Êsra 9:1 - Nau Brah Ndu Ngơi 2023

¹ Tơlah lĕ kan nây hŏ lôch jêh, phung kôranh chiă uănh văch tât ma gâp jêh ri lah: “Phung ƀon lan Israel, nđâp ma phung kôranh ƀư brah, jêh ri phung Lêvi mâu geh rêh nkhah ôh đah phung ntil mpôl bunuyh gŭ tâm n'gor, ƀiălah khân păng kơt tĭng lĕ nau vay ƀơ̆ ƀơch bơh phung Kanaan, phung Hitit, phung Pêrisit, phung Jêbusit, phung Ammôn, phung Môap, phung Êjipt, jêh ri phung Amôrit.

Êsra 9:1 ပူးပေါင်းရင်းမြစ်များ

Nau Ntơm 15:16

Tât rô̆ tal puăn, phung kon sau may mra plơ̆ sĭt ta aơ, yorlah nau djơh mhĭk phung Amôrit ê hŏ nă rĭng.”

I Phung Hađăch 11:1

Padih ma kon bu ur Pharaôn, hađăch Salômôn rŏng kơnh đŏng âk phung bu ur bu năch êng; nĕ jêng phung kon bu ur Môap, Ammôn, Êđôm, Sidôn jêh ri Hitit.

II Nau Rêh Jêng 33:2

Păng ƀư nau mhĭk tanăp măt Brah Yêhôva, tĭng lĕ nau vay dŭt ƀơ̆ ƀơch tâm phung ndŭl mpôl Brah Yêhôva hŏ mprơh du jêh tă bơh phung ƀon lan Israel.

II Nau Rêh Jêng 8:7

Lĕ rngôch phung hôm rêh klen tâm phung ndŭl mpôl Hitit, Amôrit, Pêrisit, Hivit jêh ri Jêbusit mâu jêng di Israel ôh,

Êsra 10:2

Y-Sêkania, kon bu klâu Y-Jêhiêl, sau Y-Êlam, lah ma Y-Êsra: “Hên hŏ ƀư tih đah Brah Ndu hên jêh ri tâm nsông đah phung bu ur bu năch jêng phung ntil mpôl bunuyh gŭ tâm n'gor. Nđâp lah pônây, ăt hôm e nau kâp gân ma phung Israel.

Êsra 10:8

Tâm pe nar, tơlah mbu mâu văch ôh tĭng nâm nau ntrŭnh bơh phung kôranh jêh ri phung bu ranh ntăm; bu mra sŏk drăp ndơ păng, jêh ri păng nơm bu nsot lơi bơh tâm phung âk ndrel ma phung bu nă mhe plơ̆ sĭt tâm n'gor.

Nêhêmi 13:23

Tâm lĕ nar nây, gâp saơ phung Yuđa sŏk ur phung Asdôt, Ammôn, jêh ri Môap.

Nêhêmi 4:3

Y-Tôbia, bunuyh Ammôn, dâk dăch păng jêh ri lah pô aơ: “Ơ, ndơ khân păng ndâk nây tơlah geh du mlâm mpik hao njŏ ta klơ nây, păng mra ƀư rlâm lơi lŭ pêr khân păng!”

Nêhêmi 4:7

Ƀiălah tơlah Y-Sanbalat, Y-Tôbia, phung Arabi, phung Ammôn jêh ri phung Asdôt tăng nau ndâk nkra mpêr ƀon Yêrusalem lơ hao jêh ri lĕ ntŭk bluh lĕ tâm jĭr ndrel jêh, khân păng ji nuih hâu ngăn.

Nêhêmi 9:2

Phung Israel hŏ nkhah bơh phung bu năch, dâk da dê mbơh nau tih khân păng nơm jêh ri nau djơh mhĭk bơh phung chô yau khân păng.

Nau Mprơ Ơm 106:35

Ƀiălah tâm rlŭk đah phung ƀon lan nây, Ƀư tĭng lĕ kan khân păng ƀư.

Nau Ngluh Êjipt 13:5

Pôri, nôk Brah Yêhôva njŭn khân may lăp tâm n'gor phung Kanaan, phung Hitit, phung Amôrit, phung Hivit, jêh ri phung Jêbusit, jêng n'gor bêng ma dak toh jêh ri dak sŭt, Păng hŏ ton ma chô yau khân may mra ăn ma khân may, pôri lah tât khay aơ khân may kah gĭt prăp nau vay rƀŭn nây.

