Êsra 7:9 - Nau Brah Ndu Ngơi 2023

⁹ Păng hăn ntơm bơh Babilôn nar năng nguay, khay nguay, jêh ri yorlah ti ueh Brah Ndu păng rgong ta păng, păng tât ta Yêrusalem nar năng nguay khay prăm.

Êsra 7:9 ပူးပေါင်းရင်းမြစ်များ

Êsra 7:28

jêh ri ƀư ăn gâp geh nau yô̆ tanăp măt hađăch, phung kôranh kơl nchră jêh ri tanăp phung kôranh chiă uănh geh nau dơi bơh hađăch! Gâp geh nau janh nănh, yorlah ti Yêhôva Brah Ndu gâp gŭ ndrel gâp jêh ri gâp rgum phung kôranh chiă uănh Israel gay plơ̆ sĭt tâm n'gor ndrel ma gâp.”

Êsra 7:6

Y-Êsra nây plơ̆ sĭt tă bơh bri Babilôn. Păng jêng du huê kôranh nchih samƀŭt gĭt rbăng tâm nau vay Y-Môis, Yêhôva Brah Ndu phung Israel hŏ ntăm nti jêh. Yorlah ti Yêhôva Brah Ndu kơl ma păng, pôri hađăch ăn ma păng lĕ ndơ păng ŭch dăn.

Êsra 7:8

Khay prăm, năm tal pơh rnôk hađăch nây, Y-Êsra văch tât ta Yêrusalem.

Êsra 8:18

Yorlah rnơm ma ti Brah Ndu rgong he, lĕ phung nây leo tât ma hên du huê bunuyh blau mĭn, jêng noi deh Y-Mahli, jêng kon bu klâu Y-Lêvi, sau bu klâu Y-Israel, amoh păng Y-Sêrêbia, jêh ri phung kon bu klâu păng ndrel ma phung băl mpôl păng, geh lĕ rngôch jêng jât ma pham nuyh;

Êsra 8:22

Gâp geh nau prêng, mâu janh dăn hađăch du mpôl phung tahan jêh ri tahan ncho seh king n'gang hên tă bơh nơm rlăng tâm dôl hên hăn trong yorlah hên geh lah jêh ma hađăch pô aơ: “Ti Brah Ndu hên rgong lĕ rngôch bunuyh joi Păng, ƀiălah nau brah Păng jêh ri nau ji nuih Păng tâm rdâng đah ma mbu nơm dun chalơi Păng.”

Êsra 8:31

Nar jât ma bar khay nguay, hên hăn ntơm tă bơh dak krong Ahava ŭch hăn tât ma Yêrusalem. Ti Brah Ndu hên rgong hên, jêh ri Păng tâm rklaih hên tă bơh ti phung rlăng jêh ri phung ntŭng njŏ trong.

Êsra 8:32

Jêh nây, hên tât Yêrusalem, gŭ ta nây pe nar.

Nêhêmi 2:18

Gâp mbơh ma khân păng ma mpang ti ueh Brah Ndu hŏ kâp kơl gâp jêh ri tâm ban lĕ ma nau ngơi hađăch mbơh jêh ma gâp. Khân păng lah: “Kay lŏng, ăn he ntơm ndâk njêng tay ro!” Pôri, khân păng janh ktang tâm rnglăp ƀư nau kan ueh aơ.

Nêhêmi 2:8

Dăn ăn đŏng du pŏk samƀŭt ntrŭnh njuăl ma Y-Asap, nơm mât bri krŏng ma hađăch, gay ma păng ăn ma gâp tơm si ƀư meh mpông ƀon ta meng ngih brah jêh ri ƀư mpêr ƀon nđâp ngih ma gâp mra gŭ ta nây.” Yorlah ti ueh bơh Brah Ndu gâp kơl an gâp, hađăch ăn ro ma gâp lĕ nau nây.

Nau Mprơ Ơm 80:18

Jêh nây hên mâu mra du bơh May đŏng ôh; Dăn ƀư ma hên dơi dâk rêh tay, pôri hên mra kuăl amoh May.

Êsai 66:14

“Khân may mra saơ nau nây, jêh ri nuih n'hâm khân may mra răm maak; Nting khân may mra bĭk rơ̆ tâm ban gơ̆ nse. Bu mra gĭt ti Brah Yêhôva gŭ ndrel ma phung oh mon Păng, Jêh ri Păng mra ji nuih ma phung rlăng đah Păng.