Êsra 8:34 - Nau Brah Ndu Ngơi 2023

³⁴ Bu kơp jêh ri njing lĕ rngôch ntil ndơ; njing jâk ăp ndơ bu nchih prăp tâm samƀŭt dôl rnôk nây.

Êsra 8:34 ပူးပေါင်းရင်းမြစ်များ

Êsra 8:29

Djôt prăp hom lĕ ndơ dŏng nây nanê̆ kŏ tât nôk khân may njing tay tanăp măt phung kôranh ƀư brah toyh jêh ri phung Lêvi, ndrel tanăp măt phung kôranh noi deh phung Israel ta Yêrusalem, tâm lĕ jrô tâm ngih Brah Yêhôva.”

Êsra 8:33

Nar tal puăn, hên njing đŏng prăk, mah, jêh ri lĕ ndơ dŏng tâm ngih brah Brah Ndu, jêh nây jao ma Y-Mêrêmôt, kon bu klâu Y-Urija, kôranh ƀư brah (ndrel ma păng geh Y-Êlêasar, kon bu klâu Y-Phinêas, Y-Jôsaƀat, kon bu klâu Y-Jêsua, jêh ri Y-Nôadia, kon bu klâu Y-Binui, bunuyh Lêvi.)

Êsra 8:35

Phung bunuyh tă bu veng ƀư bu nă lĕ sĭt jêh, nhhơr ndơ ƀư brah gŭch ma Yêhôva Brah Ndu phung Israel geh jât ma bar mlâm ndrôk nkuăng yor lĕ rngôch phung Israel, sĭn jât ma prao mlâm biăp nkuăng; pơh jât ma pơh biăp kon, jêh ri jât ma bar mlâm be nkuăng gay ƀư ndơ ƀư brah chuai nau tih: Lĕ rngôch nhhơr da dê ƀư ndơ ƀư brah gŭch ma Brah Yêhôva.