Êsra 7:6 - Nau Brah Ndu Ngơi 2023

⁶ Y-Êsra nây plơ̆ sĭt tă bơh bri Babilôn. Păng jêng du huê kôranh nchih samƀŭt gĭt rbăng tâm nau vay Y-Môis, Yêhôva Brah Ndu phung Israel hŏ ntăm nti jêh. Yorlah ti Yêhôva Brah Ndu kơl ma păng, pôri hađăch ăn ma păng lĕ ndơ păng ŭch dăn.

Êsra 7:6 ပူးပေါင်းရင်းမြစ်များ

Nau Ntơm 32:28

Bunuyh nây lah: “Săk may mâu hôm mra jêng Y-Yakôb ôh, ƀiălah jêng Y-Israel, yorlah may hŏ tâm nhăt jêh đah Brah Ndu jêh ri đah bu, jêh ri may dơi da dê.”

Êsra 5:5

Ƀiălah Brah Ndu n'gang phung bu ranh phung Yuđa, yor ri khân păng mâu buay ôh nau rdâk kŏ tât nôk plơ̆ mbơh nau nây ma hađăch Darius, jêh ri hađăch ăn samƀŭt nau ntrŭnh ma nau kan nây.

Êsra 6:22

Khân păng djôt prăp nau rƀŭn Piăng Let Mâu Geh Ndrui tâm pơh nar ma nau răm maak, yorlah Brah Yêhôva hŏ ƀư ăn nuih n'hâm khân păng hâk răm nôk rgâl nuih n'hâm hađăch Asiri, ƀư ăn hađăch kơl ma khân păng tâm nau ndâk ngih brah Brah Ndu, jêng Brah Ndu phung Israel.

Êsra 7:21

Pôri, gâp jêng hađăch Artasersês ƀư du pŏk samƀŭt nau ntrŭnh ntăm ma phung kôranh djôt prăk tâm n'gor đah ri dak krong: Ăp moh ntil ndơ Y-Êsra, kôranh ƀư brah ăt jêng kôranh nchih samƀŭt gĭt rbăng ma nau vay Brah Ndu klơ trôk, dăn ma khân may, ăn khân may srôih ƀư bêng tŏng ma păng,

Êsra 7:28

jêh ri ƀư ăn gâp geh nau yô̆ tanăp măt hađăch, phung kôranh kơl nchră jêh ri tanăp phung kôranh chiă uănh geh nau dơi bơh hađăch! Gâp geh nau janh nănh, yorlah ti Yêhôva Brah Ndu gâp gŭ ndrel gâp jêh ri gâp rgum phung kôranh chiă uănh Israel gay plơ̆ sĭt tâm n'gor ndrel ma gâp.”

Êsra 7:5

Y-Usi kon bu klâu Y-Buki, Y-Buki kon bu klâu Y-Abisua, Y-Abisua kon bu klâu Y-Phinêas, Y-Phinêas kon bu klâu Y-Êlêasar, Y-Êlêasar kon bu klâu Y-Arôn, jêng kôranh ƀư brah lor lơn.

Êsra 7:9

Păng hăn ntơm bơh Babilôn nar năng nguay, khay nguay, jêh ri yorlah ti ueh Brah Ndu păng rgong ta păng, păng tât ta Yêrusalem nar năng nguay khay prăm.

Êsra 8:1

Aơ jêng phung kôranh ƀon jêh ri phung bunuyh tă bơh Babilôn plơ̆ sĭt ndrel ma gâp kơp tĭng nâm noi deh, tâm rnôk rô̆ hađăch Artasersês chiă uănh:

Êsra 8:18

Yorlah rnơm ma ti Brah Ndu rgong he, lĕ phung nây leo tât ma hên du huê bunuyh blau mĭn, jêng noi deh Y-Mahli, jêng kon bu klâu Y-Lêvi, sau bu klâu Y-Israel, amoh păng Y-Sêrêbia, jêh ri phung kon bu klâu păng ndrel ma phung băl mpôl păng, geh lĕ rngôch jêng jât ma pham nuyh;

Êsra 8:22

Gâp geh nau prêng, mâu janh dăn hađăch du mpôl phung tahan jêh ri tahan ncho seh king n'gang hên tă bơh nơm rlăng tâm dôl hên hăn trong yorlah hên geh lah jêh ma hađăch pô aơ: “Ti Brah Ndu hên rgong lĕ rngôch bunuyh joi Păng, ƀiălah nau brah Păng jêh ri nau ji nuih Păng tâm rdâng đah ma mbu nơm dun chalơi Păng.”

Êsra 8:31

Nar jât ma bar khay nguay, hên hăn ntơm tă bơh dak krong Ahava ŭch hăn tât ma Yêrusalem. Ti Brah Ndu hên rgong hên, jêh ri Păng tâm rklaih hên tă bơh ti phung rlăng jêh ri phung ntŭng njŏ trong.

