Êsra 8:35 - Nau Brah Ndu Ngơi 2023

³⁵ Phung bunuyh tă bu veng ƀư bu nă lĕ sĭt jêh, nhhơr ndơ ƀư brah gŭch ma Yêhôva Brah Ndu phung Israel geh jât ma bar mlâm ndrôk nkuăng yor lĕ rngôch phung Israel, sĭn jât ma prao mlâm biăp nkuăng; pơh jât ma pơh biăp kon, jêh ri jât ma bar mlâm be nkuăng gay ƀư ndơ ƀư brah chuai nau tih: Lĕ rngôch nhhơr da dê ƀư ndơ ƀư brah gŭch ma Brah Yêhôva.

Êsra 8:35 ပူးပေါင်းရင်းမြစ်များ

Êsra 2:1

Aơ jêng phung gŭ tâm n'gor Yuđa, jêng phung Y-Nêbukatnetsar, hađăch Babilôn, hŏ veng leo jêng bu nă ta Babilôn. Khân păng plơ̆ sĭt ma Yêrusalem jêh ri n'gor Yuđa, ăp nơm sĭt ta ƀon khân păng nơm.

Êsra 6:17

Tâm nau rƀŭn nhhơr ngih brah aơ ma Brah Ndu, khân păng nhhơr du rhiăng mlâm ndrôk nkuăng, bar rhiăng mlâm biăp nkuăng, puăn rhiăng mlâm biăp kon, jêh ri tĭng nâm rnoh phung ndŭl mpôl Israel, khân păng ăt nhhơr jât ma bar mlâm be nkuăng ƀư ndơ ƀư brah chuai nau tih ma lĕ rngôch phung Israel.

Êsra 8:34

Bu kơp jêh ri njing lĕ rngôch ntil ndơ; njing jâk ăp ndơ bu nchih prăp tâm samƀŭt dôl rnôk nây.

Nau Kơp Bunuyh 7:27

du mlâm ndrôk nkuăng rah, du mlâm biăp nkuăng, du mlâm biăp kon nkuăng du năm dŏng ma ndơ ƀư brah gŭch;