Êsra 6:10 - Nau Brah Ndu Ngơi 2023

¹⁰ gay ăn khân păng nhhơr ndơ ƀư brah geh n'hôl ƀâu kah ma Brah Ndu klơ trôk, jêh ri mbơh sơm ma gâp nđâp phung kon bu klâu hađăch dơi rêh jŏ năm.

Êsra 6:10 ပူးပေါင်းရင်းမြစ်များ

Nau Ntơm 8:21

Brah Yêhôva maak dơn nau n'hôl ƀâu kah jêh ri mĭn êng: “Gâp mâu mra rtăp rak neh ntu đŏng ôh yor ma phung bunuyh, nđâp lah nau mĭn phung bunuyh djơh mhĭk ntơm bơh păng hôm mom. Gâp mâu mra ƀư rai đŏng ôh lĕ rngôch mpa rêh tâm ban ma Gâp hŏ ƀư jêh.

Êsra 1:2

“Y-Sirus, hađăch Persi, lah: ‘Brah Yêhôva, Brah Ndu klơ lĕ ndâr trôk, ăn jêh lĕ rngôch bri dak lam ta neh ntu jêh ma gâp, jêh ri Păng nơm yơh hŏ ntăm jêh ma gâp ndâk ăn Păng du rplay ngih brah ta ƀon Yêrusalem, tâm n'gor Yuđa.

Êsra 6:9

Moh ntil ndơ khân păng ê hŏ geh tâm ban ndrôk nkuăng rah, biăp nkuăng mâu lah biăp kon, mâu lah ba ƀlê, boh, ndrănh, mâu lah dak ngi ôlive, dŏng ma ndơ ƀư brah gŭch nhhơr ma Brah Ndu, tĭng nâm nau phung kôranh ƀư brah gŭ ta ƀon Yêrusalem dăn đă, ăn hom ndơ nây ma khân păng bêng tŏng ăp nar,

Êsra 7:23

Ăp moh nau Brah Ndu klơ trôk ntăm nti ma ngih brah Păng, njrăng hom ƀư ma nau srôih, klach lah nau ji nuih Păng ƀư tŭp ma bri dak hađăch jêh ri ma phung kon bu klâu hađăch.

Nau Ngluh Êjipt 12:32

Djôt leo nđâp phung biăp jêh ri phung mpa rong khân may hăn luh tĭng nâm khân may hŏ lah jêh, jêh ri ăn nau ueh uĭn ma gâp đŏng.”

Yêrêmi 29:7

Joi hom nau ndrŏng ăn ma ƀon toyh ntŭk Gâp prơh hăn khân may jêng bu nă. Mbơh sơm hom ma Brah Yêhôva kơl ăn ma ƀon nây, yor nau ndrŏng păng jêng nau ndrŏng khân may.’”

Daniel 2:46

Rnôk nây, hađăch Y-Nêbukatnetsar păn muh măt mbah ma Y-Daniel jêh nây ntăm đă djôt ndơ nhhơr jêh ri ndơ ƀâu kah ma Y-Daniel.

Kan Lêvi 1:13

Ăn nơm nây ăt sŏk dak rao proch khŭng jêh ri jâng, jêh nây kôranh ƀư brah djôt lĕ rngôch ndơ nây gŭch ta klơ nơng ƀư brah. Nĕ jêng ndơ ƀư brah gŭch, jêng mpa ƀư brah ăn ŭnh sa, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 1:9

Nơm nhhơr ndơ nây mra rao proch khŭng jêh ri jâng păng ma dak, jêh ri kôranh ƀư brah mra gŭch lĕ ndơ nây ta klơ nơng ƀư brah. Nĕ jêng ndơ ƀư brah gŭch, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Êphêsô 5:2

Hăn hom tâm nau rŏng nâm bu Brah Krist rŏng jêh ma he, Păng jao săk jăn Păng yor he, nâm bu du ndơ nhhơr jêh ri mpa ƀư brah n'hôl ƀâu kah nhhơr ma Brah Ndu.