Êsra 5:8 - Nau Brah Ndu Ngơi 2023

⁸ Hên ăn hađăch gĭt pô aơ hên hŏ hăn jêh tâm n'gor Yuđa jêh ri tât ta ngih Brah Ndu dŭt toyh. Phung Yuđa ndâk ngih brah nây ma lŭ du nku jêh ri bu lĕ krĭp n'hao rkăng mpir jêh. Nau kan ƀư nanê̆ ngăn jêh ri gơih nđơr hao jêng tă ti khân păng.

Êsra 5:8 ပူးပေါင်းရင်းမြစ်များ

Êsra 2:1

Aơ jêng phung gŭ tâm n'gor Yuđa, jêng phung Y-Nêbukatnetsar, hađăch Babilôn, hŏ veng leo jêng bu nă ta Babilôn. Khân păng plơ̆ sĭt ma Yêrusalem jêh ri n'gor Yuđa, ăp nơm sĭt ta ƀon khân păng nơm.

Êsra 5:7

Nau tâm samƀŭt nây nchih pô aơ: “Nchih njuăl ma hađăch Darius geh nau đăp mpăn!

Êsra 5:9

Hên ôp ma phung bu ranh nây pô aơ: ‘Mbu moh ăn nau ntrŭnh ma khân may ndâk ngih brah aơ jêh ri mpêr ƀon aơ?’

Êsra 6:10

gay ăn khân păng nhhơr ndơ ƀư brah geh n'hôl ƀâu kah ma Brah Ndu klơ trôk, jêh ri mbơh sơm ma gâp nđâp phung kon bu klâu hađăch dơi rêh jŏ năm.

Êsra 6:4

geh pe mbor lŭ du nku jêh ri du mbor njon rkăng tơm si mhe. Rnoh prăk bu ƀư ngih nây mra sŏk tă bơh ntŭk prăp prăk tâm ngih hađăch ƀơk prăk nkhôm.

Êsra 7:23

Ăp moh nau Brah Ndu klơ trôk ntăm nti ma ngih brah Păng, njrăng hom ƀư ma nau srôih, klach lah nau ji nuih Păng ƀư tŭp ma bri dak hađăch jêh ri ma phung kon bu klâu hađăch.

Nêhêmi 11:3

Pakơi aơ jêng phung kôranh chiă uănh tâm n'gor gŭ ta ƀon Yêrusalem (tâm nôk phung ƀaƀă Israel, phung kôranh ƀư brah, phung Lêvi, phung pah kan ta ngih brah jêh ri phung kon sau phung oh mon Y-Salômôn gŭ da dê tâm n'gor ƀon khân păng nơm ta lĕ ƀon êng bơh Yuđa.

Nêhêmi 7:6

Aơ jêng lĕ phung dơi plơ̆ sĭt tâm n'gor Yuđa tă bơh ntŭk ƀư bu nă, nâm bu ntĭt phung mpôl hađăch Nêbukatnetsar nhŭp leo ƀư bu nă ta Babilôn, aƀaơ khân păng plơ̆ sĭt ma Yêrusalem jêh ri n'gor Yuđa, ăp nơm plơ̆ sĭt ta ƀon khân păng.

Êsther 1:1

Aơ jêng nau tât geh tâm rnôk Y-Asuêrus jêng hađăch, nơm chiă uănh du rhiăng bar jât ma pơh n'gor ntơm bơh bri India tât ma bri Êthiôpi.

Êsther 1:22

Hađăch njuăl samƀŭt ntrŭnh nau ăn ma lĕ rngôch n'gor bri hađăch, tĭng nâm rplay samƀŭt nchih jêh ri nau ngơi tâm ăp n'gor jêh ri ăp ntil mpôl bunuyh, jêh ri lah ma ăp nơm bu klâu jêng kôranh tâm ngih vâl păng nơm jêh ri ntăm nti tĭng nâm nau ngơi me deh.

Nau Mprơ Ơm 145:3

Brah Yêhôva jêng dŭt toyh jêh ri khư ma nau tâm rnê; Nau dŭt toyh Păng mâu dơi veh ôh.

Daniel 2:47

Hađăch lah ma Y-Daniel, “N'hêl nanê̆, Brah Ndu khân may jêng Brah Ndu ma phung brah, jêng Kôranh Brah ma phung hađăch, jêng Nơm tâm mpơl lĕ nau ndâp, yor bơh Păng may dơi tâm mpơl lĕ nau ndâp aơ.”

Daniel 3:26

Jêh nây hađăch Nêbukatnetsar hăn dăch bôk mpông năk ŭnh hit jêh ri kuăl nteh huy: “Hơi Y-Sadrak, Y-Mêsăk, jêh ri Y-Abetnêgô, jêng oh mon Brah Ndu Dŭt Prêh, luh hom jêh ri văch ta aơ!” Y-Sadrak, Y-Mêsăk jêh ri Y-Abetnêgô luh ro tă bơh ŭnh năk.

Daniel 4:2

Gâp maak ngăn dơi tâm mpơl ăn ma khân may lĕ nau mbên khlay ngăn Brah Ndu Dŭt Klơ Lơn ƀư jêh ma gâp.

Daniel 6:26

Gâp ăn samƀŭt nau ntrŭnh pô aơ ta lam ntŭk tâm ƀon bri hađăch gâp lĕ rngôch bunuyh mra yơk mbah jêh ri râm nsâr klach tanăp Brah Ndu Y-Daniel Yorlah Păng jêng Brah Ndu gŭ rêh mro mrăng Jêh ri hôm gŭ rêh n'ho ro. Ƀon bri hađăch Păng mâu blau rai lôch ôh, Nau Păng chiă uănh mra dŭt toyh mâu blau lôch ôh.

Nau Vay Nkah Tay 10:17

yorlah Yêhôva Brah Ndu khân may jêng Brah Ndu ma phung brah jêh ri Kôranh Brah ma phung kôranh, jêng Brah Ndu toyh, bêng nau brah jêh ri ăn geh nau klach yơk, jêng Nơm mâu ôh tĭng du dĭng, jêh ri mâu dơn ôh drăp tâm blŏl.

Nau Vay Nkah Tay 32:31

Phung rlăng he nơm mra sŏk dơn Lŭ toyh khân păng mâu dơi tâm rđĭl đah Lŭ Toyh he ôh.