Êsra 7:28 - Nau Brah Ndu Ngơi 2023

²⁸ jêh ri ƀư ăn gâp geh nau yô̆ tanăp măt hađăch, phung kôranh kơl nchră jêh ri tanăp phung kôranh chiă uănh geh nau dơi bơh hađăch! Gâp geh nau janh nănh, yorlah ti Yêhôva Brah Ndu gâp gŭ ndrel gâp jêh ri gâp rgum phung kôranh chiă uănh Israel gay plơ̆ sĭt tâm n'gor ndrel ma gâp.”

Êsra 7:28 ပူးပေါင်းရင်းမြစ်များ

Nau Ntơm 32:28

Bunuyh nây lah: “Săk may mâu hôm mra jêng Y-Yakôb ôh, ƀiălah jêng Y-Israel, yorlah may hŏ tâm nhăt jêh đah Brah Ndu jêh ri đah bu, jêh ri may dơi da dê.”

Nau Ntơm 43:14

Dăn ma Brah Ndu Geh Lĕ Nau Brah ƀư ma khân may geh nau yô̆ tanăp măt nơm nây, gay ma Y-Simêôn jêh ri Y-Benjamin mra plơ̆ sĭt ndrel khân may. Kay gâp, tơlah ăn roh phung kon, gâp dơn anh dơm nau roh nây!”

Êsra 5:5

Ƀiălah Brah Ndu n'gang phung bu ranh phung Yuđa, yor ri khân păng mâu buay ôh nau rdâk kŏ tât nôk plơ̆ mbơh nau nây ma hađăch Darius, jêh ri hađăch ăn samƀŭt nau ntrŭnh ma nau kan nây.

Êsra 7:14

Gâp jêh ri pơh nuyh phung kơl nchră gâp prơh may hăn ôp sek uănh ma phung Yuđa jêh ri ma Yêrusalem tĭng nâm nau vay bơh Brah Ndu may geh tâm ti.

Êsra 7:6

Y-Êsra nây plơ̆ sĭt tă bơh bri Babilôn. Păng jêng du huê kôranh nchih samƀŭt gĭt rbăng tâm nau vay Y-Môis, Yêhôva Brah Ndu phung Israel hŏ ntăm nti jêh. Yorlah ti Yêhôva Brah Ndu kơl ma păng, pôri hađăch ăn ma păng lĕ ndơ păng ŭch dăn.

Êsra 7:9

Păng hăn ntơm bơh Babilôn nar năng nguay, khay nguay, jêh ri yorlah ti ueh Brah Ndu păng rgong ta păng, păng tât ta Yêrusalem nar năng nguay khay prăm.

Êsra 8:1

Aơ jêng phung kôranh ƀon jêh ri phung bunuyh tă bơh Babilôn plơ̆ sĭt ndrel ma gâp kơp tĭng nâm noi deh, tâm rnôk rô̆ hađăch Artasersês chiă uănh:

Êsra 8:15

Gâp rgum khân păng ta kơh dak krong hoch mpeh Ahava, jêh ri hên gŭ njưh pe nar ta nây. Dôl kơp phung ƀon lan jêh ri phung kôranh ƀư brah, gâp mâu saơ ôh du huê phung Lêvi.

Êsra 8:18

Yorlah rnơm ma ti Brah Ndu rgong he, lĕ phung nây leo tât ma hên du huê bunuyh blau mĭn, jêng noi deh Y-Mahli, jêng kon bu klâu Y-Lêvi, sau bu klâu Y-Israel, amoh păng Y-Sêrêbia, jêh ri phung kon bu klâu păng ndrel ma phung băl mpôl păng, geh lĕ rngôch jêng jât ma pham nuyh;

Êsra 9:9

Yorlah hên jêng phung ƀư dĭk, ƀiălah Brah Ndu hên mâu chalơi phung kon ôh tâm nau ƀư dĭk nây. Păng hŏ ăn jêh ma hên geh nau yô̆ tanăp măt phung hađăch n'gor Persi, ƀư ăn hên dơi rêh đŏng gay plơ̆ sĭt ndâk tay ngih brah ma Brah Ndu phung kon, nkra đŏng lĕ ntŭk hŏ rlâm jêh, jêh ri ăn ma hên du ntŭk gŭ đăp mpăn tâm n'gor Yuđa jêh ri ƀon Yêrusalem.

Nêhêmi 1:11

Hơi Kôranh Brah! Dăn ma May iăt nau gâp mbơh sơm jêng oh mon May jêh ri phung oh mon êng êng, jêng phung maak nuih n'hâm klach yơk ma amoh May. Nar aơ, dăn ma Kôranh Brah ăn ma gâp jêng oh mon Kôranh Brah dơi geh nau ƀŭn lap jêh ri geh nau yô̆ nđach tanăp bunuyh aơ.” Rnôk nây gâp ƀư nau pah kan nhhơr ndrănh ma hađăch.

Nêhêmi 2:8

Dăn ăn đŏng du pŏk samƀŭt ntrŭnh njuăl ma Y-Asap, nơm mât bri krŏng ma hađăch, gay ma păng ăn ma gâp tơm si ƀư meh mpông ƀon ta meng ngih brah jêh ri ƀư mpêr ƀon nđâp ngih ma gâp mra gŭ ta nây.” Yorlah ti ueh bơh Brah Ndu gâp kơl an gâp, hađăch ăn ro ma gâp lĕ nau nây.

Nau Mprơ Ơm 109:12

Lơi ăn du huê ƀư ueh ma păng, Mâu geh du huê yô̆ nđach ma kon đơi păng.

Yônais 3:7

Jêh nây hađăch ntăm nau aơ tâm lam ƀon Ninive: “Tĭng nâm nau hađăch ntăm jêh ri phung kôranh toyh păng, mâu dơi ăn bunuyh mâu lah mpô mpa, ndrôk mâu lah biăp mâu dơi chiăm ler du ntil ndơ ôh. Mâu dơi ăn khân păng sông sa mâu lah nhêt dak ôh,