Êsra 9:13 - Nau Brah Ndu Ngơi 2023

¹³ Pakơi lĕ nau mhĭk ăn tât nây ma hên, yor lĕ nau djơh jêh ri nau tih toyh hên, — hơi Brah Ndu hên! Nanê̆ ngăn Kôranh Brah mâu tâm rmal ôh hên ăn di nâm bu nau tih hên, ƀiălah hŏ ăn ma hên du kô̆ hôm e klen tâm ban pônây, —

Êsra 9:13 ပူးပေါင်းရင်းမြစ်များ

Nêhêmi 13:18

Mâu di hĕ phung chô yau khân may kăl e hŏ ƀư jêh kơt nây, kŏ tât Brah Ndu he ăn tât jêh lĕ nau mhĭk nây ma he jêh ri ma ƀon Yêrusalem? Bi khân may ƀư ƀơ̆ đŏng nar saƀat, gay ƀư ăn nau ji nuih Păng ntop âk ma phung Israel!”

Nêhêmi 9:32

Pôri aƀaơ, hơi Brah Ndu hên, jêng Brah Ndu dŭt toyh, nơm brah, geh nau klach yơk, Djôt prăp nau tâm rnglăp jêh ri nuih n'hâm ueh, Dăn lơi uănh n'gơch nau rêh ni hŏ ăn tât ma hên, Ma phung hađăch, ma phung kôranh chiă uănh, ma phung kôranh ƀư brah, ma phung nơm mbơh lor, ma phung chô yau hên, Jêh ri ma lĕ rngôch phung ƀon lan Kôranh Brah tă bơh rnôk phung hađăch Asiri kŏ tât ta nar aơ.

Ndrom Samƀŭt bơh Yôp 11:6

Ŭch ma Păng mpơl ăn may gĭt nau ndâp bơh nau blau mĭn! Yorlah nau blau mĭn Păng jru khlay ngăn. Pônây ăn gĭt hom pô aơ Brah Ndu tâm rmal n'gơch lơn ma may đah nau tih may hŏ ƀư.

Nau Mprơ Ơm 103:10

Păng mâu ƀư ôh ma he tĭng nâm nau tih he ƀư, Mâu lĕ mplơ̆ sĭt ma he tĭng nâm nau djơh mhĭk he.

Nau Nhĭm Vơl 3:22

Yor nuih n'hâm ueh Brah Yêhôva hên mâu geh nau rai yot ôh, Nau Păng yô̆ nđach mâu blau lôch ôh.

Habakuk 3:2

Ơ Brah Yêhôva! Gâp tăng jêh nau bu nkoch lư n'găr amoh May, Yor ri gâp klach yơk ma May. Ơ Brah Yêhôva! Ta nklang năm khay mro mrăng, Dăn Kôranh Brah ăn njêng mhe tay nau kan May, jêh ri tâm mpơl ma lĕ rngôch bunuyh gĭt. Tâm nau ji nuih, dăn Kôranh Brah kah gĭt ma nau yô̆ nđach!

Galati 3:4

Khân may dơn âk ngăn nau rêh ni gay geh nau dơm dam hĕ? Tơlah kơt nây jêng mâu khlay!