Êsra 9:7 - Nau Brah Ndu Ngơi 2023

⁷ Ntơm rnôk chô yau hên kăl e tât aƀaơ aơ, hên hŏ ƀư tih toyh jêh. Yor nau djơh hên nơm, yor ri phung kon, phung hađăch, phung kôranh ƀư brah hên, lĕ jao jêh hên tâm ti phung hađăch bri bu năch, ma đao tak, bu nhŭp ƀư bu nă, bu pit in drăp ndơ, jêh ri bu gơm mưch kŏ tât ta nar aơ.

Êsra 9:7 ပူးပေါင်းရင်းမြစ်များ

I Phung Hađăch 8:47

Tơlah tâm n'gor ƀư dĭk bu, khân păng rgâl nuih n'hâm, rmal nau tih jêh ri vơl dăn ma Kôranh Brah pô aơ: ‘Hên ƀư tih jêh, ƀư nau kue jêh ri djơh mhĭk;’

II Nau Rêh Jêng 29:6

Yorlah phung che he hŏ ƀư tih jêh, ƀư nau mhĭk tanăp măt Yêhôva Brah Ndu he, chalơi Păng, jêh ri mâu ŭch rle muh măt uănh ma ntŭk Brah Yêhôva gŭ, ndôn kơi ma Păng.

II Nau Rêh Jêng 30:7

Lơi ta kơt nâm bu phung che jêh ri phung oh nâu khân may ôh, khân păng hŏ ƀư tih mâu ŭch gŭ răp jăp ma Yêhôva Brah Ndu phung chô yau khân păng, kŏ tât Păng ƀư rai jêh khân păng tĭng nâm khân may hŏ saơ jêh.

II Nau Rêh Jêng 34:24

Brah Yêhôva lah: Aơ, ‘Gâp mra ăn tât nau mhĭk ma ntŭk aơ jêh ri ma phung ƀon lan gŭ ta ntŭk aơ tĭng nâm lĕ rngôch nau bu rtăp rak hŏ nchih jêh tâm ndrom samƀŭt bu hŏ răk jêh tanăp măt hađăch Yuđa.

Êsra 9:13

Pakơi lĕ nau mhĭk ăn tât nây ma hên, yor lĕ nau djơh jêh ri nau tih toyh hên, — hơi Brah Ndu hên! Nanê̆ ngăn Kôranh Brah mâu tâm rmal ôh hên ăn di nâm bu nau tih hên, ƀiălah hŏ ăn ma hên du kô̆ hôm e klen tâm ban pônây, —

Nêhêmi 9:30

Kôranh Brah srôih nuih đah khân păng âk năm. Jêh ri mbơh ăn khân păng njrăng đah Brah Huêng jêh ri phung nơm mbơh lor May. Ƀiălah khân păng mâu rkêng tôr iăt ôh Rĭ dĭng Kôranh Brah jao khân păng tâm ti lĕ ntil mpôl bunuyh rêh gŭ tâm n'gor.

Êsai 64:4

Bơh rnôk ơm, bu mâu mâp tăng ôh, Tôr mâu mâp tăng, măt mâu mâp saơ, Rlau ma May, Mâu geh Brah Ndu êng ôh, Nơm hŏ pah kan kơl kơt nĕ ma phung gŭ kâp Păng.

Yêrêmi 25:18

Yêrusalem jêh ri lĕ rngôch ƀon Yuđa, phung hađăch jêh ri phung kôranh ƀon, gay khân păng jêng rngot njăp rjăp, ƀơ̆ ƀơch, bu gơm mưch jêh ri rak rtăp nâm bu nar aơ;

Yêrêmi 3:25

Hên di ma lâng bê̆ch tâm nau bêk prêng, Ntâk klơ hên nau bêk prêng. Yorlah lĕ rngôch hên nđâp ma chô yau hên Hŏ ƀư tih đah Yêhôva Brah Ndu da dê; Ntơm bơh hôm mom ndăm tât aƀaơ, Phung hên mâu ŭch iăt nau Yêhôva Brah Ndu hên.”

Yêrêmi 32:23

Khân păng hŏ lăp jêh ri dơn bri aơ ƀư drăp ndơn, ƀiălah khân păng mâu ŭch tông bâr May ôh, mâu rêh tĭng nau vay May, mâu ƀư tĭng ôh du ntil tâm lĕ rngôch nau May ntĭnh. Yor nây, May ăn tât jêh lĕ nau mhĭk aơ ma khân păng.

Yêrêmi 32:32

Yorlah lĕ rngôch nau mhĭk phung kon sau Israel jêh ri phung kon sau Yuđa, khân păng nơm yơh, phung hađăch, phung kôranh, lĕ phung kôranh ƀư brah, lĕ phung nơm mbơh lor khân păng, nđâp ma phung Yuđa jêh ri phung ƀon lan gŭ tâm Yêrusalem gay ƀư nsônh nuih Gâp,

Yêrêmi 44:22

Brah Yêhôva mâu hôm dơi srôih đŏng ôh lĕ nau mhĭk kan khân ay may ƀư jêh ri nau ƀơ̆ ƀơch khân ay may hŏ ƀư tih jêh, yor nây nar aơ bri dak khân ay may hŏ jêng nau bu rak rtăp jêh, jêng du ntŭk rngol, jêng ntŭk rngot klâng, mâu geh bunuyh gŭ ôh.

Yêrêmi 44:9

Di lĕ khân may hŏ chuêl jêh nau mhĭk phung chô yau khân may, nau mhĭk phung hađăch Yuđa, nau mhĭk phung ur hađăch, nau mhĭk khân may nơm jêh ri ur khân may hŏ ƀư tih jêh tâm n'gor bri Yuđa jêh ri tâm trong toyh ƀon Yêrusalem?

Nau Nhĭm Vơl 5:7

Chô yau hên hŏ ƀư tih jêh ri abaơ lĕ khĭt jêh; Hên mra anh nau mhĭk khân păng.

Êsêkiêl 11:9

Gâp mra ngluh khân may tă bơh ƀon aơ jêh ri jao khân may tâm ti phung bu năch gay ma tâm rmal khân may.

Êsêkiêl 39:23

Rnôk nây, lĕ ntil mpôl bunuyh mra gĭt ma ngih Israel hŏ leo hăn ƀư bu nă yor nau tih khân păng, yorlah păng hŏ ƀư tih tâm rdâng đah Gâp. Yor nây yơh Gâp pôn lơi muh măt Gâp đah khân păng, jao khân păng tâm ti phung rlăng jêh ri lĕ rngôch khân păng hŏ chôt khĭt ma đao.

Nau Kơp Bunuyh 32:14

Aƀaơ, khân may jêng noi deh phung bunuyh tih, ntrok tay phung chô yau khân may nơm dâk hao jêh ri ƀư ma Brah Yêhôva ji nuih ma phung Israel lơ hô ntop.

I Samuel 12:15

Bi tơlah khân may mâu tông ôh bâr Brah Yêhôva, ƀiălah tâm rdâng đah nau vay Păng ntăm, ti Brah Yêhôva mra ƀư mhĭk ma khân may nâm bu păng hŏ ƀư mhĭk ma chô yau khân may.