Êsra 6:8 - Nau Brah Ndu Ngơi 2023

⁸ Aơ jêng nau gâp ntrŭnh tât ma nau kan ma khân may mra ƀư đah phung bu ranh phung Yuđa tâm nau ndâk nkra đŏng ngih Brah Ndu aơ: Sŏk dŏng hom prăk ngih hađăch bơh lĕ kô̆ prăk pi tâm n'gor mpeh nhâp nar Dak Krong Ơphrat gay nkhôm rĭng lĕ rnoh prăk ndâk ma phung nây, lơi ăn nau kan tăch yơt hêng.

Êsra 6:8 ပူးပေါင်းရင်းမြစ်များ

Êsra 4:16

Hên mbơh ăn hađăch gĭt tơlah ƀon aơ dơi ndâk njêng tay, jêh ri mpêr ƀon păng dơi nkra ndâk đŏng, nanê̆ ngăn hađăch mra mâu hôm geh tâm n'gor mpeh nhâp nar dak krong Ơphrat đŏng ôh.”

Êsra 4:23

Hŏ lôch jêh răk samƀŭt nau ntrŭnh bơh hađăch Artasersês tanăp măt Y-Rêhum, kôranh nchih samƀŭt Y-Simsai jêh ri phung pah kan ndrel khân păng, pôri khân păng hăn ma nau ndal rlet ma phung ƀon lan Yuđa ta Yêrusalem, sŏk nau dơi ktang nchâp gay ăn khân păng rlu lơi kan rdâk.

Êsra 5:5

Ƀiălah Brah Ndu n'gang phung bu ranh phung Yuđa, yor ri khân păng mâu buay ôh nau rdâk kŏ tât nôk plơ̆ mbơh nau nây ma hađăch Darius, jêh ri hađăch ăn samƀŭt nau ntrŭnh ma nau kan nây.

Êsra 6:14

Pôri phung bu ranh phung Yuđa thoi đŏng ndâk ngih brah jêh ri nau kan ƀư dơi chăt hao, di nâm bu nau nơm mbơh lor Y-Hagai jêh ri nơm mbơh lor Y-Sakari, kon bu klâu Y-Idô. Khân păng ƀư lôch jêh nau kan ndâk ngih brah, tĭng nâm nau ntăm bơh Brah Ndu phung Israel jêh ri tĭng nau ntrŭnh bơh hađăch Persi jêng Y-Sirus, Darius, jêh ri Artasersês.

Êsra 6:4

geh pe mbor lŭ du nku jêh ri du mbor njon rkăng tơm si mhe. Rnoh prăk bu ƀư ngih nây mra sŏk tă bơh ntŭk prăp prăk tâm ngih hađăch ƀơk prăk nkhôm.

Êsra 6:7

Gay ăn ma phung kôranh mât uănh phung Yuđa jêh ri phung bu ranh khân păng ndâk nkra đŏng ngih brah ma Brah Ndu ta ntŭk ơm.

Êsra 6:9

Moh ntil ndơ khân păng ê hŏ geh tâm ban ndrôk nkuăng rah, biăp nkuăng mâu lah biăp kon, mâu lah ba ƀlê, boh, ndrănh, mâu lah dak ngi ôlive, dŏng ma ndơ ƀư brah gŭch nhhơr ma Brah Ndu, tĭng nâm nau phung kôranh ƀư brah gŭ ta ƀon Yêrusalem dăn đă, ăn hom ndơ nây ma khân păng bêng tŏng ăp nar,

Êsra 7:14

Gâp jêh ri pơh nuyh phung kơl nchră gâp prơh may hăn ôp sek uănh ma phung Yuđa jêh ri ma Yêrusalem tĭng nâm nau vay bơh Brah Ndu may geh tâm ti.

Nêhêmi 11:23

Geh đŏng nau ntrŭnh tă bơh hađăch tât ma phung mprơ, jêh ri lĕ tâm nal nau kan ăp nar ma khân păng.

Nêhêmi 2:8

Dăn ăn đŏng du pŏk samƀŭt ntrŭnh njuăl ma Y-Asap, nơm mât bri krŏng ma hađăch, gay ma păng ăn ma gâp tơm si ƀư meh mpông ƀon ta meng ngih brah jêh ri ƀư mpêr ƀon nđâp ngih ma gâp mra gŭ ta nây.” Yorlah ti ueh bơh Brah Ndu gâp kơl an gâp, hađăch ăn ro ma gâp lĕ nau nây.

Daniel 6:26

Gâp ăn samƀŭt nau ntrŭnh pô aơ ta lam ntŭk tâm ƀon bri hađăch gâp lĕ rngôch bunuyh mra yơk mbah jêh ri râm nsâr klach tanăp Brah Ndu Y-Daniel Yorlah Păng jêng Brah Ndu gŭ rêh mro mrăng Jêh ri hôm gŭ rêh n'ho ro. Ƀon bri hađăch Păng mâu blau rai lôch ôh, Nau Păng chiă uănh mra dŭt toyh mâu blau lôch ôh.

Ndrom Samƀŭt bơh Agê 2:8

‘Prăk jêng ndơ Gâp, mah jêng ndơ Gâp.’ Brah Yêhôva ma phung tahan lah pônây.