Êsra 7:5 - Nau Brah Ndu Ngơi 2023

⁵ Y-Usi kon bu klâu Y-Buki, Y-Buki kon bu klâu Y-Abisua, Y-Abisua kon bu klâu Y-Phinêas, Y-Phinêas kon bu klâu Y-Êlêasar, Y-Êlêasar kon bu klâu Y-Arôn, jêng kôranh ƀư brah lor lơn.

Êsra 7:5 ပူးပေါင်းရင်းမြစ်များ

I Nau Rêh Jêng 6:4

Y-Êlêasar jêng mbơ̆ Y-Phinêas; Y-Phinêas jêng mbơ̆ Y-Abisua;

II Nau Rêh Jêng 19:11

Aơ, kôranh ƀư brah toyh Y-Amaria mra mât uănh lĕ nau kan prăp ma Brah Yêhôva; bi Y-Sêbadia, kon Y-Ismaêl, kôranh chiă uănh ndŭl mpôl phung Yuđa, mra mât uănh lĕ kan prăp ma hađăch. Geh đŏng phung kôranh phung Lêvi mra pah kan kơl khân may. Nâp nuih n'hâm hom jêh ri pah kan hom! Brah Yêhôva gŭ ndrel ma phung sŏng.”

II Nau Rêh Jêng 26:20

Kôranh ƀư brah toyh lơn Y-Asaria jêh ri lĕ rngôch phung kôranh ƀư brah êng, saơ păng geh ji phŭng ta ndăr kleng, bu mpâk ndal păng luh du tă bơh nây; jêh ri păng nơm hăn luh ndal đŏng, yorlah Brah Yêhôva rmal păng.

Êsra 7:4

Y-Mêrayôt kon bu klâu Y-Sêrahia, Y-Sêrahia kon bu klâu Y-Usi,

Êsra 7:6

Y-Êsra nây plơ̆ sĭt tă bơh bri Babilôn. Păng jêng du huê kôranh nchih samƀŭt gĭt rbăng tâm nau vay Y-Môis, Yêhôva Brah Ndu phung Israel hŏ ntăm nti jêh. Yorlah ti Yêhôva Brah Ndu kơl ma păng, pôri hađăch ăn ma păng lĕ ndơ păng ŭch dăn.

Nau Ngluh Êjipt 6:25

Y-Êlêasar, kon bu klâu Y-Arôn, nđăp du huê tâm phung kon bu ur Y-Putiel, jêh ri deh Y-Phinêas ma păng. Aơ jêng lĕ phung kôranh ndŭl mpôl bơh noi bunuyh Y-Lêvi, tĭng ndŭl mpôl Y-Lêvi.

Kan Lêvi 10:12

Y-Môis lah ma Y-Arôn jêh ri ma bar hê kon bu klâu păng hôm e jêng Y-Êlêasar jêh ri Y-Ithamar: “Sŏk hom kô̆ ndơ ƀư brah rnih môi hôm e lah jêh ăn ŭnh sa nhhơr ma Brah Yêhôva ƀư jêng ƀănh mâu geh ndrui jêh ri sa păng ta meng nơng ƀư brah, yorlah nĕ jêng ndơ dŭt kloh ueh.

Kan Lêvi 10:16

Dôl Y-Môis ôp ma Y-Êlêasar jêh ri Y-Ithamar, hŏ be nkuăng dŏng ƀư ndơ ƀư brah chuai nau tih, jêh ri saơ bu hŏ gŭch jêh păng. Pôri Y-Môis ji nuih ma Y-Êlêasar jêh ri Y-Ithamar jêng bar hê kon bu klâu Y-Arôn hôm e, jêh ri lah:

Kan Lêvi 10:6

Jêh nây, Y-Môis lah ma Y-Arôn jêh ri ma bar hê kon bu klâu Y-Arôn jêng Y-Êlêasar jêh ri Y-Ithamar: “Lơi ƀư sŏk achưp, mâu lĕ dơi nkhêk ao khân may, gay ma nâu jêh ri phung mon mâu khĭt, jêh ri gay ma Brah Yêhôva mâu ji nuih đah lĕ rngôch phung tâm rƀŭn. Ƀiălah phung oh nâu jêh ri lĕ ngih Israel klăp lah dơi nhĭm nhhiăng ma phung hŏ khĭt yor Brah Yêhôva su ma ŭnh.

