Êsra 8:28 - Nau Brah Ndu Ngơi 2023

²⁸ Jêh nây gâp lah ma khân păng: “Khân may hŏ dơi prăp êng ma nau kloh ueh ma Brah Yêhôva, jêh ri lĕ ndơ dŏng aơ ăt jêng kloh ueh. Prăk jêh ri mah nây jêng ndơ nđơr êng nhhơr ma Yêhôva Brah Ndu phung chô yau phung he.

Êsra 8:28 ပူးပေါင်းရင်းမြစ်များ

I Nau Rêh Jêng 23:28

Nau kan khân păng jêng gŭ êp phung kon sau Y-Arôn gay ƀư nau kan ma ngih Brah Yêhôva, kan mât mray ndring ngih jêh ri lĕ jrô, mât mray ăn kloh lĕ rngôch ndơ kloh ueh, jêh ri ƀư ăp nau kan ma ngih Brah Yêhôva:

I Nau Rêh Jêng 26:20

Tâm phung Lêvi, Y-Ahija jêng nơm mât mray drăp ngih Brah Ndu jêh ri drăp ndơ bu nhhơr kloh ueh.

II Nau Rêh Jêng 24:14

Lah ƀư lôch jêh, khân păng leo prăk hôm e rmeh tât tanăp măt hađăch jêh ri Y-Jêhôida. Bu dŏng prăk nây ƀư lĕ ndơ dŏng ma ngih Brah Yêhôva, jêng lĕ ndơ dŏng prăp ma nau yơk mbah jêh ri nhhơr ndơ ƀư brah gŭch, kachok jêh ri lĕ ndơ dŏng ma mah jêh ri prăk. Lôch nau rêh Y-Jêhôida, bu nhhơr ƀaƀơ ndơ ƀư brah gŭch ta ngih Brah Yêhôva.

Êsra 8:27

bar jât mlâm kachok ma mah klăp lah pham kilô n'gul, bar mlâm ngan grưng ma kông ueh ngăn, chrêk, khlay nâm bu mah lĕ.

Nau Ngluh Êjipt 35:29

Lĕ rngôch phung ƀon lan Israel, lĕ rngôch bu ur nđâp bu klâu, geh nuih n'hâm sŭk nsôr ŭch nhhơr moh ntil ndơ tâm lĕ nau kan Brah Yêhôva hŏ ntĭnh jêh ma Y-Môis, ŭch da dê tât nhhơr ma Brah Yêhôva.

Êsai 52:11

Du hom, du hom, luh hom bơh ntŭk nây! Lơi pah tât ndơ ƀơ̆ ƀơch, luh hom bơh tă ntŭk nây. Khân may jêng phung djôt ndơ yơk mbah Brah Yêhôva, Ƀư kloh hom khân may nơm!

Nau Kơp Bunuyh 7:13

Ndơ nhhơr păng jêng du mlâm ngan jam prăk jâk du kilô n'gul, du mlâm ngan grưng jâk pham rhiăng gram, tĭng nâm sêkel tâm ntŭk kloh ueh; lĕ bar ndơ nây bêng ma rnih môi pach đah dak ngi dŏng ma ndơ ƀư brah rnih môi,

Nau Vay Nkah Tay 33:8

Ma phung Lêvi, Y-Môis lah: “Dăn ăn Thumim ma phung Lêvi Jêh ri Urim ma nơm blau yơk May. Bơh May hŏ rlong uănh jêh ta Masa, Nđâp nau tâm rlăch jêh ta dak tu Mêriba.