Nau Ngluh Êjipt 23:23

Yorlah tông mpăr Gâp mra hăn panăp kon, njŭn kon mŭt tâm n'gor phung Amôrit, Hitit, Pêrisit, Kanaan, Hivit jêh ri Jêbusit; jêh ri Gâp mra ƀư rai lơi khân păng.

Nau Ngluh Êjipt 33:16

Tơlah May mâu hăn ndrel ma hên, mâm bu gĭt ngăn ma gâp jêh ri phung ƀon lan May geh nau yô̆ tanăp măt May? Geh May hăn ndrel, gâp jêh ri phung ƀon lan May mra dơi tâm nkhah bơh phung ƀon lan êng klơ neh.”

Êsai 52:11

Du hom, du hom, luh hom bơh ntŭk nây! Lơi pah tât ndơ ƀơ̆ ƀơch, luh hom bơh tă ntŭk nây. Khân may jêng phung djôt ndơ yơk mbah Brah Yêhôva, Ƀư kloh hom khân may nơm!

Yêrêmi 26:10

Dôl tăng nau nây, phung kôranh Yuđa du tă bơh ngih hađăch, hăn tât ma ngih Brah Yêhôva. Khân păng gŭ ta trong lăp Mpông Pêr Mhe ngih Brah Yêhôva.

Yêrêmi 26:16

Lĕ rngôch phung kôranh jêh ri lĕ rngôch phung ƀon lan lah ma phung kôranh ƀư brah jêh ri lĕ phung nơm mbơh lor pô aơ: “Bunuyh aơ mâu khư ma khĭt ôh, yorlah păng nây tâm amoh Yêhôva Brah Ndu he ngơi jêh đah he.”

Kan Lêvi 18:3

Lơi khân may ƀư ôh lĕ nau khân păng ƀư tâm n'gor Êjipt, ntŭk khân may hŏ gŭ njưh jêh, mâu lĕ dơi tĭng ƀư nau khân păng ƀư tâm n'gor Kanaan, jêng n'gor Gâp mra njŭn khân may tât. Mâu dơi hăn tĭng ndô̆ ôh nau vay dăp khân păng.

Malachi 2:11

Phung Yuđa gŭ tâm nau mbruh, jêh ri hŏ ƀư jêh nau ƀơ̆ ƀơch tâm phung Israel jêh ri tâm ƀon Yêrusalem. Yuđa hŏ ƀư ƀơ̆ jêh jrô kloh ueh Brah Yêhôva rŏng, yorlah khân păng nkhơng ma gŭ ur sai đah kon bu ur brah bu năch.

Nau Kơp Bunuyh 23:9

Yorlah bơh klơ n'gơn yôk gâp saơ Israel, Tă bơh chor prêh, gâp uănh khân păng: Aơ jêng du phung ƀon lan prăp êng, Jêh ri mâu kơp ôh păng nơm ndrel ma phung mpôl băl bunuyh.

Nau Kơp Bunuyh 25:6

Dôl nây, du huê tâm phung ƀon lan Israel djôt leo du huê bu ur Madian tât ta nklang oh nâu păng nơm, tanăp măt Y-Môis jêh ri tanăp măt lĕ rngôch phung ƀon lan Israel tâm rƀŭn, dôl lĕ rngôch phung ƀon lan Israel tâm rƀŭn nhhiăng nhĭm ta mpông Ngih Bok Nau Tâm Rƀŭn.

Nau Vay Nkah Tay 18:9

“Lah khân may hŏ lăp tâm n'gor Yêhôva Brah Ndu ăn jêh, khân may lơi nti, lơi tĭng ndô̆ nau vay ƀơ̆ ƀơch tâm phung ƀon lan gŭ ta nây.

Nau Vay Nkah Tay 23:8

Rô̆ tal pe khân păng dơi lăp tâm phung Brah Yêhôva tâm rƀŭn.

Nau Vay Nkah Tay 7:1

“Lah Yêhôva Brah Ndu khân may hŏ njŭn khân may lăp tâm n'gor khân may bơi sŏk dơn gay jêng drăp ndơn, Păng mra mprơh tă bơh tanăp khân may âk phung ndŭl mpôl tâm ban phung Hitit, phung Girgasit, phung Amôrit, phung Kanaan, phung Pêrisit, phung Hivit jêh ri phung Jêbusit, jêng pơh ndŭl mpôl ktang lơn jêh ri âk lơn ma khân may.

Yôsuê 23:12

Tơlah khân may plơ̆ nuih n'hâm jêh ri tâm rnglăp đah phung ndŭl mpôl êng hôm gŭ ta nklang khân may jêh ri khân may tâm gŭ ur sai đah phung nây, mâu lah tâm rnglăp ndrel ma khân păng,