Êsra 5:14 - Nau Brah Ndu Ngơi 2023

¹⁴ Hađăch Y-Sirus sŏk tay tă bơh ngih brah Babilôn lĕ rngôch ngan grưng ma mah jêh ri prăk ngih Brah Ndu, lĕ ndơ nây Nêbukatnetsar sŏk nchuăn lơi tă bơh ngih brah tâm ƀon Yêrusalem jêh ri djôt leo ndơ nây prăp tâm ngih brah Babilôn. Hađăch jao lĕ ndơ nây ma Y-Sêsbasar, jêng nơm kôranh chiă uănh.’

Êsra 5:14 ပူးပေါင်းရင်းမြစ်များ

II Nau Rêh Jêng 36:18

Lĕ rngôch ndơ dŏng jê̆ toyh tâm ngih Brah Ndu, lĕ drăp ndơ khlay ngih Brah Yêhôva, drăp ndơ hađăch, jêh ri phung kôranh păng, lĕ rngôch djôt leo ma Babilôn da dê.

II Nau Rêh Jêng 36:7

Y-Nêbukatnetsar sŏk lĕ ndơ dŏng bơh ngih Brah Yêhôva djôt leo ma ƀon Babilôn, jêh ri dơm ndơ nây tâm ntŭk yơk mbah ta ƀon Babilôn.

Êsra 5:15

Păng lah ma păng: ‘Sŏk hom lĕ ndơ dŏng aơ dơm tâm ngih brah ta ƀon Yêrusalem, jêh ri ăn bu ndâk nkra đŏng ngih Brah Ndu ta ntŭk ơm.’

Êsra 5:16

Yor ri Y-Sêsbasar hăn tât Yêrusalem jêh ri ndâk njêng mbon ngih brah Brah Ndu. Ntơm bơh nôk nây tât aƀaơ, nau ndâk nkra ăt thoi đŏng, ƀiălah ê hŏ lôch ôh.

Êsra 6:5

Lĕ ndơ dŏng ma mah jêh ri prăk bơh ngih Brah Ndu, ndơ nây Y-Nêbukatnetsar lĕ sŏk jêh tă bơh tâm ngih brah ta Yêrusalem jêh ri djôt leo tât ma Babilôn, pôri aƀaơ mplơ̆ sĭt lơi ma ngih brah ta Yêrusalem jêh ri dơm ndơ nây ta ntŭk ơm tâm ngih Brah Ndu.’”

Êsra 7:27

Y-Êsra lah: “Tâm rnê ma Yêhôva Brah Ndu chô yau hên, jêng Nơm hŏ dơm nau aơ tâm nuih n'hâm hađăch gay nkrơ̆ ngih brah Brah Yêhôva ta Yêrusalem,

Nau Hôr 21:1

Nuih n'hâm hađăch tâm ti Brah Yêhôva nâm bu n'hor dak hoch; Păng ŭch ƀư nkêng nkăng ntŭk mpeh tĭng nau Păng ŭch.

Yêrêmi 52:19

Kôranh phung tahan gak sŏk đŏng lĕ ƀhiau kachok, khăl gŭch ƀâu kah, ngan grưng, glah, jâng kađen, ngan jam nhhơr ndơ ƀâu kah, jêh ri khăl. Moh ndơ bu ƀư ma mah sŏk mah, moh ndơ bu ƀư prăk sŏk prăk.

Ndrom Samƀŭt bơh Agê 1:1

Tâm nar năng nguay khay prao, năm rơh bar, rnôk hađăch Darius, geh nau Brah Yêhôva lah ta nơm mbơh lor Y-Agê ma Y-Sôrôƀaƀel kon bu klâu Y-Sêaltiêl, kôranh chiă uănh n'gor Yuđa, jêh ri ma Y-Yôsuê kon bu klâu Y-Jêhôsadak, kôranh ƀư brah toyh lơn, kơt aơ:

Ndrom Samƀŭt bơh Agê 1:14

Jêh nây Brah Yêhôva ntrôl nuih n'hâm kôranh chiă uănh n'gor Yuđa jêng Y-Sôrôƀaƀel, kon bu klâu Y-Sêaltiêl, nuih n'hâm Y-Yôsuê kôranh ƀư brah toyh lơn, kon bu klâu Y-Jêhôsadak, jêh ri nuih n'hâm lĕ rngôch phung ƀon lan hôm e klen. Khân păng văch pah kan da dê ta ntŭk ngih Brah Yêhôva ma phung tahan, jêng Brah Ndu khân păng.

Ndrom Samƀŭt bơh Agê 2:2

“Ôp hom ma kôranh chiă uănh n'gor Yuđa jêng Y-Sôrôƀaƀel, kon bu klâu Y-Sêaltiêl, jêh ri Y-Yôsuê kôranh ƀư brah toyh lơn, kon bu klâu Y-Jêhôsadak, nđâp ma lĕ rngôch phung ƀon lan hôm e klen, pô aơ:

Ndrom Samƀŭt bơh Agê 2:21

“Ngơi hom ma kôranh chiă uănh n'gor Yuđa, jêng Y-Sôrôƀaƀel pô aơ: ‘Gâp mra ƀư n'găr trôk jêh ri neh ntu,

Kôranh Oh Mon 13:12

Kôranh n'gor saơ nau tât nây chroh ro, yor păng hih rhâl ngăn ma nau nti tă bơh Kôranh Brah.