Êsra 5:11 - Nau Brah Ndu Ngơi 2023

¹¹ Khân păng plơ̆ lah kơt aơ: ‘Hên jêng phung oh mon Brah Ndu, Kôranh Brah ma trôk jêh ri neh ntu. Hên dôl ndâk nkra đŏng ngih brah aơ, hŏ jŏ năm jêh lor panăp nơh, geh du huê hađăch toyh Israel hŏ ndâk njêng jêh ri ƀư lôch jêh.

Êsra 5:11 ပူးပေါင်းရင်းမြစ်များ

Nau Ntơm 24:3

Gâp ŭch may sŏk amoh Brah Yêhôva, jêng Brah Ndu ma trôk jêh ri ma neh ntu, ăn may ton pô aơ may mâu mra sŏk ôh ur ma kon bu klâu gâp bơh phung kon bu ur phung Kanaan, ntŭk gâp gŭ aƀaơ aơ,

I Phung Hađăch 6:38

Tât năm jât ma nguay, di tâm khay Bul, ntĭt jêng khay rơh pham, nau mbor kan ndâk njêng ngih brah nây ƀư lôch jêh di tĭng nâm lĕ kô̆ tâm rup bu hŏ nchih jêh ri nau veh jêh. Y-Salômôn hŏ ndâk ngih brah nây tâm pơh năm.

I Phung Hađăch 9:10

Lôch bar jât năm hŏ ndâk jêh bar mlâm ngih, ngih Brah Yêhôva jêh ri ngih hađăch,

Êsra 5:10

Tâm ban lĕ hên ôp amoh săk khân păng gay mbơh ăn hađăch gĭt amoh lĕ phung chiă uănh khân păng.

Nau Mprơ Ơm 119:46

Gâp mra nkoch mbơh nau ntĭnh bơh May tanăp phung hađăch Ƀiălah gâp mâu bêk ôh.

Nau Mprơ Ơm 136:26

Tâm rnê lah ueh hom ma Brah Ndu tâm lĕ ndâr trôk! Yor nuih n'hâm ueh Păng hôm tât n'ho ro.

Daniel 3:26

Jêh nây hađăch Nêbukatnetsar hăn dăch bôk mpông năk ŭnh hit jêh ri kuăl nteh huy: “Hơi Y-Sadrak, Y-Mêsăk, jêh ri Y-Abetnêgô, jêng oh mon Brah Ndu Dŭt Prêh, luh hom jêh ri văch ta aơ!” Y-Sadrak, Y-Mêsăk jêh ri Y-Abetnêgô luh ro tă bơh ŭnh năk.

Yônais 1:9

Păng plơ̆ lah: “Gâp jêng du huê Hêbrơ jêh ri gâp klach yơk ma Brah Yêhôva jêng Brah Ndu klơ trôk, Păng hŏ njêng jêh dak mƀŭt jêh ri neh sơh.”

Mathay 10:32

Yor nây, mbu nơm mbơh Gâp tanăp lĕ rngôch bunuyh, Gâp ăt mra mbơh bunuyh nây tanăp Mbơ̆ Gâp tâm trôk;

Luka 12:8

Gâp đă ma khân may, mbu nơm mbơh Gâp tanăp lĕ rngôch bunuyh, Kon Bunuyh ăt mra mbơh bunuyh nây tanăp phung tông mpăr Brah Ndu.

Kôranh Oh Mon 27:23

Yorlah măng ndơh, geh du huê tông mpăr Brah Ndu, Nơm gâp jêng bunuyh ma Păng jêh ri pah kan, tâm mpơl ma gâp jêh ri lah:

Samƀŭt Pôl Njuăl Ăn Ma Phung Nsing Ta Ƀon Rôm 1:16

Nanê̆, gâp mâu bêk prêng ôh ma Nau Mhe Mhan Ueh, yorlah aơ jêng nau brah Brah Ndu gay ma rklaih lĕ rngôch bunuyh chroh, lor lơn jêng phung Yuđa, pakơi jêng phung Grek.

Samƀŭt Pôl Njuăl Ăn Ma Phung Nsing Ta Ƀon Rôm 6:16

Khân may mâu gĭt hĕ tơlah khân may djôt leo săk jăn khân may nơm jêng dĭk gay tông bâr ma du huê bunuyh khân may hŏ jêng jêh dĭk ma bunuyh khân may tông bâr lĕ ƀơh? Mâu lah ƀư dĭk nau tih njŭn leo ma nau khĭt, mâu lah ƀư dĭk ma nau tông bâr njŭn leo ma nau sŏng srăng.

Galati 6:14

Bi ma gâp, gâp mâu ngơi ntưih ma moh ntil êng ôh, knŏng si tâm rkăng Kôranh Brah he jêng Brah Yêsu Krist. Yor si tâm rkăng nây, ma gâp neh ntu geh nau pâng kđĭn, jêh ri ma neh ntu gâp tâm ban lĕ.

Yôsuê 24:15

Tơlah khân may mâu ŭch pah kan ma Brah Yêhôva ôh, nar aơ săch hom ma mbu nơm khân may ŭch pah kan, mâu lah phung brah phung chô yau khân may hŏ pah kan jêh ta kơh đah ri dak krong, mâu lah brah phung Amôrit tâm bri khân may gŭ. Ƀiălah gâp jêh ri phung tâm ngih gâp mra pah kan ma Brah Yêhôva.”