Êsra 7:16 - Nau Brah Ndu Ngơi 2023

¹⁶ nđâp ma lĕ rngôch prăk, mah may dơi sŏk rgum geh jêh ta bri Babilôn, ndrel ma ndơ nhhơr bơh phung ƀon lan jêh ri phung kôranh ƀư brah nđơr êng nhhơr ma ngih Brah Ndu khân păng ta Yêrusalem.

Êsra 7:16 ပူးပေါင်းရင်းမြစ်များ

I Nau Rêh Jêng 29:17

Hơi Brah Ndu gâp! Gâp gĭt jêh Kôranh Brah sek uănh nuih n'hâm bunuyh jêh ri maak ma nau di. Mpeh ma gâp, gâp maak nuih n'hâm nhhơr lĕ ndơ nây nđâp ma nuih n'hâm sŏng. Aƀaơ ri, gâp saơ jêh phung ƀon lan May gŭ ta aơ ma nau răm rhơn nhhơr ma May.

I Nau Rêh Jêng 29:6

Nôk nây, phung kôranh tâm noi deh, phung kôranh ndŭl mpôl Israel, phung kôranh chiă uănh toyh ma du rbăn nuyh tahan jêh ri ma du rhiăng nuyh, phung mât uănh kan hađăch ma nau maak

I Nau Rêh Jêng 29:9

Phung ƀon lan hâk răm ngăn yorlah nau phung nây ăn jêh ma nuih n'hâm lŏng jêh ri lĕ nuih n'hâm nhhơr ma Brah Yêhôva. Hađăch Đavit răm maak tâm ban đŏng.

II Nau Rêh Jêng 31:14

Y-Kôrê, kon bu klâu Y-Imna bunuyh Lêvi, jêng nơm chiă uănh mpông pêr mpeh luh nar, jêng nơm mât lĕ ndơ nhhơr nđơr êng ma Brah Ndu, gay tâm pă lĕ ndơ bu nhhơr prăp jêh ma Brah Yêhôva jêh ri lĕ ndơ nhhơr dŭt kloh ueh.

II Nau Rêh Jêng 6:2

Ƀiălah gâp ndâk jêh du ngih brah jêng du ntŭk gŭ ma May, du ntŭk prăp ma May gŭ n'ho ro.”

II Nau Rêh Jêng 6:5

Ntơm bơh nar Gâp njŭn leo phung ƀon lan Gâp ngluh bơh n'gor bri Êjipt, Gâp ê hŏ săch ôh du rplay ƀon tâm phung ndŭl mpôl Israel gay ndâk du mlâm ngih brah ma amoh Gâp gŭ ta nây, jêh ri Gâp ăt mâu hŏ săch lĕ du huê bunuyh jêng kôranh chiă uănh phung ƀon lan Israel Gâp.

II Nau Rêh Jêng 6:6

Ƀiălah Gâp hŏ săch jêh Yêrusalem gay dơm amoh Gâp ta nây, jêh ri Gâp hŏ săch jêh Y-Đavit gay chiă uănh phung ƀon lan Israel Gâp.

Êsra 1:4

Jêh ri phung ƀon lan gŭ ta ntŭk phung Yuđa hôm e klen dôl gŭ rêh, ăn kơl khân păng ma prăk, mah, drăp ndơ, mpô mpa rong, nđâp ma lĕ ndơ nhhơr hŏ mĭn jêh ma ngih Brah Ndu ta Yêrusalem.’ ”

Êsra 1:6

Lĕ rngôch phung chiau meng khân păng kơl ndơ ma khân păng, lĕ ndơ ƀư ma prăk, ma mah, drăp ndơ, mpô mpa rong, jêh ri ndô ndơ khlay, nđâp ma lĕ ndơ nhhơr êng êng.

Nau Mprơ Ơm 135:21

Tâm rnê hom ma Brah Yêhôva bơh Siôn Jêng Nơm gŭ ta Yêrusalem! Halêluya!

II Kôrintô 8:12

Tơlah du huê nuyh geh nuih n'hâm ŭch nhhơr pôri ndơ păng nhhơr bu mra dơn, tĭng nâm ndơ khân păng geh, mâu di tĭng nâm ndơ khân păng mâu geh ôh.

II Kôrintô 9:7

Pôri ăn ăp nơm nhhơr tĭng nâm nau păng hŏ mĭn jêh tâm nuih n'hâm, mâu geh lah ăn ma nau rngot, mâu lah ma nau nchâp ôh, yorlah Brah Ndu rŏng ma mbu nơm nhhơr ma nau maak.