Êsra 8:16 - Nau Brah Ndu Ngơi 2023

¹⁶ Gâp prơh bu kuăl rgum phung chiă uănh Y-Êliêser, Y-Ariêl, Y-Sêmaya, Y-Êlnathan, Y-Jarip, Y-Êlnathan, Y-Nathan, Y-Sakari, jêh ri Y-Mêsulam, ndrel ma Y-Jôarip jêh ri Y-Êlnathan jêng phung kôranh geh nau blau mĭn.

Êsra 8:16 ပူးပေါင်းရင်းမြစ်များ

I Phung Hađăch 3:11

Brah Ndu lah ma hađăch: “Yorlah may dăn jêh nau aơ jêh ri mâu dăn ôh ma may dơi rêh jŏ năm mâu lah nau ndrŏng ngăn ngên, mâu đŏng dăn nau rêh phung rlăng may, ƀiălah dăn nau gĭt mĭn gay phat nkra dôih moh nau di,

I Nau Rêh Jêng 12:32

Tâm phung kon sau Isakar, geh bar rhiăng bunuyh kôranh chiă uănh gĭt rblang lĕ nau tât jêh ri gĭt moh nau di ma phung Israel ƀư. Lĕ rngôch ndŭl mpôl khân păng tâm dâng nau khân păng chiă uănh.

I Nau Rêh Jêng 26:14

Nau tâm nchroh mât njrăng mpông pêr di ma Y-Sêlêmia. Jêh nây khân păng tâm nchroh mât njrăng mpông pêr mpeh pa lơ di ma Y-Sakari, kon Y-Sêlêmia, du huê nơm nchră geh nau gĭt mĭn.

II Nau Rêh Jêng 2:12

Y-Hiram plơ̆ lah đŏng: “Mât ton ma Yêhôva Brah Ndu Israel jêng Nơm njêng trôk jêh ri neh ntu, yorlah Păng hŏ ăn jêh ma hađăch Đavit du huê kon geh nau blau mĭn, nau njrăng, jêh ri gĭt rbăng gay ndâk ngih brah ma Păng, jêh ri du mlâm ngih hađăch ma păng nơm.

Êsra 10:21

Tâm noi deh Y-Harim geh Y-Maseya, Y-Êlija, Y-Sêmaya, Y-Jêhiêl, jêh ri Y-Usia.

Êsra 10:39

Y-Sêlêmia, Y-Nathan, Y-Adaja,

Êsra 8:13

Phung kon sau Y-Adônikam tât pakơi dŭt, amoh khân păng jêng: Y-Êliphêlet, Y-Jêiêl, jêh ri Y-Sêmaya, jêh ri phung bunuyh hăn ndrel ma păng, geh prao jât nuyh bu klâu.

Êsra 8:15

Gâp rgum khân păng ta kơh dak krong hoch mpeh Ahava, jêh ri hên gŭ njưh pe nar ta nây. Dôl kơp phung ƀon lan jêh ri phung kôranh ƀư brah, gâp mâu saơ ôh du huê phung Lêvi.

Êsra 8:17

Gâp prơh phung nây hăn tât ma Y-Idô jêng kôranh chiă uănh, gŭ ta Kasiphia, lah ma Y-Idô jêh ri ma phung oh nâu păng, jêng phung pah kan tâm ngih brah, gŭ ta Kasiphia njŭn ma hên phung bunuyh pah kan tâm ngih Brah Ndu he.

Êsra 8:18

Yorlah rnơm ma ti Brah Ndu rgong he, lĕ phung nây leo tât ma hên du huê bunuyh blau mĭn, jêng noi deh Y-Mahli, jêng kon bu klâu Y-Lêvi, sau bu klâu Y-Israel, amoh păng Y-Sêrêbia, jêh ri phung kon bu klâu păng ndrel ma phung băl mpôl păng, geh lĕ rngôch jêng jât ma pham nuyh;

Nau Hôr 2:6

Yorlah Brah Yêhôva ăn nau blau mĭn; Tă bơh trôm mbung Păng luh nau blau mĭn jêh ri nau gĭt rbăng.

Nau Hôr 20:5

Nau nchră tâm nuih n'hâm kon bunuyh nâm bu ntu dak jru, Bunuyh gĭt rbăng mra bâk sŏk ta nây.

Nau Hôr 28:2

Lah ntŭk n'gor uh ah Pôri geh âk kôranh; Ƀiălah rnơm du huê bunuyh gĭt vât jêh ri gĭt rbăng, Bri dak mra nâp jŏ jong.

Daniel 2:21

Păng nơm yơh tâm rgâl mông nar jêh ri yan, N'glưh jêh ri njêng phung hađăch; Păng ăn nau blau mĭn ma bunuyh blau mĭn Jêh ri nau gĭt rbăng ma bunuyh gĭt rbăng.

II Timôthê 2:7

Mĭn rvê hom nau gâp lah jêh, yorlah Kôranh Brah mra ăn ma may nau gĭt rbăng tâm lĕ rngôch kan.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.