Êsra 5:6 - Nau Brah Ndu Ngơi 2023

⁶ Aơ jêng pŏk samƀŭt kơt nchih bơh samƀŭt Y-Tatênai, kôranh chiă uănh n'gor mpeh đah ri dak krong, Y-Sêthar-Bôsênai, jêh ri phung pah kan ndrel ma khân păng, phung Aphatsac, mbơh ma hađăch Darius.

Êsra 5:6 ပူးပေါင်းရင်းမြစ်များ

Êsra 4:11

Aơ jêng samƀŭt kơt nchih tă bơh samƀŭt khân păng hŏ njuăl jêh ma hađăch Artasersês: “Phung oh mon may, gŭ tâm n'gor mpeh nhâp nar dak krong Ơphrat, mbah hađăch Artasersês.

Êsra 4:23

Hŏ lôch jêh răk samƀŭt nau ntrŭnh bơh hađăch Artasersês tanăp măt Y-Rêhum, kôranh nchih samƀŭt Y-Simsai jêh ri phung pah kan ndrel khân păng, pôri khân păng hăn ma nau ndal rlet ma phung ƀon lan Yuđa ta Yêrusalem, sŏk nau dơi ktang nchâp gay ăn khân păng rlu lơi kan rdâk.

Êsra 4:9

“Kôranh toyh tahan Y-Rêhum, kôranh nchih samƀŭt Y-Simsai jêh ri lĕ rngôch phung băl khân păng pah kan ndrel, jêng phung Đinit, phung Aphatsathit, phung Tatbêlit, phung Aphatsit, phung Atkêvit, phung Babilôn, phung Susa, phung Đêhavit, phung Êlam,

Êsra 5:3

Tâm rnôk nây, Y-Tatênai, kôranh chiă uănh n'gor mpeh đah ri dak krong, Y-Sêthar-Bôsênai, jêh ri phung pah kan ndrel ma khân păng, hăn joi phung Yuđa, gay lah ma khân păng: “Mbu moh ăn nau ntrŭnh aơ ma khân may dơi ndâk tay du mlâm ngih brah aơ jêh ri mpêr ƀon aơ?”

Êsra 5:7

Nau tâm samƀŭt nây nchih pô aơ: “Nchih njuăl ma hađăch Darius geh nau đăp mpăn!

Êsra 6:6

“Pôri aƀaơ, hơi Y-Tatênai, kôranh chiă uănh tâm n'gor đah ri dak krong, hơi Y-Sêthar-Bôsênai, jêh ri phung pah kan ndrel phung Aphatsak ta đah ri dak krong, ăn khân may du ngai tă bơh ntŭk nây, lơi geh kơl an tâm nau kan rdâk ngih brah Brah Ndu.

Êsra 8:36

Khân păng jao samƀŭt nau ntrŭnh bơh hađăch ma phung kôranh n'gor jêh ri ma phung kôranh mât uănh hađăch gŭ mpeh đah ri dak krong. Phung nây kâp kơl phung ƀon lan jêh ri kan ngih brah Brah Ndu.