Nau Kơp Bunuyh 27:2

Khân păng tâm mâp ma Y-Môis, kôranh ƀư brah Y-Êlêasar, phung kôranh chiă uănh jêh ri lĕ rngôch phung tâm rƀŭn ta mpông Ngih Bok Nau Tâm Rƀŭn, jêh ri lah:

Nau Kơp Bunuyh 3:32

Mât bôk lĕ kôranh ma phung Lêvi jêng Y-Êlêasar, kon bu klâu kôranh ƀư brah Y-Arôn. Bu hŏ săch jêh păng gay chiă uănh phung geh djôt kan chiă uănh tâm ntŭk kloh ueh.

Nau Kơp Bunuyh 31:31

Y-Môis jêh ri kôranh ƀư brah Y-Êlêasar ƀư di tĭng nâm nau Brah Yêhôva ntĭnh jêh ma Y-Môis.

Nau Kơp Bunuyh 31:54

Pôri Y-Môis jêh ri kôranh ƀư brah Y-Êlêasar sŏk dơn mah tă bơh phung kôranh chiă uănh toyh ma du rbăn tahan jêh ri kôranh chiă uănh toyh ma du rhiăng tahan, jêh nây djôt leo ndơ nây lăp ma Ngih Bok Nau Tâm Rƀŭn jêng ndơ ndray ma phung ƀon lan Israel tanăp Brah Yêhôva.

Nau Kơp Bunuyh 31:6

Y-Môis prơh jât rmưn bar rbăn nuyh hăn ma nau tâm lơh, jêng ăp ndŭl mpôl prơh du rbăn nuyh, ndrel ma Y-Phinêas, kon bu klâu kôranh ƀư brah Y-Êlêasar, djôt leo lĕ ndơ tâm lơh kloh ueh jêh ri nŭng uh gay ntrŭt phung tahan.

ហេឞ្រើ 5:4

Mâu geh du huê săch êng ma păng nơm kan khlay nây ôh, ƀiălah geh nau kuăl tă bơh Brah Ndu, nâm bu Y-Arôn.

Yôsuê 14:1

Aơ jêng drăp ndơn ma phung ƀon lan Israel sŏk dơn tâm bri Kanaan, tĭng nâm kôranh ƀư brah Y-Êlêasar, Y-Yôsuê, kon bu klâu Y-Nun, jêh ri phung kôranh ndŭl mpôl tâm lĕ ndŭl mpôl phung ƀon lan Israel tâm pă jêh ma khân păng.

Yôsuê 22:13

Phung ƀon lan Israel prơh Y-Phinêas, kon bu klâu kôranh ƀư brah Y-Êlêasar, văch ta phung Ruben, phung Gat, jêh ri du n'gul ndŭl mpôl Manasê tâm bri Gilêat.

Yôsuê 22:31

Y-Phinêas, kon bu klâu kôranh ƀư brah Y-Êlêasar, lah ma phung Ruben, phung Gat, jêh ri phung Manasê pô aơ: “Nar aơ hên gĭt năl pô aơ Brah Yêhôva gŭ tâm nklang he, yorlah khân may mâu ƀư tih nau mâu răp jăp đah Brah Yêhôva ôh, pônây khân may tâm rklaih jêh phung ƀon lan Israel bơh ti Brah Yêhôva.”

Yôsuê 24:33

Y-Êlêasar, kon bu klâu Y-Arôn, khĭt, jêh ri bu tâp păng ta ƀon Gêbêa, jêng kô̆ neh ăn ma kon bu klâu păng jêng Y-Phinêas, tâp păng ta ƀon Gêbêa, tâm bri klơ dor yôk Êphraim.