Êsra 8:36 - Nau Brah Ndu Ngơi 2023

³⁶ Khân păng jao samƀŭt nau ntrŭnh bơh hađăch ma phung kôranh n'gor jêh ri ma phung kôranh mât uănh hađăch gŭ mpeh đah ri dak krong. Phung nây kâp kơl phung ƀon lan jêh ri kan ngih brah Brah Ndu.

Êsra 8:36 ပူးပေါင်းရင်းမြစ်များ

Êsra 6:13

Y-Tatênai, kôranh mât uănh n'gor đah ri dak krong, Y-Sêthar-Bôsênai jêh ri phung pah kan ndrel khân păng srôih ƀư nau ntrŭnh bơh hađăch Darius hŏ ntăm.

Nêhêmi 2:7

Gâp lah đŏng ma hađăch: “Tơlah hađăch maak nuih n'hâm, dăn hađăch jao ma gâp lĕ samƀŭt njuăl ma phung kôranh chiă uănh n'gor ma mpeh nhâp nar dak krong Ơphrat, gay ma khân păng ăn gâp dơi hăn rgăn kŏ tât nôk gâp tât n'gor bri Yuđa.

Êsther 3:12

Tâm khay nguay, nar jât ma pe, bu kuăl rgum phung kôranh nchih samƀŭt hađăch văch tât. Tĭng nâm lĕ rngôch nau Y-Haman hŏ ntĭnh jêh, bu sŏk amoh hađăch Y-Asuêrus nchih samƀŭt nau ntrŭnh ăn ma phung kôranh oh mon hađăch, phung kôranh chiă uănh ăp n'gor jêh ri phung kôranh chiă uănh ma ăp ntil mpôl bunuyh, tĭng nâm nau ngơi ma ăp ntil mpôl bunuyh. Jêh nây khân păng tâp pŏng ma rgên hađăch.

Êsther 9:3

Lĕ rngôch phung kôranh n'gor, kôranh kuăn bôk, kôranh chiă uănh, jêh ri kôranh chiă uănh phung ta ngih hađăch, kâp kơl phung Yuđa da dê, yorlah khân păng klach yơk Y-Môrdêkai.

Nau Hôr 16:7

Lah Brah Yêhôva di nuih n'hâm đah nau rêh ueh ma mbu nơm, Pôri Păng ƀư ăn nơm rlăng gŭ đăp rmên ndrel ma bunuyh nây.

Kôranh Oh Mon 18:27

Tơlah Y-Apôlôs ŭch hăn rgăn ta n'gor Akai, phung oh nâu n'hao nuih n'hâm păng jêh ri nchih samƀŭt ntĭnh ma phung oh mon ăn rom păng ma nau ueh. Tơlah păng tât jêh, tâm nau yô̆ păng sâm kơl âk ngăn ma phung chroh ma Kôranh Brah,

Nau Tâm Mpơl 12:16

Ƀiălah neh sâm rklaih bu ur nây, păng hă mbung sâm rhôp n'hong dak krong bêh nhŭk nhăk bruh luh jêh tă bơh mbung păng.