Nêhêmi 12:26

Phung nây gŭ rêh rnôk rô̆ Y-Jôyakim, kon bu klâu Y-Jêsua, sau Y-Jôsadak, jêh ri tâm rô̆ Y-Nêhêmi ƀư kôranh chiă uănh jêh ri tâm rô̆ Y-Êsra ƀư kôranh ƀư brah jêh ri kôranh nchih samƀŭt.

Nêhêmi 12:36

jêh ri phung oh nau păng jêng Y-Sêmaya, Y-Asarel, Y-Milalai, Y-Gilalai, Y-Mai, Y-Nêthanel, Y-Yuđa jêh ri Y-Hanani, djôt dĭng mprơ Y-Đavit, bunuyh Brah Ndu. Kôranh nchih samƀŭt Y-Êsra chuat hăn panăp khân păng.

Nêhêmi 2:12

Gâp jêh ri phung ƀaƀă hăn ndrel gâp, dâk hăn klong măng, gâp mâu ăn du huê nuyh gĭt ôh moh nau Brah Ndu hŏ dơm jêh tâm nuih n'hâm gâp gay ŭch ƀư ma Yêrusalem. Rlau ma nây seh bri gâp ncho mâu hôm geh ôh mpô mpa êng ndrel ma gâp.

Nêhêmi 2:18

Gâp mbơh ma khân păng ma mpang ti ueh Brah Ndu hŏ kâp kơl gâp jêh ri tâm ban lĕ ma nau ngơi hađăch mbơh jêh ma gâp. Khân păng lah: “Kay lŏng, ăn he ntơm ndâk njêng tay ro!” Pôri, khân păng janh ktang tâm rnglăp ƀư nau kan ueh aơ.

Nêhêmi 2:8

Dăn ăn đŏng du pŏk samƀŭt ntrŭnh njuăl ma Y-Asap, nơm mât bri krŏng ma hađăch, gay ma păng ăn ma gâp tơm si ƀư meh mpông ƀon ta meng ngih brah jêh ri ƀư mpêr ƀon nđâp ngih ma gâp mra gŭ ta nây.” Yorlah ti ueh bơh Brah Ndu gâp kơl an gâp, hađăch ăn ro ma gâp lĕ nau nây.

Nêhêmi 4:15

Tơlah phung rlăng hên gĭt jêh pô aơ nau nchră khân păng bu hŏ gĭt jêh, jêh ri Brah Ndu ƀư rai lơi nau nchră khân păng ŭch ƀư, lĕ rngôch hên plơ̆ tay da dê ma ntŭk mpêr ƀon, ăp nơm pah kan tĭng nâm nau kan khân păng nơm.

Nêhêmi 8:1

Rnôk nây, lĕ rngôch phung ƀon lan tâm rƀŭn ndrel nâm bu du huê nuyh, ta nkual toyh tanăp ƀon mpông pêr Dak. Khân păng lah ma Y-Êsra jêng kôranh nchih samƀŭt djôt leo ndrom samƀŭt nau vay Y-Môis; nây jêng nau vay Brah Yêhôva hŏ ntĭm nti jêh ma phung Israel.

Nêhêmi 8:13

Tât nar tal bar, phung kôranh ndŭl mpôl tâm phung ƀon lan, phung kôranh ƀư brah jêh ri phung Lêvi, tâm rƀŭn da dê ndrel ma kôranh nchih samƀŭt Y-Êsra gay iăt lĕ nau ngơi tă bơh nau vay.

Nêhêmi 8:4

Kôranh nchih samƀŭt Y-Êsra dâk ta klơ gre ƀư ma ndap si bu ƀư rnôk nây; Y-Matithia, Y-Sêma, Y-Maseya, Y-Anaya, Y-Urija, Y-Hilkia, jêh ri Y-Maseya dâk dăch păng, bi mpeh pa chiau păng geh: Y-Pêdaya, Y-Misaêl, Y-Malkija, Y-Hasum, Y-Hasbadana, Y-Sakari, jêh ri Y-Mêsulam

Nêhêmi 8:9

Y-Nêhêmi, kôranh mât uănh, Y-Êsra kôranh ƀư brah jêng kôranh nchih samƀŭt, nđâp phung Lêvi nti ntĭm phung ƀon lan, nti lah ma lĕ rngôch phung Israel, lah đah lĕ rngôch bunuyh Israel pô aơ: “Nar aơ jêng kloh ueh ma Yêhôva Brah Ndu khân may. Lơi klâng khĭt mâu lah nhhiăng nhĭm.” Yorlah lĕ rngôch phung ƀon lan nhĭm da dê tơlah gŭ iăt nau ngơi tâm nau vay.

