Êsra 8:21 - Nau Brah Ndu Ngơi 2023

²¹ Ta nây, dăch kơh dak krong Ahava, gâp kuăl ver ât sông sa, gay he ntrŭnh săk panăp măt Brah Ndu hên jêh ri dăn vơh vơl ma Păng ntĭm ăn gâp trong di gay hên jêh ri phung kon sau hên hăn, nđâp ma drăp ndơ hên.

Êsra 8:21 ပူးပေါင်းရင်းမြစ်များ

II Nau Rêh Jêng 20:3

Y-Jôsaphat klach, jêh ri tǐng joi Brah Yêhôva, jêh ri kuăl ma lĕ rngôch phung Yuđa ât sông sa.

II Nau Rêh Jêng 20:4

Phung Yuđa tâm rƀŭn gay kuăl dăn Brah Yêhôva kơl. Tă bơh lĕ rngôch ƀon n'gor Yuđa, khân păng văch ŭch joi Brah Yêhôva.

Êsra 8:15

Gâp rgum khân păng ta kơh dak krong hoch mpeh Ahava, jêh ri hên gŭ njưh pe nar ta nây. Dôl kơp phung ƀon lan jêh ri phung kôranh ƀư brah, gâp mâu saơ ôh du huê phung Lêvi.

Êsra 8:31

Nar jât ma bar khay nguay, hên hăn ntơm tă bơh dak krong Ahava ŭch hăn tât ma Yêrusalem. Ti Brah Ndu hên rgong hên, jêh ri Păng tâm rklaih hên tă bơh ti phung rlăng jêh ri phung ntŭng njŏ trong.

Nêhêmi 9:1

Ta nar bar jât ma puăn khay nây, phung Israel tâm rƀŭn ma nau ât sông sa, nsoh ƀau jêh ri sui neh muy klơ bôk khân păng.

Êsther 4:16

“Kuăl rgum hom lĕ rngôch phung Yuđa gŭ ta ƀon Susa, jêh ri yor ma gâp tâm ban lĕ, ât sông sa pe măng pe nar, mâu dơi sông sa mâu lah dơi nhêt. Gâp jêh ri phung oh mon bu ur gâp mra ver ât sông sa đŏng. Jêh nau nây, gâp mra lăp tanăp hađăch jêng nau mâu di nau vay; ƀiălah tơlah gâp khĭt ăn gâp khĭt yơh.”

Nau Mprơ Ơm 137:1

Hên dôl gŭ ta kơh dak krong Babilôn, Kah gĭt ma ƀon Siôn jêh ri nhĭm.

Nau Mprơ Ơm 5:8

Ơ Brah Yêhôva, ma yor phung rlăng gâp, Dăn njŭn leo gâp tâm trong sŏng srăng May, Jêh ri ƀư lâng trong Kôranh Brah tanăp măt gâp.

Nau Mprơ Ơm 5:9

Yorlah trôm mbung khân păng mâu nanê̆, Nuih n'hâm khân păng bêng ma nau ƀư rai, Ko khân păng nâm bu môch pơk lơi, Mpiăt khân păng ngơi ma nau nklă.

Nau Mprơ Ơm 8:2

Gay plơng phung rlăng Kôranh Brah, Păng dŏng trôm mbung kon se jê̆ jêh ri kon se dôl pu gay ma ndâk njêng nau ktang Păng, Ƀư phung rlăng jêh ri phung plơng bôk mra gŭ rklăk.

Nau Hôr 3:6

Kah gĭt hom ma Păng tâm lĕ trong may hăn, Păng yơh mra ƀư lâng tâm lĕ trong may hăn.

Êsai 30:21

Tơlah may teng pa ma mâu lah pa chiau, tôr may mra tăng pakơi may geh bâr lah: “Nây jêng trong, hăn tĭng hom!”

Êsai 35:8

Ta nây, mra geh du trong toyh, Bu rnha păng jêng Trong Kloh Ueh. Phung ƀơ̆ ƀơch mâu mra hăn ta nây ôh, Ƀiălah păng prăp ma phung geh nau chuai. Mbu nơm hăn ta trong nây Nđâp tơlah rluk mâl ăt mâu vĭ nhhơt ôh.

Êsai 42:16

Gâp mra njŭn phung chieh măt hăn ta trong khân păng mâu mâp gĭt năl ôh, Têk khân păng tâm lĕ trong jê̆ ê hŏ gĭt ôh. Gâp mra rgâl nau ngo tanăp khân păng jêng nau ang, Lĕ ntŭk neh nduh ndăp jêng neh lâng. Ngăn yơh, Gâp mra ƀư lĕ nau nây, Jêh ri mâu mra chalơi khân păng ôh.

Êsai 49:10

Khân păng mâu mra ji ngot ôh, mâu lĕ ji hir, N'hâm duh jêh ri nar mâu hôm ƀư rêh ni ma khân păng ôh, Yorlah Nơm yô̆ nđach ma khân păng mra njŭn khân păng, Njŭn leo khân păng văch dăch lĕ dak n'hor.

