Êsra 9:12 - Nau Brah Ndu Ngơi 2023

¹² Yor ri, lơi ăn văng ôh phung kon bu ur khân may đah phung kon bu klâu khân păng, mâu lĕ dơi sŏk phung kon bu ur khân păng đah phung kon bu klâu khân may. Mâu đŏng joi nau ndrŏng mâu lah nau đăp mpăn bơh khân păng, gay khân may dơi jêng ktang, sa kao play tâm n'gor, jêh ri gay n'gor nây ăn ma phung kon khân may ƀư drăp ndơn n'ho ro.’

Êsra 9:12 ပူးပေါင်းရင်းမြစ်များ

I Nau Rêh Jêng 28:8

Pôri aƀaơ, tanăp lĕ rngôch phung Israel, jêng phung tâm rƀŭn Brah Yêhôva, Brah Ndu he gŭ iăt, gâp ntĭnh ma khân may joi hom jêh ri djôt prăp lĕ nau vay Yêhôva Brah Ndu ntăm khân may, gay ma khân may sŏk dơn n'gor ueh aơ jêh ri ăn tay ma phung kon sau khân may ƀư drăp ndơn n'ho ro.

II Nau Rêh Jêng 19:2

Nơm geh nau tâm saơ Y-Jêhu, kon Y-Hanani, hăn tâm mâp đah Y-Jôsaphat jêh ri lah: “Di lĕ may hŏ kơl nơm djơh mhĭk jêh ri rŏng ma phung tâm rmot Brah Yêhôva? Yor nau nây, nau Brah Yêhôva ji nuih tât ma may.

Êsra 9:2

Khân păng jêh ri phung kon bu klâu khân păng hŏ sŏk jêh phung kon bu ur phung nây, ăn jêng ur ma khân păng nơm, ƀư ma noi deh kloh ueh hŏ tâm pot đah phung ntil mpôl bunuyh gŭ tâm n'gor aơ. Nanê̆, phung kôranh jêh ri phung kôranh chiă uănh jêng phung ƀư tih jâk lơn.”

Nau Ngluh Êjipt 23:32

Kon lơi ƀư nau tâm rnglăp ôh đah khân păng mâu lah đah phung brah khân păng.

Nau Hôr 13:22

Bunuyh ueh ăn drăp ndơn ma kon sau păng nơm, Ƀiălah drăp ndơ phung geh nau tih prăp ma bunuyh sŏng srăng.

Nau Hôr 20:7

Bunuyh sŏng srăng gŭ ngao tâm nau ueh; Phung kon sau bunuyh nây geh nau ueh lăng ngăn!

Êsai 1:19

Tơlah khân may ŭch jêh ri tông bâr, Khân may mra dơi sa play kao ueh lơn tâm bri.

Nau Vay Nkah Tay 23:6

Du bông nau rêh khân may jêh ri mro mrăng pakơi taơ, khân may mâu dơi ôh joi nau đăp mpăn mâu lah nau ndrŏng khân păng.

Nau Vay Nkah Tay 23:7

Lơi tâm rmot ôh ma phung Êđôm, yorlah păng jêng oh nâu khân may. Lơi tâm rmot ôh ma phung Êjipt yorlah khân may hŏ tă jêng jêh bunuyh bu năch tâm n'gor khân păng.

Nau Vay Nkah Tay 7:3

Lơi tâm gŭ ur sai đah khân păng ôh, lơi ăn phung kon bu ur khân may ma phung kon bu klâu khân păng jêh ri lơi sŏk phung kon bu ur khân păng ma phung kon bu klâu khân may,