Êsra 7:21 - Nau Brah Ndu Ngơi 2023

²¹ Pôri, gâp jêng hađăch Artasersês ƀư du pŏk samƀŭt nau ntrŭnh ntăm ma phung kôranh djôt prăk tâm n'gor đah ri dak krong: Ăp moh ntil ndơ Y-Êsra, kôranh ƀư brah ăt jêng kôranh nchih samƀŭt gĭt rbăng ma nau vay Brah Ndu klơ trôk, dăn ma khân may, ăn khân may srôih ƀư bêng tŏng ma păng,

Êsra 7:21 ပူးပေါင်းရင်းမြစ်များ

Êsra 4:16

Hên mbơh ăn hađăch gĭt tơlah ƀon aơ dơi ndâk njêng tay, jêh ri mpêr ƀon păng dơi nkra ndâk đŏng, nanê̆ ngăn hađăch mra mâu hôm geh tâm n'gor mpeh nhâp nar dak krong Ơphrat đŏng ôh.”

Êsra 4:20

Ta ƀon Yêrusalem hŏ geh phung hađăch geh nau dăng ktang chiă uănh ta mpeh đah ri dak krong, jêh ri bu nhhơr ndơ, chê̆ pi jêh ri chê̆ prăk rvăt samƀŭt rsong trong ma phung hađăch nây.

Êsra 6:6

“Pôri aƀaơ, hơi Y-Tatênai, kôranh chiă uănh tâm n'gor đah ri dak krong, hơi Y-Sêthar-Bôsênai, jêh ri phung pah kan ndrel phung Aphatsak ta đah ri dak krong, ăn khân may du ngai tă bơh ntŭk nây, lơi geh kơl an tâm nau kan rdâk ngih brah Brah Ndu.

Êsra 7:1

Pakơi jêh nau nây, tâm rnôk rô̆ Artasersês, hađăch Persi, geh Y-Êsra jêng kon bu klâu Y-Sêraya,

Êsra 7:22

nđâp lah pe ton n'gul prăk, du rhiăng ƀau ba ƀlê, du rhiăng thŭng ndrănh, du rhiăng thŭng dak ngi ôlive, jêh ri boh mâu nhueh ôh.

Êsra 7:6

Y-Êsra nây plơ̆ sĭt tă bơh bri Babilôn. Păng jêng du huê kôranh nchih samƀŭt gĭt rbăng tâm nau vay Y-Môis, Yêhôva Brah Ndu phung Israel hŏ ntăm nti jêh. Yorlah ti Yêhôva Brah Ndu kơl ma păng, pôri hađăch ăn ma păng lĕ ndơ păng ŭch dăn.

Êsra 8:36

Khân păng jao samƀŭt nau ntrŭnh bơh hađăch ma phung kôranh n'gor jêh ri ma phung kôranh mât uănh hađăch gŭ mpeh đah ri dak krong. Phung nây kâp kơl phung ƀon lan jêh ri kan ngih brah Brah Ndu.

Nêhêmi 2:7

Gâp lah đŏng ma hađăch: “Tơlah hađăch maak nuih n'hâm, dăn hađăch jao ma gâp lĕ samƀŭt njuăl ma phung kôranh chiă uănh n'gor ma mpeh nhâp nar dak krong Ơphrat, gay ma khân păng ăn gâp dơi hăn rgăn kŏ tât nôk gâp tât n'gor bri Yuđa.

Nau Mprơ Ơm 119:4

May hŏ ntăm jêh nau vay ntăm bơh May ma hên Gay ma hên njrăng djôt prăp.

Daniel 6:26

Gâp ăn samƀŭt nau ntrŭnh pô aơ ta lam ntŭk tâm ƀon bri hađăch gâp lĕ rngôch bunuyh mra yơk mbah jêh ri râm nsâr klach tanăp Brah Ndu Y-Daniel Yorlah Păng jêng Brah Ndu gŭ rêh mro mrăng Jêh ri hôm gŭ rêh n'ho ro. Ƀon bri hađăch Păng mâu blau rai lôch ôh, Nau Păng chiă uănh mra dŭt toyh mâu blau lôch ôh.