Êsra 6:12 - Nau Brah Ndu Ngơi 2023

¹² Dăn Brah Ndu, Nơm hŏ ƀư ăn jêh amoh Păng gŭ tâm ngih brah nây, mra ƀư rai lơi mbu moh hađăch, mâu lah mbu phung ƀon lan yơr ti ŭch rgâl lơi nau ntrŭnh aơ gay ƀư rai lơi ngih Brah Ndu ta Yêrusalem. Gâp jêng Darius ăn samƀŭt nau ntrŭnh aơ. Srôih hom ƀư ăn di nau aơ!”

Êsra 6:12 ပူးပေါင်းရင်းမြစ်များ

I Phung Hađăch 9:3

Brah Yêhôva lah ma păng pô aơ: “Gâp hŏ tăng jêh nau mbơh sơm jêh ri nau may ŭch dăn tanăp măt Gâp. Gâp prăp êng jêh ngih kloh ueh brah may hŏ ndâk, jêh ri dơm amoh Gâp ta nây n'ho ro. Măt jêh ri nuih n'hâm Gâp mra gŭ ta nây mro mrăng.

II Nau Rêh Jêng 7:16

yorlah aƀaơ aơ Gâp hŏ săch jêh ri ƀư kloh ueh ma ngih brah aơ gay ma amoh Gâp gŭ ta nây n'ho ro; măt jêh ri nuih n'hâm Gâp mra gŭ ta nây n'ho ro.

Êsra 6:13

Y-Tatênai, kôranh mât uănh n'gor đah ri dak krong, Y-Sêthar-Bôsênai jêh ri phung pah kan ndrel khân păng srôih ƀư nau ntrŭnh bơh hađăch Darius hŏ ntăm.

Êsra 6:14

Pôri phung bu ranh phung Yuđa thoi đŏng ndâk ngih brah jêh ri nau kan ƀư dơi chăt hao, di nâm bu nau nơm mbơh lor Y-Hagai jêh ri nơm mbơh lor Y-Sakari, kon bu klâu Y-Idô. Khân păng ƀư lôch jêh nau kan ndâk ngih brah, tĭng nâm nau ntăm bơh Brah Ndu phung Israel jêh ri tĭng nau ntrŭnh bơh hađăch Persi jêng Y-Sirus, Darius, jêh ri Artasersês.

Êsra 7:15

May mra djôt leo ndrel may mah jêh ri prăk hađăch jêh ri phung kơl nchră păng ŭch nhhơr ma Brah Ndu phung Israel, Nơm dôl gŭ ta Yêrusalem,

Êsra 7:17

May njrăng hom dŏng prăk aơ rvăt phung ndrôk nkuăng, biăp nkuăng, biăp kon, ndrel ma ndơ ƀư brah rnih môi, ndơ nhhơr nhêt gay nhhơr ta klơ nơng ƀư brah tâm ngih Brah Ndu khân may ta Yêrusalem.

Êsra 7:26

Tơlah geh bunuyh mâu ŭch tông ôh nau vay Brah Ndu may jêh ri nau vay hađăch, ăn khân may phat dôih ro ma păng, mâu lah ma nau khĭt, mâu lah ma nau ƀư dĭk, mâu lah sŏk lĕ rngôch drăp ndơ păng mâu lah krŭng.”

Êsther 8:14

Pôri phung djôt leo samƀŭt ncho seh prăl, jêng seh mpôl êng ngăn bu prăp ta ngih hađăch. Bu mbơh đŏng nau vay nây ta ƀon Susa.

Nau Mprơ Ơm 5:10

Ơ Brah Ndu, dăn rmal lơi khân păng! Ƀư rai lơi khân păng tâm nau khân păng tâm nchră; Dăn mprơh lơi khân păng yorlah bêng ma nau tih mhĭk, Yorlah khân păng hŏ ƀư jêh nau tâm rdâng đah May.

Nau Ngluh Êjipt 20:24

Ăn may ndâk ma Gâp nơng ƀư brah ma neh jêh ri ta klơ nây nhhơr ndơ ƀư brah gŭch, ndơ ƀư brah ma nau đăp mpăn, mâu lah biăp mâu lah ndrôk khân may. Ta ăp ntŭk Gâp mpơl amoh Gâp gay kah gĭt, Gâp mra văch jêh ri ăn nau ueh uĭn ma may.

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Êsai 60:12

Yorlah mbu ndŭl mpôl jêh ri ƀon bri hađăch Mâu ŭch tông bâr ma may mra rai lôch; Bu mra ƀư rai lơi phung ndŭl mpôl nây lĕ ƀhiau.

Apdia 1:10

Yor nau djơh mhĭk may hŏ ƀư jêh ma oh nâu may Y-Yakôb Nau prêng mra nkŭm may jêh ri bu mra ƀư rai may ƀaƀơ n'ho ro!

Kôranh Oh Mon 9:5

Păng ơh: “Ơ Kôranh Brah, mbu May?” Kôranh Brah lah: “Gâp jêng Brah Yêsu Nơm may ƀư djơh.

Nau Vay Nkah Tay 12:11

Nôk nây mra geh du ntŭk Yêhôva Brah Ndu khân may mra săch an gay amoh Păng gŭ ta nây jêh ri jêng ntŭk khân may mra njŭn lĕ rngôch ndơ gâp hŏ ntĭnh ma khân may tâm ban ndơ ƀư brah gŭch, lĕ mpa ƀư brah, tê̆ pi du kô̆ tâm jât, ndơ nhhơr yơr, jêh ri lĕ ndơ nhhơr ƀư nanê̆ nau ton bơh khân may ton nhhơr ma Brah Yêhôva.

Nau Vay Nkah Tay 12:5

Ƀiălah ăn khân may joi ntŭk Yêhôva Brah Ndu mra săch tă bơh ta nklang lĕ rngôch ndŭl mpôl khân may gay dơm amoh Păng, jêng ntŭk Păng gŭ jêh ri jêng ntŭk khân may mra hăn tât.

Nau Vay Nkah Tay 16:2

Ăn khân may nhhơr mpa ƀư brah rƀŭn Nau Găn ma Yêhôva Brah Ndu khân may, sŏk bơh tâm mpôl phung biăp, be mâu lah ndrôk ta ntŭk Yêhôva mra săch gay ma dơm amoh Păng ta nây.