Êsra 9:14 - Nau Brah Ndu Ngơi 2023

¹⁴ pôri mâm hên hôm ƀư tih lĕ nau vay ntăm bơh Kôranh Brah, gŭ sai ur jêh đah lĕ phung ntil mpôl bunuyh tĭng lĕ ndô̆ nau vay ƀơ̆ ƀơch aơ? Nau ji nuih bơh Kôranh Brah mâu mra nkhŭt ma hên, ƀư rai lơi hên kŏ tât mâu hôm klen đŏng ôh mâu lah nchuăt klaih lĕ?

Êsra 9:14 ပူးပေါင်းရင်းမြစ်များ

Êsra 10:10

Kôranh ƀư brah Y-Êsra dâk, jêh ri lah: “Khân may hŏ ƀư tih jêh, sŏk ur bu năch jêh ri ƀư ma nau tih phung Israel ntop âk.

Êsra 9:2

Khân păng jêh ri phung kon bu klâu khân păng hŏ sŏk jêh phung kon bu ur phung nây, ăn jêng ur ma khân păng nơm, ƀư ma noi deh kloh ueh hŏ tâm pot đah phung ntil mpôl bunuyh gŭ tâm n'gor aơ. Nanê̆, phung kôranh jêh ri phung kôranh chiă uănh jêng phung ƀư tih jâk lơn.”

Êsra 9:8

Ƀiălah aƀaơ ri, Yêhôva Brah Ndu phung kon hŏ yô̆ an ma hên, gay ăn hên du kô̆ hôm e klen dơi klaih, jêh ri ăn ma hên du ngih brah tâm trôm ntŭk kloh ueh aơ, gay ma Brah Ndu hên ƀư ăn ang măt phung kon dơi saơ ang jêh ri ăn hên dơi rêh đŏng djê̆ djê̆ tă bơh ƀư bu nă.

Nêhêmi 13:18

Mâu di hĕ phung chô yau khân may kăl e hŏ ƀư jêh kơt nây, kŏ tât Brah Ndu he ăn tât jêh lĕ nau mhĭk nây ma he jêh ri ma ƀon Yêrusalem? Bi khân may ƀư ƀơ̆ đŏng nar saƀat, gay ƀư ăn nau ji nuih Păng ntop âk ma phung Israel!”

Nau Ngluh Êjipt 23:32

Kon lơi ƀư nau tâm rnglăp ôh đah khân păng mâu lah đah phung brah khân păng.

Nau Ngluh Êjipt 32:10

Pôri aƀaơ, lơi kđôi Gâp be, gay ma Gâp hao nau ji nuih jêh ri gâp ƀư rai khân păng. Ƀiălah Gâp mra ƀư ma may jêng du mpôl băl toyh.”

Êsai 1:9

Tơlah Brah Yêhôva ma phung tahan Mâu lơi ma he du phung djê̆ hôm rêh, Pôri he he hŏ jêng nâm bu ƀon Sôdôm, Jêh ri tâm ban ma ƀon Gômôrơ jêh.

Yêrêmi 44:9

Di lĕ khân may hŏ chuêl jêh nau mhĭk phung chô yau khân may, nau mhĭk phung hađăch Yuđa, nau mhĭk phung ur hađăch, nau mhĭk khân may nơm jêh ri ur khân may hŏ ƀư tih jêh tâm n'gor bri Yuđa jêh ri tâm trong toyh ƀon Yêrusalem?

Yêrêmi 46:28

Brah Yêhôva lah: “Ơ phung Yakôb phung oh mon Gâp, lơi ta klach ôh, Yorlah Gâp gŭ ndrel ma may. Gâp mra ƀư rai lĕ rngôch bri dak Gâp hŏ mprơh may tât jêh; Bi ma may Gâp mâu mra ƀư rai lôch ôh, May mâu mra rklaih ôh bơh nau tâm rmal Ƀiălah Gâp mra nduyh nkra may ma nau di.”

Êsêkiêl 6:8

Ƀiălah, Gâp mra om phung ƀaƀă, yorlah mra geh phung ƀaƀă hŏ klaih tă bơh chông đao dôl khân may du pru pra tâm lĕ bri dak.

Nau Kơp Bunuyh 16:21

“Tâm nkhah hom khân may nơm luh bơh phung tâm rƀŭn aơ, Gâp mra ƀư rai khân păng ƀât lât dơm.”

Nau Kơp Bunuyh 16:45

“Du ngai hom tă bơh phung tâm rƀŭn aơ, Gâp mra ƀư rai khân păng ƀât lât dơm.” Ƀiălah bar hê khân păng chŭn muh măt ta neh,

Yôhan 5:14

Pakơi nây, Brah Yêsu mâp bunuyh nây tâm ngih Brah, jêh ri lah ma păng: “Aơ, may hŏ bah ji jêh, lơi hôm may ƀư tih ôh, klach lah geh nau mhĭk lơ hô rlau lơn tât ma may.”

Samƀŭt Pôl Njuăl Ăn Ma Phung Nsing Ta Ƀon Rôm 6:1

Pôri mâm he mra lah? He ăt hôm gŭ rêh tâm nau tih gay geh nau yô̆ âk rmeh lĕ?

Nau Vay Nkah Tay 9:14

Lơi ta mpăng Gâp ôh, Gâp mra ƀư rai khân păng jêh ri jut lơi amoh khân păng bơh neh ntu aơ. Ƀiălah Gâp mra ƀư ma may dơi jêng du ndŭl mpôl dăng lơn jêh ri âk lơn ma khân păng.’

Nau Vay Nkah Tay 9:8

Ta yôk Hôrep, khân may hŏ nsônh nau ji nuih Brah Yêhôva jêh ri Păng hŏ ji nuih jêh đah khân may kŏ tât Păng mĭn ŭch ƀư rai khân may.

Phung Kôranh Phat Dôih 2:2

bi khân may, lơi ta ƀư ôh nau tâm rnglăp đah phung ƀon lan tâm n'gor aơ; ƀư chah hom nơng ƀư brah khân păng.’ Ƀiălah khân may mâu iăt tĭng nau Gâp ntĭnh. Mâm khân may hŏ ƀư nau nây?