Êsra 6:20 - Nau Brah Ndu Ngơi 2023

²⁰ Lĕ rngôch phung kôranh ƀư brah jêh ri phung Lêvi, mâu klen du huê ôh, hŏ ƀư kloh jêh khân păng nơm. Jêh nây khân păng yorlah lĕ rngôch bunuyh lĕ tă bơh nau ƀư bu nă dơi sĭt jêh, yorlah phung kôranh ƀư brah, jêng băl mpôl khân păng nơm, jêh ri yor khân păng nơm, khân păng nkhĭt biăp kon rƀŭn Nau Găn.

Êsra 6:20 ပူးပေါင်းရင်းမြစ်များ

II Nau Rêh Jêng 29:34

Ƀiălah, phung kôranh ƀư brah ƀhôi ir, mâu tŏng gay n'huk ntâu lĕ rngôch mpa dŏng ma ndơ ƀư brah gŭch ôh. Pôri kŏ tât ntop tay phung kôranh ƀư brah lĕ ƀư kloh jêh khân păng nơm, phung oh nâu khân păng phung Lêvi kơl kan khân păng, tât lĕ kan dơi jêh yorlah phung Lêvi geh nuih n'hâm sŏng lơn ma phung kôranh ƀư brah tâm nau ƀư kloh khân păng nơm.

II Nau Rêh Jêng 35:11

Phung Lêvi nkhĭt mpa ƀư brah gay ƀư rƀŭn Nau Găn, jêh ri phung kôranh ƀư brah sŏk dơn mham tă bơh ti khân păng djôt nsrih mham nây, bi phung Lêvi doh n'huk ntâu mpa ƀư brah nây.

II Nau Rêh Jêng 35:14

Jêh nau nây, khân păng ndrăp nkra ma khân păng nơm jêh ri ma phung kôranh ƀư brah, yorlah lĕ rngôch phung kôranh ƀư brah, jêng kon sau Y-Arôn, gŭ pah kan nhhơr ndơ ƀư brah gŭch da dê jêh ri ngi kŏ tât măng. Yor nây, phung Lêvi ndrăp ma khân păng nơm jêh ri ma phung kôranh ƀư brah, jêng kon sau Y-Arôn.

II Nau Rêh Jêng 35:15

Phung mprơ jêng kon sau Y-Asap, gŭ ta ntŭk khân păng nơm da dê, tĭng nâm nau vay Y-Đavit, Y-Asap, Y-Hêman, jêh ri Y-Jêduthun nơm tâm saơ ma hađăch, hŏ ntăm. Phung chiă mpông pêr gŭ ta ăp mpông, mâu ŭch trơn ôh bơh kan khân păng, yorlah oh nâu khân păng jêng phung Lêvi, ndrăp nkra ndơ dŏng ăn khân păng.

Nau Ngluh Êjipt 12:21

Y-Môis jă lĕ rngôch kôranh bu ranh Israel tât jêh ri lah: “Hăn sŏk hom du mlâm biăp kon tĭng nâm rnăk vâl khân may jêh ri nkhĭt biăp nây ƀư rƀŭn Nau Găn.

ហេឞ្រើ 7:27

Păng mâu tâm ban ma phung kôranh ƀư brah toyh êng, Păng mâu hôm nhhơr mpa ƀư brah ăp nar, lor lơn ma nau tih khân păng nơm, jêh ri ma nau tih phung ƀon lan. Păng nhhơr Păng nơm jêng mpa ƀư brah knŏng du tơ̆ rĭng jêh.