Êsra 5:2 - Nau Brah Ndu Ngơi 2023

² Y-Sôrôƀaƀel, kon bu klâu Y-Sêaltiêl, jêh ri Y-Jêsua, kon bu klâu Y-Jôsadak, mhe tăng nau ngơi Kôranh Brah mbơh nkoch, khân păng ro ntơm ndâk ngih Brah Ndu ta ƀon Yêrusalem, ndrel ma nau kơl bơh phung nơm mbơh lor Brah Ndu.

Êsra 5:2 ပူးပေါင်းရင်းမြစ်များ

Êsra 1:8

Y-Sirus, hađăch Persi, mbơh ma Y-Mirêdat, kôranh djôt prăk, sŏk lĕ rngôch ndơ dŏng nây, kơp jêh ri jao ma Y-Sêsbasar, kôranh mât uănh phung Yuđa.

Êsra 10:18

Tâm noi phung kôranh ƀư brah ăt geh phung hŏ nsông jêh ur bu năch. Tâm noi deh Y-Jêsua, kon Y-Jôsadak, jêh ri tâm phung oh mâu păng geh Y-Maseya, Y-Êliêser, Y-Jarip jêh ri Y-Gêdalia.

Êsra 3:2

Rnôk nây, Y-Jêsua, kon bu klâu Y-Jôsadak, jêh ri phung oh nâu păng jêng kôranh ƀư brah êng, ndrel ma Y-Sôrôƀaƀel, kon bu klâu Y-Sêaltiêl jêh ri phung mpôl băl păng, dâk hăn gay ndâk nkra nơng ƀư brah Brah Ndu phung Israel, gay nhhơr ndơ ƀư brah gŭch ta klơ nơng nây, tĭng nâm nau nchih jêh tâm nau vay Y-Môis, jêng bunuyh Brah Ndu.

Êsra 3:8

Khay bar năm rơh bar, tơlah khân păng tât jêh ta ngih Brah Ndu ta Yêrusalem, Y-Sôrôƀaƀel, kon bu klâu Y-Sêaltiêl, jêh ri Y-Jêsua, kon bu klâu Y-Jôsadak, ndrel ma lĕ rngôch phung oh nâu khân păng ƀaƀă, jêng phung kôranh ƀư brah, phung Lêvi, nđâp ma lĕ rngôch phung tă bơh nau ƀư bu nă hŏ plơ̆ sĭt ta Yêrusalem, ntơm pah kan ndâk ngih brah. Khân păng dơm kan ma phung Lêvi, ntơm bơh bar jât năm klơ, ăn khân păng mât uănh nau pah kan ndâk ngih brah Brah Yêhôva.

Êsra 6:14

Pôri phung bu ranh phung Yuđa thoi đŏng ndâk ngih brah jêh ri nau kan ƀư dơi chăt hao, di nâm bu nau nơm mbơh lor Y-Hagai jêh ri nơm mbơh lor Y-Sakari, kon bu klâu Y-Idô. Khân păng ƀư lôch jêh nau kan ndâk ngih brah, tĭng nâm nau ntăm bơh Brah Ndu phung Israel jêh ri tĭng nau ntrŭnh bơh hađăch Persi jêng Y-Sirus, Darius, jêh ri Artasersês.

Ndrom Samƀŭt bơh Agê 2:18

Aƀaơ aơ, mĭn rvê hom, ntơm bơh nar aơ let panăp, nây jêng ntơm bơh nar bar jât ma puăn khay sĭn, nar ƀư mbon ngih Brah Yêhôva, mĭn rvê hom ma nau nây!

Sakari 4:14

Tông mpăr lah: “Nây jêng bar hê bunuyh hŏ tŏ dak ngi gay ma pah kan ăn ma Kôranh Brah tâm lĕ neh ntu.”

Sakari 4:4

Nôk nây, gâp ôp tông mpăr dôl ngơi đah gâp: “Hơi kôranh gâp, moh nau bu ntĭt nau aơ?”

Sakari 6:11

Ăn may sŏk dơn prăk jêh ri mah nây ƀư du mlâm đon hađăch, jêh ri ndô klơ bôk kôranh ƀư brah toyh lơn Y-Yôsuê, kon bu klâu Y-Jêhôsadak.

Sakari 8:9

Brah Yêhôva ma phung tahan lah: “Tâm nar aơ, khân may jêng phung gŭ iăt lĕ nau ngơi tă bơh bâr mbung phung nơm mbơh lor, tâm nar jây Brah Yêhôva ma phung tahan, nâm bu ntĭt ngih brah, gay ƀư mbon ndâk njêng, pôri ăn khân may ƀư hom ma ti khân may nơm dơi dăng!

II Kôrintô 1:24

Mâu di hên ŭch nkân ma nau chroh khân may ôh, ƀiălah hên ŭch ndrel ndâk njêng nau maak ma khân may, yorlah khân may hŏ dâk nâp tâm nau chroh.