Êsra 9:2 - Nau Brah Ndu Ngơi 2023

² Khân păng jêh ri phung kon bu klâu khân păng hŏ sŏk jêh phung kon bu ur phung nây, ăn jêng ur ma khân păng nơm, ƀư ma noi deh kloh ueh hŏ tâm pot đah phung ntil mpôl bunuyh gŭ tâm n'gor aơ. Nanê̆, phung kôranh jêh ri phung kôranh chiă uănh jêng phung ƀư tih jâk lơn.”

Êsra 9:2 ပူးပေါင်းရင်းမြစ်များ

Nau Ntơm 6:2

Phung kon bu klâu Brah Ndu saơ kon bu ur kon bunuyh ueh jêh ri khân păng gŭ ur sai đah mbu nơm khân păng săch gay sŏk ur.

I Phung Hađăch 11:1

Padih ma kon bu ur Pharaôn, hađăch Salômôn rŏng kơnh đŏng âk phung bu ur bu năch êng; nĕ jêng phung kon bu ur Môap, Ammôn, Êđôm, Sidôn jêh ri Hitit.

Êsra 10:2

Y-Sêkania, kon bu klâu Y-Jêhiêl, sau Y-Êlam, lah ma Y-Êsra: “Hên hŏ ƀư tih đah Brah Ndu hên jêh ri tâm nsông đah phung bu ur bu năch jêng phung ntil mpôl bunuyh gŭ tâm n'gor. Nđâp lah pônây, ăt hôm e nau kâp gân ma phung Israel.

Êsra 9:12

Yor ri, lơi ăn văng ôh phung kon bu ur khân may đah phung kon bu klâu khân păng, mâu lĕ dơi sŏk phung kon bu ur khân păng đah phung kon bu klâu khân may. Mâu đŏng joi nau ndrŏng mâu lah nau đăp mpăn bơh khân păng, gay khân may dơi jêng ktang, sa kao play tâm n'gor, jêh ri gay n'gor nây ăn ma phung kon khân may ƀư drăp ndơn n'ho ro.’

Êsra 9:14

pôri mâm hên hôm ƀư tih lĕ nau vay ntăm bơh Kôranh Brah, gŭ sai ur jêh đah lĕ phung ntil mpôl bunuyh tĭng lĕ ndô̆ nau vay ƀơ̆ ƀơch aơ? Nau ji nuih bơh Kôranh Brah mâu mra nkhŭt ma hên, ƀư rai lơi hên kŏ tât mâu hôm klen đŏng ôh mâu lah nchuăt klaih lĕ?

Nêhêmi 13:17

Rnôk nây gâp nduyh ma phung ndrŏng tâm phung Yuđa pô aơ: “Mâm ƀư khân may ƀư nau mhĭk aơ gay ƀư ƀơ̆ nar saƀat?

Nêhêmi 13:28

Du huê tâm phung kon bu klâu Y-Jôada, sau kôranh ƀư brah toyh lơn Y-Êliasip, hŏ nđăp kon druh Y-Sanbalat, phung Hôrôn, yor nau nây gâp mprơh păng du tă bơh gâp.

Nau Ngluh Êjipt 19:6

Khân may mra dơi jêng du ƀon bri hađăch phung kôranh ƀư brah jêh ri du phung mpôl kloh ueh ma Gâp.’ Nĕ jêng lĕ nau may mra ngơi ma phung ƀon lan Israel.”

Nau Ngluh Êjipt 22:31

Phung khân may jêng bunuyh kloh ueh ma Gâp, yor nây mâu dơi sa ôh puăch mpa tă mpô mpa bri sa hêk tâm mir, ăn may mƀăr păng ma so sa.

Nau Ngluh Êjipt 34:16

Mâu đŏng dơi nđăp kon bu ur khân păng ma phung kon bu klâu khân may, klach lah phung kon bu ur khân păng ƀư nau văng tĭr đah phung brah jêh ri nsŭk phung kon bu klâu khân may ƀư nau văng tĭr đah phung brah khân păng.

Êsai 6:13

Nđâp tơlah du kô̆ tâm jât hôm e tâm khân păng Bu mra ƀư rai lơi; Ƀiălah, nâm bu kăl jêh tơm n'ho, tơm guyh hôm om knŏng yôk ngâl, Ndŭl mpôl kloh ueh jêng yôk ngâl păng.”

Kan Lêvi 21:15

kơt nây, păng mâu mra ƀư nau đit prêng noi deh ndŭl mpôl dăch păng, yorlah Gâp jêng Brah Yêhôva, Nơm ƀư kloh ueh păng.’”

Malachi 2:11

Phung Yuđa gŭ tâm nau mbruh, jêh ri hŏ ƀư jêh nau ƀơ̆ ƀơch tâm phung Israel jêh ri tâm ƀon Yêrusalem. Yuđa hŏ ƀư ƀơ̆ jêh jrô kloh ueh Brah Yêhôva rŏng, yorlah khân păng nkhơng ma gŭ ur sai đah kon bu ur brah bu năch.

Malachi 2:15

Mâu di bơh Brah Ndu njêng knŏng du huê bunuyh nây, nđâp lah n'hâm păng nsôr rêh dơi rmeh ler ƀơh. Ƀiălah mâm dĭng njêng knŏng du huê bunuyh? Nây jêng gay joi du noi deh kloh ueh. Pôri, njrăng hom ma huêng khân may nơm, lơi ta mâu gŭ răp jăp ôh đah ur păng sŏk jêh dôl mom ndăm.

I Kôrintô 7:14

Yorlah sai mâu chroh ma Kôranh Brah mra geh nau kloh ueh yor ma ur păng; bi ur mâu chroh ma Kôranh Brah mra geh nau kloh ueh yor ma sai păng. Tơlah mâu, phung kon khân may mra ƀơ̆ ƀơch, ƀiălah aƀaơ aơ khân păng geh nau ƀư kloh ueh da dê.

II Kôrintô 6:14

Lơi ta anh mâng mbăk ndrel đah phung mâu chroh ôh. Yorlah nau sŏng srăng đah nau djơh mhĭk geh nau tâm rnglăp lĕ? Nau ang jêh ri nau ngo geh tâm rnglăp lĕ?

Nau Vay Nkah Tay 14:2

yorlah khân may jêng du phung ƀon lan kloh ueh ma Yêhôva Brah Ndu khân may. Brah Yêhôva hŏ săch jêh khân may tă bơh ta nklang phung ƀon lan klơ neh gay khân may dơi jêng du phung ƀon lan jêng ndơ ma Păng.

Nau Vay Nkah Tay 7:6

Yorlah khân may jêng du phung ƀon lan kloh ueh ma Yêhôva Brah Ndu. Tâm lĕ rngôch phung ƀon lan tâm neh ntu aơ, Yêhôva Brah Ndu hŏ săch jêh khân may gay jêng phung ƀon lan Păng, jêng drăp ndơn êng Păng.

Yôsuê 22:15

Khân păng văch ma phung Ruben, phung Gat, jêh ri du n'gul ndŭl mpôl Manasê tâm bri Gilêat jêh ri lah:

Yôsuê 23:12

Tơlah khân may plơ̆ nuih n'hâm jêh ri tâm rnglăp đah phung ndŭl mpôl êng hôm gŭ ta nklang khân may jêh ri khân may tâm gŭ ur sai đah phung nây, mâu lah tâm rnglăp ndrel ma khân păng,