Êsra 7:27 - Nau Brah Ndu Ngơi 2023

²⁷ Y-Êsra lah: “Tâm rnê ma Yêhôva Brah Ndu chô yau hên, jêng Nơm hŏ dơm nau aơ tâm nuih n'hâm hađăch gay nkrơ̆ ngih brah Brah Yêhôva ta Yêrusalem,

Êsra 7:27 ပူးပေါင်းရင်းမြစ်များ

II Nau Rêh Jêng 31:8

Lah Y-Hêsêkia jêh ri phung kôranh văch tât jêh ri uănh saơ âk mbŭch bu bun ndơ nhhơr, khân păng tâm rnê ma Brah Yêhôva jêh ri ăn nau ueh uĭn ma phung ƀon lan Israel.

Êsra 6:22

Khân păng djôt prăp nau rƀŭn Piăng Let Mâu Geh Ndrui tâm pơh nar ma nau răm maak, yorlah Brah Yêhôva hŏ ƀư ăn nuih n'hâm khân păng hâk răm nôk rgâl nuih n'hâm hađăch Asiri, ƀư ăn hađăch kơl ma khân păng tâm nau ndâk ngih brah Brah Ndu, jêng Brah Ndu phung Israel.

Nêhêmi 2:12

Gâp jêh ri phung ƀaƀă hăn ndrel gâp, dâk hăn klong măng, gâp mâu ăn du huê nuyh gĭt ôh moh nau Brah Ndu hŏ dơm jêh tâm nuih n'hâm gâp gay ŭch ƀư ma Yêrusalem. Rlau ma nây seh bri gâp ncho mâu hôm geh ôh mpô mpa êng ndrel ma gâp.

Nêhêmi 2:8

Dăn ăn đŏng du pŏk samƀŭt ntrŭnh njuăl ma Y-Asap, nơm mât bri krŏng ma hađăch, gay ma păng ăn ma gâp tơm si ƀư meh mpông ƀon ta meng ngih brah jêh ri ƀư mpêr ƀon nđâp ngih ma gâp mra gŭ ta nây.” Yorlah ti ueh bơh Brah Ndu gâp kơl an gâp, hađăch ăn ro ma gâp lĕ nau nây.

Nêhêmi 7:5

Brah Ndu gâp nsŭk nsôr nuih n'hâm gâp kuăl rgum phung ndrŏng, phung kôranh chiă uănh jêh ri phung ƀon lan, ăn nchih amoh tĭng nâm noi deh khân păng. Gâp dơi joi du ndrom samƀŭt noi deh phung hŏ plơ̆ sĭt tâm n'gor tal lor jêh ri tâm nây gâp saơ bu nchih pô aơ:

Nau Ngluh Êjipt 8:9

Y-Môis ngơi đah Pharaôn: “Dăn ma may dăp hom mông nar ăn rah vah gay ma gâp kuăl mbơh sơm ma Brah Yêhôva, yor may, phung oh mon may jêh ri phung ƀon lan may, gay ƀư rai kĭt bơh may, bơh ngih may, knŏng hôm e tâm dak krong dơm.”

Nau Hôr 21:1

Nuih n'hâm hađăch tâm ti Brah Yêhôva nâm bu n'hor dak hoch; Păng ŭch ƀư nkêng nkăng ntŭk mpeh tĭng nau Păng ŭch.

Êsai 60:13

Tơm si chiprơ, tơm si n'ho jêh ri tơm si buis jêng nau chrêk rmah bri Liban, Ăt mra njŭn ma may, Ŭch ƀư ueh ngih brah kloh ueh Gâp; Gâp mra ăn chrêk rmah ntŭk Gâp chrong jâng.

Luka 7:5

yorlah păng rŏng ma phung ƀon lan he, jêh ri ndâk ngih rƀŭn ăn he.”

II Kôrintô 8:16

Lah ueh ma Brah Ndu, Păng dơm jêh tâm nuih n'hâm Y-Tit nau duh nđơr tâm ban gâp geh ma khân may;

Philip 4:10

Gâp răm maak ngăn tâm Kôranh Brah, yorlah nau nglĕ dŭt, khân may mĭn rvê ma gâp. Ngăn khân may ăt mĭn rvê, ƀiălah mâu geh mông găl tâm mpơl ôh.

ហេឞ្រើ 10:16

Kôranh Brah lah: “Aơ jêng nau tâm rnglăp Gâp mra ƀư ma khân păng: Pakơi lĕ nar nây, Gâp mra dơm nau vay Gâp tâm nuih n'hâm khân păng Jêh ri nchih prăp tâm nau mĭn khân păng.”

ហេឞ្រើ 8:10

Kôranh Brah lah: “Aơ jêng nau tâm rnglăp Gâp mra ƀư ma ngih Israel: Pakơi lĕ nar nây, Gâp mra dơm nau vay Gâp tâm nau mĭn khân păng, Jêh ri nchih prăp tâm nuih n'hâm khân păng. Gâp mra jêng Brah Ndu khân păng, Jêh ri khân păng mra jêng phung ƀon lan Gâp.

Yakơ 1:17

Lĕ rngôch yô̆ ueh jêh ri lĕ ndơ ăn dŭt ueh ngăn tât bơh klơ trôk, jŭr tă bơh Mbơ̆ nau ang; tâm Păng mâu geh nau rgâl ôh, mâu lĕ geh gui nau rgâl.

Nau Tâm Mpơl 17:17

Yorlah Brah Ndu ƀư ăn khân păng mĭn ntrâng ƀư nau Păng mĭn tâm du ai nuih n'hâm ndrăng khân păng jao ƀon bri hađăch khân păng nơm ma mpô mpa dŭt janh, ma tât nôk nau ngơi Brah Ndu lĕ tât di ngăn.