Êsra 8:31 - Nau Brah Ndu Ngơi 2023

³¹ Nar jât ma bar khay nguay, hên hăn ntơm tă bơh dak krong Ahava ŭch hăn tât ma Yêrusalem. Ti Brah Ndu hên rgong hên, jêh ri Păng tâm rklaih hên tă bơh ti phung rlăng jêh ri phung ntŭng njŏ trong.

Êsra 8:31 ပူးပေါင်းရင်းမြစ်များ

Êsra 7:28

jêh ri ƀư ăn gâp geh nau yô̆ tanăp măt hađăch, phung kôranh kơl nchră jêh ri tanăp phung kôranh chiă uănh geh nau dơi bơh hađăch! Gâp geh nau janh nănh, yorlah ti Yêhôva Brah Ndu gâp gŭ ndrel gâp jêh ri gâp rgum phung kôranh chiă uănh Israel gay plơ̆ sĭt tâm n'gor ndrel ma gâp.”

Êsra 7:9

Păng hăn ntơm bơh Babilôn nar năng nguay, khay nguay, jêh ri yorlah ti ueh Brah Ndu păng rgong ta păng, păng tât ta Yêrusalem nar năng nguay khay prăm.

Êsra 8:15

Gâp rgum khân păng ta kơh dak krong hoch mpeh Ahava, jêh ri hên gŭ njưh pe nar ta nây. Dôl kơp phung ƀon lan jêh ri phung kôranh ƀư brah, gâp mâu saơ ôh du huê phung Lêvi.

Êsai 66:14

“Khân may mra saơ nau nây, jêh ri nuih n'hâm khân may mra răm maak; Nting khân may mra bĭk rơ̆ tâm ban gơ̆ nse. Bu mra gĭt ti Brah Yêhôva gŭ ndrel ma phung oh mon Păng, Jêh ri Păng mra ji nuih ma phung rlăng đah Păng.

Kôranh Oh Mon 25:3

dăn Phêtus ƀư ueh ma khân păng, ăn têk leo Y-Pôl plơ̆ sĭt ta ƀon Yêrusalem; yorlah khân păng ŭch gŭ kâp nkhĭt Y-Pôl rŏ trong.

Kôranh Oh Mon 26:22

Ƀiălah Brah Ndu king n'gang gâp kŏ tât ta nar aơ, jêh ri pôri, gâp dâk ta aơ mbơh nkoch ma bunuyh jê̆ jêh ri bunuyh toyh, Gâp mâu ngơi moh nau êng rlau lơn jêng nau kôranh nơm mbơh lor jêh ri Y-Môis mbơh lor hŏ geh tât jêh: