Êsra 4:24 - Nau Brah Ndu Ngơi 2023

²⁴ Pônây nau kan rdâk ngih Brah Ndu ta ƀon Yêrusalem rlu hêng, kŏ tât năm rơh bar rnôk Darius, hađăch Persi, chiă uănh.

Êsra 4:24 ပူးပေါင်းရင်းမြစ်များ

Êsra 3:8

Khay bar năm rơh bar, tơlah khân păng tât jêh ta ngih Brah Ndu ta Yêrusalem, Y-Sôrôƀaƀel, kon bu klâu Y-Sêaltiêl, jêh ri Y-Jêsua, kon bu klâu Y-Jôsadak, ndrel ma lĕ rngôch phung oh nâu khân păng ƀaƀă, jêng phung kôranh ƀư brah, phung Lêvi, nđâp ma lĕ rngôch phung tă bơh nau ƀư bu nă hŏ plơ̆ sĭt ta Yêrusalem, ntơm pah kan ndâk ngih brah. Khân păng dơm kan ma phung Lêvi, ntơm bơh bar jât năm klơ, ăn khân păng mât uănh nau pah kan ndâk ngih brah Brah Yêhôva.

Êsra 4:23

Hŏ lôch jêh răk samƀŭt nau ntrŭnh bơh hađăch Artasersês tanăp măt Y-Rêhum, kôranh nchih samƀŭt Y-Simsai jêh ri phung pah kan ndrel khân păng, pôri khân păng hăn ma nau ndal rlet ma phung ƀon lan Yuđa ta Yêrusalem, sŏk nau dơi ktang nchâp gay ăn khân păng rlu lơi kan rdâk.

Êsra 4:5

Khân păng nkhôm phung kơl nchră kan tâm rdâng đah phung Yuđa, gay ƀư rai lơi nau khân păng ŭch mĭn ƀư, dôl rnôk chiă uănh Y-Sirus, hađăch Persi, kŏ tât rnôk Y-Darius, hađăch Persi.

Êsra 5:1

Nôk nây, nơm mbơh lor Y-Hagai jêh ri nơm mbơh lor Y-Sakari, kon Y-Idô, amoh Brah Ndu phung Israel gay mbơh nkoch nau Kôranh Brah ngơi ma phung Yuđa gŭ tâm n'gor Yuđa jêh ri tâm ƀon Yêrusalem.

Êsra 5:5

Ƀiălah Brah Ndu n'gang phung bu ranh phung Yuđa, yor ri khân păng mâu buay ôh nau rdâk kŏ tât nôk plơ̆ mbơh nau nây ma hađăch Darius, jêh ri hađăch ăn samƀŭt nau ntrŭnh ma nau kan nây.

Êsra 6:1

Hađăch Darius ntrŭnh ăn bu sek uănh joi tâm ngih jrô prăp samƀŭt ndơ khlay tâm bri Babilôn.

Êsra 6:14

Pôri phung bu ranh phung Yuđa thoi đŏng ndâk ngih brah jêh ri nau kan ƀư dơi chăt hao, di nâm bu nau nơm mbơh lor Y-Hagai jêh ri nơm mbơh lor Y-Sakari, kon bu klâu Y-Idô. Khân păng ƀư lôch jêh nau kan ndâk ngih brah, tĭng nâm nau ntăm bơh Brah Ndu phung Israel jêh ri tĭng nau ntrŭnh bơh hađăch Persi jêng Y-Sirus, Darius, jêh ri Artasersês.

Êsra 6:15

Ngih brah aơ dơi ƀư lôch jêh ta nar rơh pe khay Adar, tâm năm rơh prao rnôk rô̆ hađăch Darius.

Nêhêmi 6:3

Gâp prơh phung mbơh hăn tât lah ma khân păng: “Gâp khan ƀư du ntil kan toyh, mâu dơi hăn ôh. Mâm ƀư gâp chalơi nau kan gay hăn tâm mâp ma khân may?”

Nêhêmi 6:9

Khân păng ŭch nhhu hên gây lĕ rngôch klach krit da dê, yorlah khân păng ntôn pô aơ: “Ti khân păng mra rgănh, mâu hôm pah kan đŏng ôh.” Pôri aƀaơ, “hơi Brah Ndu, ƀư hom ti gâp ktang.”

Ndrom Samƀŭt bơh Yôp 20:5

Nau dơi phung ƀai jêng gleh dơm, Jêh ri nau răm maak phung mâu chroh knŏng ƀât lât?

Daniel 11:2

“Aƀaơ aơ gâp mra ăn may gĭt nau nanê̆ ngăn. Aơ, geh pe hađăch mra mpơl tâm n'gor Persi. Hađăch rơh puăn ndrŏng kuăng lơn ma lĕ rngôch phung hađăch êng. Tơlah drăp ndơ ƀư ma hađăch nây jêng ktang pôri păng mra nsônh phung ƀon lan tâm rdâng đah ƀon bri hađăch Grek.

Daniel 9:25

Pônây ăn may gĭt jêh ri gĭt rbăng ntơm bơh geh nau ntrŭnh njêng tay jêh ri rdâk tay ƀon Yêrusalem kŏ Nơm Dơn Tŏ Dak Ƀâu Kah tât, pôri geh pơh năng pơh jêh ri prao jât ma bar năng pơh. Ƀon nây bu dơi rdâk tay, geh trong jêh ri pôih nâp, dôl rnôk jêr jŏt ngăn.

Ndrom Samƀŭt bơh Agê 1:1

Tâm nar năng nguay khay prao, năm rơh bar, rnôk hađăch Darius, geh nau Brah Yêhôva lah ta nơm mbơh lor Y-Agê ma Y-Sôrôƀaƀel kon bu klâu Y-Sêaltiêl, kôranh chiă uănh n'gor Yuđa, jêh ri ma Y-Yôsuê kon bu klâu Y-Jêhôsadak, kôranh ƀư brah toyh lơn, kơt aơ:

Ndrom Samƀŭt bơh Agê 1:15

Nây jêng nar bar jât ma puăn khay prao, năm rơh bar, rnôk hađăch Darius chiă uănh.

Ndrom Samƀŭt bơh Agê 2:15

Pôri aƀaơ, mĭn rvê hom, ntơm bơh nar aơ let panăp, lah ê hŏ bu dơm lŭ aơ ta klơ lŭ ri gay ma ndâk ngih Brah Yêhôva

Ndrom Samƀŭt bơh Agê 2:18

Aƀaơ aơ, mĭn rvê hom, ntơm bơh nar aơ let panăp, nây jêng ntơm bơh nar bar jât ma puăn khay sĭn, nar ƀư mbon ngih Brah Yêhôva, mĭn rvê hom ma nau nây!

Sakari 1:1

Tâm khay pham, năm tal bar rnôk rô̆ Y-Darius chiă uănh, geh nau Brah Yêhôva ngơi ma nơm mbơh lor Y-Sakari, kon bu klâu Y-Bêrêkia, sau Y-Idô, pô aơ:

I Têsalônik 2:18

Yor ri, hên, gâp yơh, Y-Pôl, bar tơ̆ jêh ŭch hăn tât ma khân may, ƀiălah Satan hŏ buay hên.