Êsra 6:16 - Nau Brah Ndu Ngơi 2023

¹⁶ Phung ƀon lan Israel, phung kôranh ƀư brah, phung Lêvi, jêh ri lĕ rngôch phung êng lĕ plơ̆ sĭt tă ƀư bu nă, văch râng da dê nau rƀŭn nhhơr ngih brah ma Brah Ndu bêng ma nau hâk răm.

Êsra 6:16 ပူးပေါင်းရင်းမြစ်များ

I Phung Hađăch 8:62

Jêh nau nây, hađăch jêh ri lĕ rngôch phung Israel ndrel ma păng nhhơr lĕ mpa ƀư brah panăp Brah Yêhôva.

I Phung Hađăch 8:63

Y-Salômôn nhhơr mpa ƀư brah ma Brah Yêhôva, geh bar rmưn bar rbăn mlâm ndrôk jêh ri du rsen bar rmưn biăp nkuăng ƀư ndơ ƀư brah ma nau đăp mpăn. Pônây, hađăch jêh ri lĕ rngôch phung ƀon lan Israel nhhơr ngih brah ma Brah Yêhôva.

I Nau Rêh Jêng 15:28

Pôri, lĕ rngôch Israel njŭn leo Hip Nau Tâm Rnglăp Brah Yêhôva ma nau troh nter, ma bâr nŭng, bâr rgu dang nteh ăn huy ngăn nđâp ma bâr gong rêng jêh ri gong rêng loih.

I Nau Rêh Jêng 9:2

Phung plơ̆ sĭt lor ntơm saơm gŭ tay tâm lĕ drăp ndơn, tâm lĕ ƀon khân păng, jêng phung Israel, phung kôranh ƀư brah, phung Lêvi, jêh ri phung pah kan tâm ngih brah.

II Nau Rêh Jêng 29:30

Hađăch Hêsêkia jêh ri phung kôranh ntĭnh ma phung Lêvi mprơ tâm rnê ma Brah Yêhôva ma lĕ nau mprơ Y-Đavit jêh ri Y-Asap, nơm geh nau tâm saơ. Khân păng mprơ nau tâm rnê ma Kôranh Brah tâm nau răm maak, jêh ri khân păng chon mon yơk mbah.

II Nau Rêh Jêng 30:23

Lĕ rngôch phung tâm rƀŭn sŏk dơn djôt prăp nau rƀŭn ntop pơh nar, pôri khân păng răm maak djôt prăp nau rƀŭn ntop pơh nar đŏng.

II Nau Rêh Jêng 30:26

Pôri, tâm ƀon Yêrusalem răm maak ngăn ngên yơh, yorlah bơh rô̆ Y-Salômôn, kon bu klâu Y-Đavit, hađăch Israel, tât aƀaơ, ta ƀon Yêrusalem ê hŏ geh ôh nau maak nâm pônây.

II Nau Rêh Jêng 7:5

Hađăch Salômôn nhhơr bar rmưn bar rbăn mlâm ndrôk jêh ri du rsen bar rmưn biăp nkuăng. Pônây, hađăch jêh ri lĕ rngôch phung ƀon lan ƀư nau rƀŭn nhhơr ngih brah ma Brah Ndu.

Êsra 4:1

Tơlah phung rlăng đah phung Yuđa jêh ri phung Benjamin tăng lư ma phung tă ƀư bu nă lĕ sĭt jêh gŭ ndâk ngih brah ăn Yêhôva Brah Ndu phung Israel,

Êsra 6:22

Khân păng djôt prăp nau rƀŭn Piăng Let Mâu Geh Ndrui tâm pơh nar ma nau răm maak, yorlah Brah Yêhôva hŏ ƀư ăn nuih n'hâm khân păng hâk răm nôk rgâl nuih n'hâm hađăch Asiri, ƀư ăn hađăch kơl ma khân păng tâm nau ndâk ngih brah Brah Ndu, jêng Brah Ndu phung Israel.

Nêhêmi 12:27

Tâm nar nau rƀŭn nhhơr lĕ mpêr ƀon Yêrusalem, bu prơh bunuyh kuăl phung Lêvi gŭ lam ntŭk, gay leo khân păng hăn rlet ƀon Yêrusalem, gay râng nau rƀŭn nhhơr tâm nau hâk răm, geh nau tâm rnê jêh ri bâr mprơ tâm rnê nđâp ma bâr ching ndrup tâm nchâm, gong rêng jêh ri gong rêng kreh.

Nêhêmi 12:43

Tâm nar nây, khân păng nhhơr lĕ ndơ ƀư brah nau khư yơk jêh ri bêng nau răm maak, yorlah Brah Ndu ƀư ăn khân păng răm rhơn. Phung bu ur jêh ri kon se răm maak tâm ban lĕ. Nau răm maak tă bơh Yêrusalem bu tăng lư tât ntŭk ngai.

Nêhêmi 7:73

Pônây, phung kôranh ƀư brah, phung Lêvi, phung gak mpông pêr, phung mprơ, phung ƀaƀă êng jêh ri phung pah kan tâm ngih brah jêh ri lĕ rngôch phung Israel gŭ tâm ƀon khân păng nơm. Tât jêh khay pơh, phung kon sau Israel gŭ tâm ƀon khân păng nơm da dê.

Nêhêmi 8:10

Y-Nêhêmi lah ma khân păng: “Hăn hom sa ndơ rmŏng-ngi, nhêt dak njŭng jêh ri njuăl du kô̆ ndơ nây ma nơm bu mâu geh nkra ôh; yorlah nar aơ jêng nar prăp êng kloh ueh ma Kôranh Brah he. Lơi ta rngot klâng ôh, yorlah nau răm maak bơh Brah Yêhôva jêng nau ktang khân may.”

Nau Mprơ Ơm 122:1

Gâp maak tơlah bu lah ma gâp pô aơ: “Hăn hom he ta ngih Brah Yêhôva.”

Daniel 5:13

Rnôk nây, bu njŭn Y-Daniel tât tanăp hađăch. Hađăch lah ma Y-Daniel: “May hĕ jêng Y-Daniel, du huê tâm phung bu nă Yuđa mbơ̆ gâp hŏ nhŭp tă bơh n'gor bri Yuđa?

Yôhan 10:22

Nôk nây ta ƀon Yêrusalem geh rƀŭn nau ndray Nhhơr Ngih Brah. Nôk nây jêng yan sial puh,

Nau Vay Nkah Tay 12:7

Ta nây, tanăp muh măt Yêhôva Brah Ndu, khân may mra nhêt sa nđâp ma phung tâm vâl khân may jêh ri hâk răm ma lĕ rngôch kan ti khân may nơm ƀư, yor Yêhôva Brah Ndu hŏ ăn jêh nau ueh uĭn ma khân may.

Philip 4:4

Răm maak mro hom tâm Kôranh Brah, gâp lah tay đŏng: Răm maak hom!