Êsra 8:18 - Nau Brah Ndu Ngơi 2023

¹⁸ Yorlah rnơm ma ti Brah Ndu rgong he, lĕ phung nây leo tât ma hên du huê bunuyh blau mĭn, jêng noi deh Y-Mahli, jêng kon bu klâu Y-Lêvi, sau bu klâu Y-Israel, amoh păng Y-Sêrêbia, jêh ri phung kon bu klâu păng ndrel ma phung băl mpôl păng, geh lĕ rngôch jêng jât ma pham nuyh;

Êsra 8:18 ပူးပေါင်းရင်းမြစ်များ

I Nau Rêh Jêng 6:1

Phung kon Y-Lêvi jêng Y-Gersôn, Y-Kôhat, jêh ri Y-Mêrari.

I Nau Rêh Jêng 6:19

Phung kon Y-Mêrari jêng Y-Mahli jêh ri Y-Musi. Nây jêng ndŭl mpôl phung Lêvi tĭng chô yau khân păng.

I Nau Rêh Jêng 6:4

Y-Êlêasar jêng mbơ̆ Y-Phinêas; Y-Phinêas jêng mbơ̆ Y-Abisua;

II Nau Rêh Jêng 30:22

Y-Hêsêkia ngơi n'hao nuih ma lĕ rngôch phung Lêvi hŏ mpơl nau gĭt mĭn ma kan yơk mbah Brah Yêhôva. Khân păng sông sa răm maak nau rƀŭn tâm pơh nar, nhhơr lĕ mpa ƀư brah ma nau đăp mpăn, jêh ri tâm rnê lah ueh ma Yêhôva Brah Ndu phung chô yau khân păng.

Êsra 7:28

jêh ri ƀư ăn gâp geh nau yô̆ tanăp măt hađăch, phung kôranh kơl nchră jêh ri tanăp phung kôranh chiă uănh geh nau dơi bơh hađăch! Gâp geh nau janh nănh, yorlah ti Yêhôva Brah Ndu gâp gŭ ndrel gâp jêh ri gâp rgum phung kôranh chiă uănh Israel gay plơ̆ sĭt tâm n'gor ndrel ma gâp.”

Êsra 7:6

Y-Êsra nây plơ̆ sĭt tă bơh bri Babilôn. Păng jêng du huê kôranh nchih samƀŭt gĭt rbăng tâm nau vay Y-Môis, Yêhôva Brah Ndu phung Israel hŏ ntăm nti jêh. Yorlah ti Yêhôva Brah Ndu kơl ma păng, pôri hađăch ăn ma păng lĕ ndơ păng ŭch dăn.

Êsra 7:9

Păng hăn ntơm bơh Babilôn nar năng nguay, khay nguay, jêh ri yorlah ti ueh Brah Ndu păng rgong ta păng, păng tât ta Yêrusalem nar năng nguay khay prăm.

Êsra 8:16

Gâp prơh bu kuăl rgum phung chiă uănh Y-Êliêser, Y-Ariêl, Y-Sêmaya, Y-Êlnathan, Y-Jarip, Y-Êlnathan, Y-Nathan, Y-Sakari, jêh ri Y-Mêsulam, ndrel ma Y-Jôarip jêh ri Y-Êlnathan jêng phung kôranh geh nau blau mĭn.

Êsra 8:19

geh đŏng Y-Hasabia jêh ri Y-Jêsaiya, jêng phung noi deh Mêrari, ndrel ma phung oh nâu păng jêh ri phung kon bu klâu păng, geh lĕ rngôch jêng bar jât nuyh.

Êsra 8:22

Gâp geh nau prêng, mâu janh dăn hađăch du mpôl phung tahan jêh ri tahan ncho seh king n'gang hên tă bơh nơm rlăng tâm dôl hên hăn trong yorlah hên geh lah jêh ma hađăch pô aơ: “Ti Brah Ndu hên rgong lĕ rngôch bunuyh joi Păng, ƀiălah nau brah Păng jêh ri nau ji nuih Păng tâm rdâng đah ma mbu nơm dun chalơi Păng.”

Êsra 8:24

Tâm phung kôranh ƀư brah, gâp săch jât ma bar nuyh, jêng Y-Sêrêbia, Y-Hasabia jêh ri jât nuyh nâu oh khân păng.

Nêhêmi 10:12

Y-Sakur, Y-Sêrêbia, Y-Sêbania

Nêhêmi 12:24

Phung kôranh ndŭl mpôl ma phung Lêvi geh: Y-Hasabia, Y-Sêrêbia jêh ri Y-Jêsua, kon bu klâu Y-Katmiêl jêh ri ma phung oh nâu khân păng dâk tâm tra năp tĭng mbŭch, tĭng mpôl, gay tâm rnê jêh ri lah ueh, tĭng nâm nau ntăm tă bơh Y-Đavit, bunuyh Brah Ndu.

Nêhêmi 2:8

Dăn ăn đŏng du pŏk samƀŭt ntrŭnh njuăl ma Y-Asap, nơm mât bri krŏng ma hađăch, gay ma păng ăn ma gâp tơm si ƀư meh mpông ƀon ta meng ngih brah jêh ri ƀư mpêr ƀon nđâp ngih ma gâp mra gŭ ta nây.” Yorlah ti ueh bơh Brah Ndu gâp kơl an gâp, hađăch ăn ro ma gâp lĕ nau nây.

Nêhêmi 8:7

Y-Jêsua, Y-Bani, Y-Sêrêbia, Y-Jamin, Y-Akup, Y-Sabêthai, Y-Hôdia, Y-Maseya, Y-Kêlita, Y-Asaria, Y-Jôsaƀat, Y-Hanan, Y-Pêlaya jêh ri phung Lêvi rblang ma phung ƀon lan gĭt rbăng nau vay, bi phung ƀon lan hôm e dâk ta ntŭk khân păng.

Nau Hôr 24:3

Ma nau blau mĭn, mpông ngih dơi ndâk njêng Jêh ri dơi nâp yor nau gĭt rbăng.

Nau Hôr 3:6

Kah gĭt hom ma Păng tâm lĕ trong may hăn, Păng yơh mra ƀư lâng tâm lĕ trong may hăn.

Yêrêmi 3:15

Gâp mra ăn khân may phung chiăp ueh nuih n'hâm Gâp. Khân păng mra sŏk nau gĭt rbăng jêh ri nau blau mĭn rong siăm khân may.”

Daniel 1:20

Dôl hađăch ôp khân păng ma lĕ rngôch nau ôp ma nau blau mĭn nau gĭt rbăng, pôri saơ khân păng blau lơn jât tơ̆ ma phung ƀŭk rƀên jêh ri phung kôranh n'hŭm tâm lĕ ƀon bri hađăch păng nơm.

Nau Kơp Bunuyh 3:20

Phung kon bu klâu Y-Mêrari tĭng nâm ăp ndŭl mpôl khân păng nơm jêng: Y-Mahli jêh ri Y-Musi. Nây jêng phung ndŭl mpôl bơh noi deh Lêvi.

I Kôrintô 14:20

Hơi phung oh nâu, ma nau gĭt rbăng, lơi jêng nâm bu kon se ôh; ƀiălah ma nau mhĭk, ăn jêng nâm bu kon se. Ma nau gĭt rbăng, ăn jêng nâm bu bunuyh văch ma toyh.