Êsra 6:15 - Nau Brah Ndu Ngơi 2023

¹⁵ Ngih brah aơ dơi ƀư lôch jêh ta nar rơh pe khay Adar, tâm năm rơh prao rnôk rô̆ hađăch Darius.

Êsra 6:15 ပူးပေါင်းရင်းမြစ်များ

I Phung Hađăch 8:63

Y-Salômôn nhhơr mpa ƀư brah ma Brah Yêhôva, geh bar rmưn bar rbăn mlâm ndrôk jêh ri du rsen bar rmưn biăp nkuăng ƀư ndơ ƀư brah ma nau đăp mpăn. Pônây, hađăch jêh ri lĕ rngôch phung ƀon lan Israel nhhơr ngih brah ma Brah Yêhôva.

Êsra 4:24

Pônây nau kan rdâk ngih Brah Ndu ta ƀon Yêrusalem rlu hêng, kŏ tât năm rơh bar rnôk Darius, hađăch Persi, chiă uănh.

Êsra 5:16

Yor ri Y-Sêsbasar hăn tât Yêrusalem jêh ri ndâk njêng mbon ngih brah Brah Ndu. Ntơm bơh nôk nây tât aƀaơ, nau ndâk nkra ăt thoi đŏng, ƀiălah ê hŏ lôch ôh.

Êsra 9:9

Yorlah hên jêng phung ƀư dĭk, ƀiălah Brah Ndu hên mâu chalơi phung kon ôh tâm nau ƀư dĭk nây. Păng hŏ ăn jêh ma hên geh nau yô̆ tanăp măt phung hađăch n'gor Persi, ƀư ăn hên dơi rêh đŏng gay plơ̆ sĭt ndâk tay ngih brah ma Brah Ndu phung kon, nkra đŏng lĕ ntŭk hŏ rlâm jêh, jêh ri ăn ma hên du ntŭk gŭ đăp mpăn tâm n'gor Yuđa jêh ri ƀon Yêrusalem.

Êsther 3:13

Khân păng njuăl samƀŭt ma phung njŭn ma lĕ rngôch n'gor bri hađăch, ntăm gay ŭch ƀư rai, nkhĭt lơi, jêh ri ƀư roh lĕ rngôch phung Yuđa mâu gĭt bu ranh, mom ndăm, bu ur nđâp kon se, tâm du nar nây, jêng nar jât ma pe, khay jât ma bar jêng khay Adar jêh ri pit in lĕ ndô ndơ khân păng.

Êsther 3:7

Ta khay tal nguay jêng khay Nisan, tâm năm rơh jât ma bar tâm rnôk hađăch Asuêrus chiă uănh, bu nchroh Pur, nâm bu ntĭt nchroh n'hôr tĭng ăp nar ăp khay, tanăp măt Y-Haman. Chroh n'hôr di tâm khay jât ma bar, jêng khay Adar.

Êsther 8:12

Nau ntrŭnh nây dơi ƀư knŏng tâm du nar jêng nar jât ma pe khay jât ma bar, jêng khay Adar.

Êsther 9:1

Tâm khay jât ma bar jêng khay Ađar, ta nar jât ma pe khay nây, tơlah nau ntăm jêh ri samƀŭt nau ntrŭnh bơh hađăch dăch tât nar năng dơi ƀư, jêng nar phung rlăng tâm nal tŭn jot phung ƀon lan Yuđa, ƀiălah nau nây jêng tâm rgâl lơi, phung Yuđa geh nau dơi tŭn jot phung rlăng khân păng nơm.

Êsther 9:15

Phung Yuđa gŭ tâm ƀon Susa tâm rgum tâm ban lĕ ta nar jât ma puăn, khay Adar, jêh ri lơh nkhĭt tay pe rhiăng nuyh ƀon Susa; ƀiălah khân păng mâu pit in ôh drăp ndơ.

Êsther 9:17

Bu ƀư nau nây ta nar jât ma pe khay Adar. Tât nar jât ma puăn khay nây khân păng gŭ rlu jêh ri njêng jêng du nar sông sa răm maak.

Êsther 9:19

Yor nây, phung Yuđa, gŭ tâm lĕ rngôch ƀon jê̆, prăp nar jât ma puăn, khay Adar jêng du nar răm maak, jêh ri nhêt sông, du năng nar tâm njŭn ndơ sông sa ma ndrăng khân păng.

Êsther 9:21

gay ntĭnh khân păng djôt prăp nar jât ma puăn jêh ri nar jât ma prăm, khay Adar ăp năm.

Sakari 1:1

Tâm khay pham, năm tal bar rnôk rô̆ Y-Darius chiă uănh, geh nau Brah Yêhôva ngơi ma nơm mbơh lor Y-Sakari, kon bu klâu Y-Bêrêkia, sau Y-Idô, pô aơ:

Sakari 1:16

Yor nây, Brah Yêhôva lah: ‘Gâp mra plơ̆ yô̆ đŏng ma ƀon Yêrusalem. Ngih brah Gâp mra ndâk tay ta ntŭk nĕ, jêh ri rse veh di rnhuan mra nthăng tâm ƀon Yêrusalem.’ Brah Yêhôva ma phung tahan lah.

Sakari 4:9

“Ti Y-Sôrôƀaƀel hŏ ndâk jêh mbon ngih brah aơ, pôri ti păng đŏng mra ƀư lôch.” Jêh ri khân may mra gĭt Brah Yêhôva ma phung tahan hŏ njuăl gâp hăn tât ma khân may.