Êsra 8:25 - Nau Brah Ndu Ngơi 2023

²⁵ Jêh nây gâp njing ma khân păng prăk, mah jêh ri lĕ ndơ dŏng hŏ nhhơr jêh ăn ngih Brah Ndu he tă bơh hađăch, phung kơl nchră păng, phung kôranh hađăch, nđâp ma lĕ rngôch phung Israel geh măt ta nây.

Êsra 8:25 ပူးပေါင်းရင်းမြစ်များ

Êsra 1:8

Y-Sirus, hađăch Persi, mbơh ma Y-Mirêdat, kôranh djôt prăk, sŏk lĕ rngôch ndơ dŏng nây, kơp jêh ri jao ma Y-Sêsbasar, kôranh mât uănh phung Yuđa.

Êsra 2:69

Tĭng nâm nau khân păng dơi, khân păng nhhơr ăn jrô prăp drăp gay ndâk njêng ngih brah geh prăm rhiăng kilô mah, bơi tât pe tân prăk, jêh ri du rhiăng kôp bok ao ma phung kôranh ƀư brah.

Êsra 8:33

Nar tal puăn, hên njing đŏng prăk, mah, jêh ri lĕ ndơ dŏng tâm ngih brah Brah Ndu, jêh nây jao ma Y-Mêrêmôt, kon bu klâu Y-Urija, kôranh ƀư brah (ndrel ma păng geh Y-Êlêasar, kon bu klâu Y-Phinêas, Y-Jôsaƀat, kon bu klâu Y-Jêsua, jêh ri Y-Nôadia, kon bu klâu Y-Binui, bunuyh Lêvi.)

Nau Kơp Bunuyh 7:85

Ăp ngan jam prăk jâk du kilô n'gul jêh ri ăp ngan grưng jâk pham rhiăng gram. Lĕ rngôch prăk tă bơh ngan jam jêh ri ngan grưng jêng bar jât ma pham kilô, tĭng nâm sêkel tâm ntŭk kloh ueh.

Philip 4:8

Nau nglĕ dŭt, hơi oh nâu, moh ntil jêng nau nanê̆ ngăn, moh ntil jêng nau khư yơk, moh ntil jêng nau sŏng srăng, moh ntil jêng nau kloh rsang, moh ntil jêng nau khư rŏng, moh ntil jêng nau khư tâm rnê, lah nsum jêng moh ntil jêng nau mĭn ueh, nau khư tâm rnê, ăn khân may mĭn ma lĕ nau nây.