Êsra 5:12 - Nau Brah Ndu Ngơi 2023

¹² Ƀiălah phung chô yau hên nsônh nau ji nuih Brah Ndu, yor ri Păng jao khân păng tâm ti Y-Nêbukatnetsar, hađăch Babilôn, jêng phung Kaldê. Hađăch nây ƀư rai ngih brah aơ jêh ri veng phung ƀon lan leo tât ta Babilôn.

Êsra 5:12 ပူးပေါင်းရင်းမြစ်များ

II Phung Hađăch 24:2

Brah Yêhôva ƀư ăn âk phung tahan Kaldê, Aram, Môap jêh ri phung tahan Ammôn văch lơh jêh ri ƀư rai n'gor Yuđa, tĭng nâm nau Brah Yêhôva ngơi lor ma bâr mbung phung nơm mbơh lor jêng phung oh mon Păng.

II Phung Hađăch 25:1

Tâm năm rơh sĭn rnôk rô̆ hađăch Sêdêkia chiă uănh, lơ jât khay jât, Nêbukatnetsar, hađăch Babilôn, ndrel ma lĕ rngôch phung tahan hăn văch tâm lơh ƀon Yêrusalem. Hađăch ƀư pôih rmlak tanăp ƀon nây jêh ri ntâk ntŭk tâm lơh văr jŭm ƀon nây.

II Nau Rêh Jêng 36:20

Đơ phung hôm klen bu nkhĭt ma đao, bu nhŭp lĕ rngôch djôt leo njêng bu nă tâm bri Babilôn, jêh ri khân păng jêng dĭk ma păng jêh ri ma kon sau păng, kŏ tât rnôk bu ndâk ƀon bri hađăch Persi.

Nau Mprơ Ơm 106:40

Yor nây, nau Brah Yêhôva hao ji nuih ma phung ƀon lan Păng, Păng tâm rmot ngăn ma drăp ndơn Păng.

Êsai 47:6

Gâp hŏ hao ji nuih ma phung ƀon lan Gâp, Ƀư ƀơ̆ drăp ndơn Gâp Jêh ri jao jêh khân păng tâm ti may. Ƀiălah may mâu mâp yô̆ ôh ma khân păng; May hŏ dơm jêh ta klơ bunuyh ranh Du mlâm mbăk mâng jâk ngăn

Yêrêmi 5:29

Brah Yêhôva lah: “Gâp mâu mra tâm rmal hĕ khân păng ma nau tih nây? Du ndŭl mpôl nâm bu pônây Gâp mâu plơng bôk hĕ?

Yêrêmi 51:59

Aơ jêng nau ngơi nơm mbơh lor Y-Yêrêmi ntĭnh ma Y-Sêraya, kon bu klâu Y-Nêria, sau Y-Mahseya, lah păng hăn tât bri Babilôn ndrel ma Y-Sêdêkia, hađăch bri Yuđa, tâm năm rơh puăn păng chiă uănh. Rnôk nây Y-Sêraya jêng kôranh toyh.

Yêrêmi 52:12

Tâm nar jât khay prăm, năm rơh jât ma sĭn Y-Nêbukatnetsar chiă uănh, hađăch Babilôn, Y-Nêbusaradan kôranh phung tahan gak, gŭ êp hađăch Babilôn, lăp tâm ƀon Yêrusalem.

Daniel 9:5

Hên hŏ geh nau tih jêh, ƀư nau tih, gŭ ngao djơh mhĭk, hên tâm rdâng, chalơi đah lĕ nau vay ntăm jêh ri nau vay ƀư bơh May.

Nau Vay Nkah Tay 31:17

Tâm nar nây, Gâp mra ji nuih ma khân păng. Gâp mra chalơi khân păng jêh ri pôn muh măt Gâp ma khân păng, bu mra kăp rvăn khân păng kđôi jêh ri âk ntil nau mhĭk, nau uh ah tât ma khân păng. Tâm nar nây, khân păng mra lah: ‘Mâu di hĕ nau mhĭk aơ tât ma gâp yorlah Brah Ndu mâu ŭch gŭ ta nklang gâp mâu?’

Nau Vay Nkah Tay 32:30

Mâm ƀư du huê dơi mprơh du rbăn nuyh, Jêh ri bar hê ƀư ma jât rbăn nuyh nchuăt du, Tơlah Lŭ Toyh mâu tăch ôh khân păng, Jêh ri Brah Yêhôva mâu ôh jao khân păng?

Phung Kôranh Phat Dôih 2:14

Pônây Brah Yêhôva ji nuih ngăn ma phung Israel. Păng jao khân păng tâm ti phung pit in gay phung nây sŏk lĕ ndơ khân păng. Păng tăch phung Israel ma phung rlăng gŭ văr jŭm khân păng jêh ri phung Israel mâu hôm dơi ôh tâm rđâng đah phung rlăng khân păng.

Phung Kôranh Phat Dôih 4:2

Yor ri, Brah Yêhôva tăch khân păng ma Y-Jabin, jêng hađăch Kanaan, nơm chiă uănh ta Hasôr. Kôranh chiă uănh toyh tahan Y-Jabin jêng Y-Sisêra gŭ ta Harôset phung bu năch.

Phung Kôranh Phat Dôih 6:1

Phung ƀon lan Israel ƀư nau mhĭk tanăp măt Brah Yêhôva rĭ dĭng Brah Yêhôva jao khân păng tâm ti phung Madian tâm pơh năm.