Nêhêmi 9:13

Kôranh Brah jŭr ta klơ yôk Sinai, Tă bơh trôk Kôranh Brah hŏ ngơi jêh ma khân păng. Kôranh Brah ăn nau vay ƀư jêh ri nau vay di jêh ri sŏng srăng; Lĕ nau vay dăp ueh jêh ri nau vay ntăm ueh.

Nau Mprơ Ơm 109:27

Gay ma khân păng gĭt aơ jêng ti Brah Yêhôva; May yơh hŏ ƀư nau nây.

Nau Mprơ Ơm 147:19

Păng tâm mpơl nau Păng ngơi ma Yakôb, Nau vay dăp jêh ri nau vay Păng ƀư ma phung Israel.

Nau Mprơ Ơm 45:1

Nuih n'hâm gâp bêng ler ma nau ueh ngăn; Gâp ngơi ma nau mprĭng aơ ma may; Mpiăt gâp tâm ban ma du mlâm mâng nchih du huê nơm nchih samƀŭt njêh.

Nau Mprơ Ơm 80:18

Jêh nây hên mâu mra du bơh May đŏng ôh; Dăn ƀư ma hên dơi dâk rêh tay, pôri hên mra kuăl amoh May.

Nau Hôr 3:6

Kah gĭt hom ma Păng tâm lĕ trong may hăn, Păng yơh mra ƀư lâng tâm lĕ trong may hăn.

Êsai 50:2

Mâm ƀư tơlah Gâp văch, mâu geh bunuyh ôh? Tơlah Gâp kuăl, mâu geh bunuyh plơ̆ lah ôh? Ti Gâp jêng gleh ir hĕ kŏ păng mâu dơi tâm chuai? Mâu lah Gâp mâu geh nau brah mâu dơi tâm rklaih hĕ? Aơ, Gâp knŏng nduyh du tong, dak mƀŭt suăt kro ro. Gâp rgâl dak krong jêng bri rdah; Ka tâm dâng dak krong khĭt yor mâu geh dak. Jêh ri ƀâu ôm.

Êsai 59:1

Aơ, ti Brah Yêhôva mâu jêng gleh ôh dĭng Păng mâu dơi tâm rklaih; Tôr Păng mâu lĕ tê̆k dĭng Păng mâu dơi tăng.

Yêrêmi 8:8

Mâm khân may nănh ngơi: “Hên blau mĭn, Nau vay Brah Yêhôva gŭ ndrel ma hên,”? Ƀiălah aơ, chông mâng nchih nau mƀruh phung kôranh nchih samƀŭt Hŏ ƀư ăn nau vay nây luh nau mƀruh!

Mathay 13:52

Păng lah: “Pôri, ăp nơm kôranh nchih samƀŭt gĭt lĕ nau ƀon bri hađăch klơ trôk, nâm bu du huê kôranh ngih ri, djôt leo lĕ ndơ mhe nđâp ndơ ơm luh bơh jay ndơ khlay păng nơm.”

Mathay 23:2

“Phung kôranh nchih samƀŭt jêh ri phung Pharisi gŭ ta klơ rnơl Y-Môis.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

I Kôrintô 1:20

Bunuyh blau mĭn mbah ntŭk? Phung kôranh nchih samƀŭt mbah ntŭk? Nơm blau tâm rlăch nchră tâm rnôk aơ mbah ntŭk? Mâu di hĕ Brah Ndu hŏ ƀư jêh nau blau mĭn tâm neh ntu jêng nau brŭt moih?

I Kôrintô 15:1

Hơi phung oh nâu, gâp ŭch nkah khân may Nau Mhe Mhan Ueh gâp hŏ mbơh nkoch jêh ri khân may sŏk dơn jêh, tâm nau nây lĕ khân may gŭ nâp.

Nau Vay Nkah Tay 28:1

“Tơlah khân may lĕ nuih n'hâm rkêng iăt ngăn nau Yêhôva Brah Ndu khân may lah, njrăng hom ƀư tĭng kơt lĕ rngôch nau vay Păng ntăm, jêng nau gâp ntăm ma khân may nar aơ ri mơ Yêhôva Brah Ndu khân may mra n'hao ma khân may rlau lơn lĕ rngôch phung ndŭl mpôl ta neh ntu aơ.

Nau Vay Nkah Tay 4:5

Aơ, gâp nti jêh ma khân may lĕ nau vay dăp jêh ri lĕ nau vay ƀư di nâm bu Yêhôva Brah Ndu gâp ntĭnh ntăm jêh ma gâp, gay ma khân may djôt prăp dôl gŭ tâm n'gor, khân may mra lăp dơn jêng drăp ndơn.