May tâm rdâng ma nau phung rlăng ji nuih gâp, Jêh ri ti ma May tâm rklaih gâp.

Nau Mprơ Ơm 34:5

Mbu uănh n'gơr tâm Kôranh Brah mra geh nau sol ang; Khân păng mâu mra geh nau prêng măt ôh.

Nau Mprơ Ơm 85:6

May mâu mra ƀư nau rêh ma hên Gay ma phung ƀon lan May răm maak tâm May lĕ?

Nau Hôr 29:13

Bunuyh o ach jêh ri nơm tŭn jot tâm mâp ndrel ta ntŭk aơ: Brah Yêhôva ăn nau ang ma bar đah măt ma lĕ bar hê.

Nơm Nti 12:11

Nau bunuyh blau mĭn nâm bu mplanh mâng loih nơm chiăp; lĕ nau hôr dơi rgum tay nâm bu kđĭn pâng nâp; yor du huê rmăk biăp mbơh jêh.

Êsai 1:9

Tơlah Brah Yêhôva ma phung tahan Mâu lơi ma he du phung djê̆ hôm rêh, Pôri he he hŏ jêng nâm bu ƀon Sôdôm, Jêh ri tâm ban ma ƀon Gômôrơ jêh.

Êsai 14:3

Tât nar Brah Yêhôva ăn ma khân may nau rlu bơh nau rêh ni, nau rŭng răng toyh, jêh ri nau pah kan hŏt rgănh bu nchâp khân may ƀư,

Êsai 56:5

Pôri Gâp mra ăn ma khân păng du ntŭk tâm ngih Gâp, Tâm lĕ mpêr ƀon Gâp, Jêh ri ăn ma khân păng du amoh ueh lơn ma amoh phung kon bu klâu jêh ri ma phung kon bu ur; Gâp mra ăn ma khân păng du amoh n'ho ro, Jêng amoh mâu blau roh.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 6:13

Nđâp tơlah du kô̆ tâm jât hôm e tâm khân păng Bu mra ƀư rai lơi; Ƀiălah, nâm bu kăl jêh tơm n'ho, tơm guyh hôm om knŏng yôk ngâl, Ndŭl mpôl kloh ueh jêng yôk ngâl păng.”

Yêrêmi 42:2

văch tât da dê lah ma nơm mbơh lor Y-Yêrêmi: “Dăn may dơn hom nau ŭch dăn hên gay mbơh sơm ma Yêhôva Brah Ndu may ăn ma hên, jêng phung bunuyh hôm klen gŭ ta aơ. Nâm bu may saơ jêh, hên knŏng hôm e djê̆ dơm mâu geh âk tâm ban ma saơm.

Yêrêmi 44:14

Tâm phung ƀon lan Yuđa hôm klen nchuăt du gŭ tâm bri Êjipt mâu mra geh du huê bunuyh dơi klaih ôh mâu lah hôm rêh gay plơ̆ sĭt tay ma bri Yuđa, jêng ntŭk khân păng ŭch kâp plơ̆ sĭt tâm n'gor. Khân păng mâu mra dơi plơ̆ sĭt gŭ ôh, knŏng phung ƀaƀă nchuăt du klaih nây dơm.’”

Êsêkiêl 14:22

Ƀiălah, aơ, phung hôm klen, nđâp ma phung kon bu ur, kon bu klâu, mra dơi djôt leo bơh tâm n'gor jêh ri khân păng mra hăn tât ma khân may. Jêh ri khân may mra saơ trong jêh ri nau khân păng ƀư pôri khân may mra bonh leng êng ma khân may ma nau mhĭk Gâp ăn jêh ta ƀon Yêrusalem, nây jêng ăp ntil ndơ Gâp hŏ ăn jêh ta păng.

Ndrom Samƀŭt bơh Ôsê 6:2

Bar nar pakơi Păng mra ăn he kah rngăl tay; Nar rơh pe Păng mra rdâk ăn he dâk, Gay he rêh tanăp măt Păng.

Habakuk 3:2

Ơ Brah Yêhôva! Gâp tăng jêh nau bu nkoch lư n'găr amoh May, Yor ri gâp klach yơk ma May. Ơ Brah Yêhôva! Ta nklang năm khay mro mrăng, Dăn Kôranh Brah ăn njêng mhe tay nau kan May, jêh ri tâm mpơl ma lĕ rngôch bunuyh gĭt. Tâm nau ji nuih, dăn Kôranh Brah kah gĭt ma nau yô̆ nđach!

Sôphôni 3:12

Gâp mra chalơi ta nklang may Du phung ƀon lan o ach jêh ri dêh rhêt, Khân păng mra gŭ krap tâm amoh Brah Yêhôva.

Sakari 10:4

Tă bơh ngih Yuđa, mra luh lŭ mbon njônh ngih, Tă bơh khân păng, mra luh n'gâng vâl bok, Tă bơh khân păng, mra luh hăr na tâm lơh, Jêh ri tă bơh khân păng, mra luh lĕ rngôch kôranh chiă uănh.

Sakari 8:12

“Yorlah gŭ ta nây mra geh găr ntil đăp mpăn; tơm krăk ƀâu mra geh play jêh ri neh mra geh play âk tât yan păng, lĕ ndâr trôk mra ăn truh dak tŭk. Gâp mra ăn phung ƀon lan hôm klen dơi dơn lĕ ndơ aơ.

Sakari 8:6

Brah Yêhôva ma phung tahan lah: “Tâm nar nây, nđâp lah phung ƀon lan hôm e klen aơ, uănh ma nau nây nâm bu hih rhâl, ƀiălah ma măt Gâp uănh mâu geh hih rhâl ôh?” Brah Yêhôva ma phung tahan lah.

Samƀŭt Pôl Njuăl Ăn Ma Phung Nsing Ta Ƀon Rôm 9:27

Bi Y-Êsai hao ngơi ma phung Israel pô aơ: “Nđâp tơlah phung kon Israel âk tâm ban ma choih dak mƀŭt, knŏng du kô̆ hôm e klen mra dơi tâm rklaih;

Nau Tâm Mpơl 3:12

Mbu nơm mra dơi, Gâp mra ăn ƀư meh n'gâng tâm ngih brah Brah Ndu Gâp; jêh ri bunuyh nây mâu mra luh bơh nĕ. Gâp mra nchih ta klơ bunuyh nây: amoh Brah Ndu Gâp, amoh ƀon Brah Ndu Gâp — ƀon Yêrusalem mhe, gŭ ta klơ trôk, bơh Brah Ndu hăn jŭr — jêh ri amoh mhe Gâp.

I Samuel 14:27

Bi Y-Jônathan mâu gĭt ôh nau mbơ̆ păng ton đah phung ƀon lan, pônây păng yơr chiông mâng păng djôt ta ti, păng sŏch chiông mâng nây ta mpơng sŭt, jêh ri nsiăm ti dak sŭt ta trôm mbung, pôri măt păng ang rah vah ro.

I Samuel 14:29

Y-Jônathan lah: “Mbơ̆ gâp hŏ ƀư jêh nau rŭng răng tay ma n'gor. Uănh hom, yorlah gâp ler djê̆ lê̆ dak sŭt aơ măt gâp jêng ang rah vah jêh!