Êsai 58:3

Khân păng ôp: ‘Hên ât sông sa, mâm ƀư Kôranh Brah mâu saơ ôh? Hên ntrŭnh săk hên nơm, mâm ƀư Kôranh Brah mâu gĭt?’ Aơ, tâm nar ât sông sa, khân may joi nau ƀư maak ma khân may nơm, Jêh ri tŭn jot lĕ rngôch phung pah kan ma khân may.

Êsai 58:5

Di lĕ nây jêng nau ât sông sa Gâp săch jêh, Jêng nar bu ntrŭnh săk păng nơm? Di lĕ kŭnh bôk tâm ban ma du mlâm tơm rpho, Gŭ ta klơ ƀau jêh ri ndruyh ŭnh buh, Khân may rnha nau nây jêng ât sông sa, Jêng nar Brah Yêhôva dơi dơn lĕ?

Yêrêmi 10:23

Mbah Brah Yêhôva, gâp gĭt trong kon bunuyh hăn khăn păng nơm mâu ƀư kôranh, Khân păng mâu dơi gai lĕ nhuat jâng păng.

Yêrêmi 42:3

Dăn Yêhôva Brah Ndu may ntĭm ăn ma hên trong hên mra hăn jêh ri kan hên mra ƀư!”

Daniel 9:3

Gâp rle muh măt ma Kôranh Brah jêng Brah Ndu ŭch tĭng joi, mbơh sơm, vơl dăn ma nau ât sông sa, put bok ƀau jêh ri srih buh klơ bôk.

Yôel 1:14

Nal hom nar ât sông sa! Kuăl hom tâm rgum du mpôl toyh! Tâm rgum hom phung kôranh bu ranh jêh ri lĕ rngôch bunuyh gŭ tâm n'gor Ta ntŭk ngih Brah Yêhôva Brah Ndu khân may! Jêh ri kuăl mbơh sơm hom ma Brah Yêhôva!

Kan Lêvi 16:29

Nây mra jêng du nau vay dăp n'ho ro ma khân may: Ta nar jât khay pơh, nđâp lah khân may jêng bunuyh tơm bri mâu lah bunuyh gŭ njưh ta nklang khân may, ât sông sa da dê, chalơi khân păng nơm, mâu ƀư kan,

Kan Lêvi 16:31

Nây mra jêng nar saƀat gay ma khân may rlu jêh ri ntrŭnh khân may nơm tâm nau đăp mpăn. Nây jêng nau vay dăp n'ho ro.

Kan Lêvi 23:29

Tâm nar nĕ, mbu nơm mâu ât sông sa mra geh nau nsot lơi tă bơh phung ƀon lan;

Yônais 3:5

Phung ƀon lan Ninive chroh ma Brah Ndu. Khân păng mbơh nau ât sông sa jêh ri ntơm bơh phung toyh lơn kŏ tât ma phung kon se jê̆ nsoh ao ƀau da dê.

Yônais 3:7

Jêh nây hađăch ntăm nau aơ tâm lam ƀon Ninive: “Tĭng nâm nau hađăch ntăm jêh ri phung kôranh toyh păng, mâu dơi ăn bunuyh mâu lah mpô mpa, ndrôk mâu lah biăp mâu dơi chiăm ler du ntil ndơ ôh. Mâu dơi ăn khân păng sông sa mâu lah nhêt dak ôh,

Nau Kơp Bunuyh 14:3

Mâm Yêhôva njŭn leo hên mŭt ta n'gor aơ gay ăn hên khĭt ma đao? Phung ur kon hên mra jêng ndơ khân păng sŏk gro. Bi ma hên, mâu ueh hĕ ăn ma hên plơ̆ sĭt rlet ma n'gor bri Êjipt?”

Nau Kơp Bunuyh 14:31

Khân may lah pô aơ phung kon jê̆ khân may phung rlăng mra sŏk gro, ƀiălah Gâp mra njŭn phung kon jê̆ nây lăp tâm n'gor jêh ri khân păng mra maak dơn n'gor khân may hŏ tâm rmot jêh.

Kôranh Oh Mon 2:39

Yorlah nau ton nây prăp ma khân may, ma phung kon sau khân may, jêh ri ma lĕ rngôch bunuyh gŭ ngai, jêng lĕ rngôch bunuyh Kôranh Brah jêng Brah Ndu he mra kuăl.”

Phung Kôranh Phat Dôih 20:26

Rnôk nây, lĕ rngôch phung ƀon lan Israel hăn hao ma Bêthel, gŭ dâk ta nây jêh ri nhĭm tanăp Brah Yêhôva. Khân păng ât sông sa tâm nar nây kŏ tât kêng măng jêh ri nhhơr ndơ ƀư brah gŭch jêh ri ndơ ƀư brah ma nau đăp mpăn tanăp măt Brah Yêhôva.

I Samuel 7:6

Pôri khân păng rgum ndrel ta ƀon Mispa, bâk dak nkhŭt jêh ri nhhơr ma Brah Yêhôva. Tâm nar nây, khân păng ât sông sa, jêh ri ta nây khân păng mbơh pô aơ: “Hên ƀư tih jêh đah Brah Yêhôva.” Y-Samuel phat dôih phung ƀon lan Israel ta Mispa.